up

السلام عليكم

اسفه على التاخير بالرد

بالنسبه لابتسام بصراحه شغلها حلووو مره ونفسها احلى

واذا تبغين تعديل تعدل لك

انا اقولكم عن تجربتي معها

انا صبغت عندها 3 مرات وكلهم حلوات

الاولى عسلي مع خصل 3 الوان بس بيج وبني وعسلي فاتح

الثانيه بني شوكلاته مع خصل عسلي واحمر

الثالثه ساده

وهذي فاتوره صبغه من صبغتهم

صبغة منتصف الظهر 400

صبغة هايلات منتصف الظهر لونين 400

هايلات اضافي 125

قص شعر 100


------------------------------------------

خلاصة تجربتي بالسوق

السوق كله بصراحه يحوم الكبد خلاقين مخلقنه

مايصلح الا للي يلبس قصير وعاري وبناطيل

ياحظ المصرقعات بس

و اغلبه هالبلايز الطويله الي ماااااااااااااااااااااادري وش تبي

عموما بقولكم وين رحت لم الاسواق

1- رحت لم صحارى وشريت بدل شتويه ماعليها من اوكايدي لولدي

بصراحه بضاعته الشتويه احلى المحلات الولاديه بس خلصت المقاسات ولازم انتي تقعدين ساعه تدورين .

وشريت لي بلوزه من محل اسمه M2 يااااربي شايفتها هالبلوزه وين وين وين !!! يوم تذكرت اني شايفتها في محل dehry السواني الي بالفيصليه طلع كل المحل تقليد له .

رحت لم كوتون , اول هالمحل يجيب بضاعه تخرش العقل , بصراحه الحين بضاعته تجيب الطواعين يعني لا تتعبون أنفسكم تروحون لمه .

رحت لم 1 . 2 . 3 حق ايتام , برضه هذا كان يجيب اشياء حلوه , الحين فيه كذا قطعه مخفض عليها بس يعني ميب مره , اخذت وحده شتويه . سعرها بــ 100 واول كانت ب 300 واختي شرت منهم فستان شيال بـ 200 واول كان بــ 400

باراتس حق الجزم مخفض وشرت اختي جزم سبورت للمدرسة .

واي باي حلو واشوف اختي شرت منه واسعارهم فوق 300 للقطعه الوحده
-----------------------------------------------------------

2- رحت لم بوتيك خيال على طريق الملك عبد الله , يجيب المرض لحد يروح له , وربي مالقيت ولا شئ يفتح النفس عندها وكله مقاسات صغيره عاد هي نفسها تقولي ماعندي شئ الحين بنزل بعد شهر .

-----------------------------------------------------

3- رحت لم الفيصليه احلى شئ فيه محل ارتبل بصراحه حلو بس للي عنده فلوس

تيوراته تخرش العقل بس من طقة 3000 وفوق .

السواني ماعندهم شئ يفتح العين , مالقيت الا تنوره وحده عجبتني بــ 600 بس مافيه الا مقاس 38 .

----------------------------------------------------

4- المملكه انا احب فيها ماركس سبنسر ماعمري جيت الا لازم اشتري منهم بضاعتهم دايم زينه بس هذا كان اول قبل ماتجي حمى الخلاقين وتنتشر بالاسواق , لحد يتعب حاله ويروح له .

والس جنبه على طول , هذا اول كان داااااايم يجيب شئ زين الحين نفس حالة السوق ماعندهم شئ ابد وكلها مقاسات كبيره .

-------------------------------------------------------

5- رحت لم عماير السيركون لفيته كله , فيه شئ زين بس غالي , يعني ارخص تيور عجبني بــ 2000 عموما فيه تيور سعره بــ 650 في محل اسمه بوتيك اليجنت فيه منه لونين بني واحمر الاحمر حلو مره بس مافيه الا مقاس صغير مقاس 1 والثاني البني مقاس 2 , وعندهم كذا توب حلوات ميب شينات على 400 .

الغرفه الذهبيه انواع الخياس وربي امسك القطعه ويطلع منها غبار , ماعجبني ابد .

-----------------------------------------------------------------

6- حياة مول

كبير على غير سنع

احلى شئ فيه تخفيضات Spring اخذت كذا جزمه للجامعة

السواني عندهم مخفض على كذا تيور بس ماااعجبتني ابد .

فيه محل نسيت اسمه عند البوابه الي فيه زارا , هذا الي يبغى توبات للزواجات شك فيه عنده بالهبل حلوات ماعليها .

محلات الاطفال عندهم فوق اشكال والوان .

عندهم محلات للفساتين فوق ماعجبني منهم الا ارتبل .

شريت عبايه من الاختيار الاول فوق الفراشه الي على الراس بــ 350 . مريحه جدا على اللبس .

شريت من برمود كذا جاكيت شتوي على 49 بعد ماكانت على 200 . بس اغلب المقاسات عندهم خلصت . ( لحد يقرب من برمود الا وقت التخفيضات ) .

وهذا خلاصة فرفرتي في السوق الي ماحصلت شئ منه الا كسر الرجلين وتجديعة ولدي عند الشغاله من العصر لين الساعه 10 .

الناس كلهم هابين بالخياط

والخياط رخيص عاد ؟؟ والله من قله

اتصلت على وحده قالت اقل من 1500 مافيه

مادري الدنيا غلت وهالاسواق وهالطماعين يحسبونا نمشي ونجدع فلوسنا بالشارع

الله يعين بس

اسفه على الاطاله

تحياتي لكم

ارابيل اش احسن وحده للويفي وللمكياج

نبي رقم عبيييير لا هنتوا اللي بارابيل