بسم الله


بنات الرياض تكفون اول شئ ادعو لي ان الله يسهل لي اموري

دعيتو لي ؟؟

طيب الحين بقول لكم على الوظيفه


فيه شركة سيارات بالرياض مقر ادارتها بحي السويدي

طالبين 35 بنت سعوديه

يوظفونها عندهم وهي في بيتها بالنسبه ..

يعني

البنت ما تدوام عندهم .. مجرد تنجز العمل اللي يعطونها اياه وهي متكيه في بيتها

العمل هو :

- محصلة ديون -


يعني هم لهم اموال في السوق يبون يحصلونها


البنت اللي تبي تتوظف لحسابهم الطريقه كالتالي :

يروح ولي امرها ويعطيهم - صوره من بطاقة العائله - معروض مقدم باسمها بانها تبي تتوظف عندهم واي شهاده عندها -

لانهم مو طالبين شهاده معينه .. المهم ان البنت تكون شخصيتها ممتازه وتقدر تحصل لهم الديون من العملاء

واول ما تستلمين الشغل

بيعطونك كل اسبوع اوراق واسماء بالعملاء اللي عليهم ديون
وانتي تكلمين هالعملاء طوال هالاسبوع وتحاولين بقد ما تقدرين تجيبين الدين
اللي يعصلج معها تكتب جنب اسمه في الجدول - ملاحظه انه رفض الدفع -

اخر الاسبوع يوم الاربعاء ياخذ السواق حقها او ولي امرها اوراقها ويوديها لمقر الاداره ويعطونها شغل جديد ..... وهكذا


شلون تاخذ نسبتها ؟؟


ان حصلت ورجعت للشركه 20,000 الف من ديونهم في الشهر
تاخذ نسبة / 4000

ان حصلت لهم 40,000 من ديونهم في الشهر
تاخذ نسبة / 8000

ان حصلت 60,000
تاخذ نسبة /12000

المطلوب بنات من الرياض يقدرون يقومون بهالعمل ولهم قدره على تحصيل الديون
وشاطرات

الشركـــــــــــه مقرها في السويدي

والله يوفقكم الله تبي الرقم تراسلني على الخاص عشان اعطيها رقمهم


يبون بنات قبل يوم الاثنين هذا .................
07-07-1428 هـ, 01:20 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ياقلبي ممكن رقمهم واسم الشركة وتفاصيل اكثر كيف تحصل الديون وهي بالبيت اكون شاكرة لك
07-07-1428 هـ, 01:34 صباحاً
 
ريم

تحصيل ديون

يعني تكلمين لهم العملاء اللي بيعطونك اسماءهم وارقامهم وكم ديونهم
وانتي تراجعين مع العملاء وتتابعنيهم
وتخليهم يردون فلوس الشركه وهم يعلمونك كيف بيردونها كاش او تحويل او او

انتي عاد بتتعرفين على التفاصيل الدقيقه لا استلمي الوظيفه وراح ولي امرك باوراقك للشركه
شوفي راسليني على الخاص واعطيك الرقم
07-07-1428 هـ, 01:55 صباحاً
 
الله يعافيك ويسهل رزقك يارب ويفتح لك ابوابه

ارسلي الرقم لي
07-07-1428 هـ, 01:59 صباحاً
 
الوظيفة والله حلوه بس وين الرجال اللي بيطيع يخليك تكلمين رجاجيل علشان تحصلين الديون
لو اقول لزوجي عطاني محاضرة في صوت المراه وفي حاطين بنات علشان يتعرفون وعلشان اذا سمعو صوت الحرمة يستحون او يلينون معها ووووووووو
الا ان كان الديون من حريم فعطينا التفاصيل
07-07-1428 هـ, 02:02 صباحاً
 


الساعة الآن 09:50 .