اطباقي

روابط اطباقي لحبايب قلبي
سلطة الفلافل الخطيرة
سلطة فلافل خطيييييرة
تاخذين الفلافل وتفطعييينه ارباع
ويقطع الخيار شرايح طولية
والخس يقطع طولي
وخيار مخلل حلقات
فلفل مخلل شرايح حسب الرغبة
كله يصف طبقات

الصلصة
لكل علبة روب
ملعقة طحينه ( هرده )
رشة ملح


تزين بالنعناع والسماااق وبالهناء والشفاء
________________________________
البطاط المهروس بالمشروم العجيب
لالالالاتطووووفكم البطاطا المهروسة بالمشروووم العجيبه
السلام عليكم خواتي
هذي اول مشاركه لي

وانشا الله تكون فعاااااااااااااله
عندي البطاطا المهروسه اللي اهي ( ماش بوتيتو ) اللي تقدمها جميع المطاعم الامريكية مع اي طبق
طبعا خطييييييييييرة

المقادير:
طبعا المقادير للبايركس اللي بتاخذونه معاكم بيت حمولتكم تنرزون فيه
10 حبات بطاطس متوسطه الحجم
بصله متوسطه مقطعه قطع صغيره
علبة مشروم وافضل الطازج
ملعقتين زبدة مذابة وملعقه صغيرة زيت
كاس جبن المراعي القابلة للدهن
ربع لتر كريمة وبالكويت عندنا علبة كريمة كي دي دي
مكعب مرقة الدجاج او يمكن الغاءه بقليل من الفلفل الاسود والملح
كوب جبنة موازريلا مبشورة

الطريقه ( ترا جدا جدا جدا سهله )
1- يسلق البطاط ويهرس بالشوكه
2- يحمس الزيت والزبده والبصل والمشروم الى ان يصبح البصل بني اشقر
3- بعدين نعجن البطاط وحمسة البصل والمشروم والكريمة والجبن مع بعض جيدا ويرص بالبايركس
4- عندك كوب جبنة موزريلا المراعي المبشروة مخلوطه مع ملعقة صغيرة مايونيز بتقولون ليش بقولكم عشان الجبن ماتصبح يابسه وكتله واستخدمو هالطريقه مع اي شي فيه موازريلا ويوضع فوق البطاط اللي رصيناه بالبايركس
5- توضع بالقرن لحد مايصير الجبن اشقر
6- سووو الطريقه وقولو لي النتايج عشان اتشجع وازيدكم من هالاطباق الحلوة باذن رب العباد
بالعاااااااااااااااااااااااااا ااااااااااااااااااااااااافيه
______________________________________________

الباستا بالبطاط والكريمة
وااااااااااااااو الباستا بالبطاط والكريمة


سلام مره رابعه من مشاركتي
على فكره هالطبق عجيب عجيب عجيب جربوه ومنتو نادمين انا سويته يوم الخميس واليوم واااااااااايد لذيذ
المقادير
1 كيس مكرونه بيني ( اللي طول الاصبع ومفرغه كانها بايب )
3 حبات بطاط مقطعه شبس ومقليه
2 حبة باذنجان مقطعه كانها شبس ومقلية ( انا جربتها مع الباذنجان ومن دونه والله المرتين لذيذ )علبة مشروم شرايح

2 فلفل بارد مقطع شرايح
3 جزرات مقطعه شرايح ( حسب الرغبة )
ربع كوب صويا صوص ماجي
ا علبة كريمة كي دي دي اللي اهي ربع لتر
جبن مازرولا
الطريقة
تسلق المكرونه وتشخل يحمس البصل مع المشروم والفلفل والجزر الى ان يذبل الخليييط
ثم نضيف البطاط والباذنجان ونخلطه اقل من دقيقه
نرفعه من على النار
تخلط الحمسه مع المكرونه ونصب فوقه الصويا والكريمة نخلطهم جميعا ونصبهم في البايركس
نضع المازرولا على وجه المكرونه
ونضعه بالفرن الى ان يحمر السطح
اكلوووووووووووو وتذكروني لذيذ يم يم يم يم
_____________________________________________
فطيرة الدجاج بالسباتخ
فطيرة الدجاج بالسبانخ والكريييمة الخطيره


هاي بنات وامهات
طبقنا اليوم لذيذ جدا جدا جدا على فكره انا من عشاق الدجاج ومااحب اللحم وايد
المقادير
دجاجه مسلوقه ومقطعه قطع صغيره
علبة مشروم مقطعه
3 حبات جزر مبشوره
5 كرات من السباتخ المفرومة المثلجه
مكعب ماجي او يمكن الاستغناء عنه لكن اضافة البهارات
2 علبة عجينة الباف باستيري
ربع لتر كريمة وان وجدت علبة كريمة كي دي دي
جبن كاسات كرافت او غيره صغير

الطريقه
يحمس البصل والمشروم والجزر والسبانخ الى ان يذبل الجزر
ثم يضاف الدجاج ويحرك الى ان يذبل الخليط كاملا
نضيف الكريمة وجبن الكاسات الكرافت الصغير
نخلطهم سويا ونرفعهم من على النار
نصف عجينة الباف الباستيري في قاع البايركس ثم نصب خليط الدجاج فوق العجينة
فوق خليط الدجاج نقطع العجينة الباستيري شرائح بحجم الواحد سم ثم نصفها فوق الخليط كالشبك نضعها بالفرن الى ان يحمر السطح وبالهناء والشفاء
اقووووووووول اللي تجربة راح تدعيلي ترا عجييييييييييب
_______________________________________________

كيكة الفليك السريعه
كيكة الفليييييييييييييييييييييييييي يك السريعه والخطيرة
حلو سريع للحلوين

انشالله يعجبكم هالحلا العجيييييييييب


المقادير للبايركس الكبير

2 سارالي باوند كيك شوكولاته
4 قيمر كي دي دي
4 كاكاو دانيت اللي للاطفال
فليك مطحون


يرص الكيك المقطع بالبايركس
يصب فوقه خليط من القيمر والدانيت على فكره نقدر نزيد كمية هالصلصة
ويزين بالفليك او الاوريو وانا افضل الفلييييييييييييييييييك


بالعافيه وانشالله تجربونها
____________________________________________________

طبق صدور الدجاج بسرعة ما تتخيلينها
صدور دجاج بالصلصة البيضا سريع جدا جدا جدا
السلام عليكم
ومبارك عليكم الشهر وعساكم من عواده لا فاقدين ولا مفقودين
هذا الطبق سريع جدا جدا جدا
عباره عن صدور الدجاج بالبقسماط اي نوع انا حبيت ساديا او امريكانا
تقلينها وتصفينهم بالبايركس
وتحمسين فلفل اخضر مع علبة مشروم مع شرايح البصل مع مكعب ماجب بملعقة زيت مازولا لما يذبلون حطي فوقهم علبة كريمة كي دي دي وجبنة كاسات اي نوع انا جربت كرافت والمراعي نفس النتيجة وخلطيهم
صبي الحمسة فوق الصدور رشي جبن مازرولا على الوجه وحطي بالفرن بس لين يذوب الجبن
والله لذيييييييييييييييييييذ والكل راح يعجب فيه وتراه تاليفي يعني انا الطباخه بس جربوه وردو علي شكراااااااااااا
_____________________

وراح ازييييد من الاطباق انشالله