السلام عليكم ورحمة الله وبركاته ..
راح أدخل في الموضوع مباشرة ..
الشقة اللي راح أسكن فيها معدله من وإلى من ناحية الدهان والحمامات أعزكم الله أنا مااخترت فيها
شي .. كنت اتمنى أنا اللي أحط لمساتي في كل زاوية من زوايا شقتي اللي راح أسكن فيها .. << راح الحلم ..
بعض الأماكن مو عاجبني التعتيق وواحد من الحمامات مو عاجبني لونه وفيه كمان مدفئة مسويينها
مو عاجبتني لإنها عادية جداً :( ..
فأبغى استشيركم في كذا شغلة إن شاء الله ماتخذلوني ..
وإنتم أهل عشان أسألكم وأستفيد من خبراتكم الفنية والتغيرية والتفكيرية:42:
أولاً :
الغرف غيرت التعتيق من جديد .. والحمد لله طلعت حلوة ..
ثانياً ::
المدفئة صايرة مثل المستطيل مافيها شكل من الخارج ومن الداخل اللي هي الفتحة اللي المفروض يصير فيها الخشب مربعة وأحد أضلع المربع اللي من فوق شكله قوس ..
الألوان اللي مسوينها فيها من فوق اللون ذهبي ( اللي هو الجدار الخارجي للمدفئة )|..
وبعدين مابين الفتحة إلى الجدار الخارجي مسوينه تعتيق بيج فاتح جداً وفيه أشكال باللون الأخضر
وبعدين إطار المربع لونه بني شوي فاتح
أبغى أغير ألوانها .. حبيت أستشيركم أيش اسوي الألوان هي الصالة بشكل عام ألوانها البني والبني المحروق والبيج .. تنصحوني أسويها أي لون .. وإذا عندكم صورة ياريت ترفقونها بردكم ..
عشان أراويها للدهان ويضبط لي الشكل ..
على فكرة تابع المدفئة على جوانبها الأيمن والأيسر فيه عمود مثل الشجرة معتق بلون بني محروق
ومن فووق مرة جهة السقف فيه أعمدة طالعة مثل القديم
ماأدري فهمتوا علي أو لا .. هي جاية الديكور اللي لها مثل القديم ..
ثالثاً ::
لون الحمام أعزكم الله رمادي :09: وأنا اللون الرمادي ماأحبه أكرهه
وأنا وأعوذ بالله من كلمة أنا أحس إن دورات المياه بحد ذاتها مملكة الواحد المفروض يتفنن فيها
ووووووو بس للأسف ضاعت الأحلام .. من أدخل حمام وسيراميكه حلو وألوانه تجنن أجن عليه
وأقول ماشاء الله ..
اتشجعت شوي واقترحت عليه نغير السيراميك .. لإن هو أساساً مو عاجبنه اللون لما شافه لإنه مش هو اللي اختاره على فكرة الشقة ملك لعمي ( أبوه) يعني راح نسكنها لحد ما ننتقل لبيت العمر
ادعو لي أنتقل بسرعة وأتفنن في بيتي .. إن شاء الله والجميع كمان ..
المهم قال إنه جديد وخصوصاً إنه ماحد سكنها قبلنا .. قلت له نغير اللون لإني قرأت قبل فترة هنا
في المنتدى إن فيه صبغ خاص للسيراميك .. ماعجبت زوجي الفكرة ..
المهم انصحوني أيش اسوي أيش أحط من اكسسوارات وأيش الألوان اللي تناسب اللون الرمادي :09:
أنا بحط حول البانيو الزجاج الشفاف اللي يجي مثل الأوكورديون قلت بخلي أطرافه فضي
إنتوا ايش تنصحوني .. :26:
رابعاً ::
جهة الغسيل هذا المكان عاجبني مرة .. الجدار مرة روعة ..
خلني أشرح لكم أيش أبغى من غرفة الغسيل ووين موقعها صايرة في الشقة .. :)
جاية غرفة الغسيل أول ماندخل القوس اللي يؤدي إلى الغرف من أدخل القوس على يدي اليسار
جاية غرفة الغسيل وفي الوجة تماماً غرفة وعلى يدي اليمين حمام ( نفسه اللي لونه رمادي :09: )
وغرفة ثانية .. هذا القوس ندخل له من الصالة مباشرة فأنا أبغى احط باب اوكرديون عند غرفة الغسيل
لإنه المنظر مو حلو غن الضيوف جالسين في الصالة ويشوفون غرفة الغسيل صح ؟!
فحبيت آآخذ أرائكم كيف الباب أركبه من وين في الشرقية عنده أبواب أكرديون حلوين واسعاره
مناسبة أو إذا عندكم فكرة ثانية انقذوني بها .. عسى الله يفرج همكم ...
ومشكورين مقدماً ..
واعذروني على الإطالة والشرح اللي مو عدل .. :42: :42:
chord @chord
محررة برونزية
يلزم عليك تسجيل الدخول أولًا لكتابة تعليق.
chord
•
آآآآآآآآآآآآآآآآآخ ياسكرة طيحتي قلبي ..
اللون البيج والبني في الحمامات بيهوس ..
انا اللون اللي عندي رماادي إذا كان عندك ديكورات رمادية تحلي الحمام اللي عندي
حطيها لي ..
ماني متصورة أيش الألوان اللي تناسب الرماادي احسه ماتناسبه شي ... مافيه شي يركب عليه
ومشكورة على الصور اللي طيحت قلبي ..
اللون البيج والبني في الحمامات بيهوس ..
انا اللون اللي عندي رماادي إذا كان عندك ديكورات رمادية تحلي الحمام اللي عندي
حطيها لي ..
ماني متصورة أيش الألوان اللي تناسب الرماادي احسه ماتناسبه شي ... مافيه شي يركب عليه
ومشكورة على الصور اللي طيحت قلبي ..
sokarah
•
chord :
آآآآآآآآآآآآآآآآآخ ياسكرة طيحتي قلبي .. اللون البيج والبني في الحمامات بيهوس .. انا اللون اللي عندي رماادي إذا كان عندك ديكورات رمادية تحلي الحمام اللي عندي حطيها لي .. ماني متصورة أيش الألوان اللي تناسب الرماادي احسه ماتناسبه شي ... مافيه شي يركب عليه ومشكورة على الصور اللي طيحت قلبي ..آآآآآآآآآآآآآآآآآخ ياسكرة طيحتي قلبي .. اللون البيج والبني في الحمامات بيهوس .. انا اللون...
سلامة قلبك من الطيحان يا chord ولفيت في منتديات ثانية على حمامات رمادي ما لقيت الا هذي الصور وما فيها اكسسوارات كثير وعلى فكره الحال من بعضة انا حمامي رمادي ومو حابته
وان شاء الله تفيدك الصور
وان شاء الله تفيدك الصور
الصفحة الأخيرة
الفاير بليس