تجربتي مع سواد الركب

السلام عليكم


كيفكم يا صبايا ؟؟؟؟؟

انا اليوم اول مره اكتب لكم خلطة من عندي وما كتبتها إلا بعد ما الكل لاحظ النتيجة


القصة يا حبايبي اني متعوده اسوي ليديني و رجولي خلطة مكونه من :

جليسرين سائل + جليسوليد + زيت لوز + زيت سمسم + ليمون

و ما اهتم بالمقادير و هالخلطة طلعت معي كذا لان كل هالاغراض كانت موجوده عندي ومو عارفه

ايش اسوي فيها فقلت خليني اخلطهم مع بعض و اشوف

المهم اني داومت عليهم فتره ولاحظت ان يديني ورجولي فتحت و زادت نعومه

فقلت ليش ما استخدم هالخلطة للركب و الاكواع

فصرت كل ليلة ادهن الركب و الاكواع بليمون اخليه ينشف و بعدين ارجع ادهن ثاني

الين ما اخلص نص ليمونه و في اخر مره احط شوية بيكربونات و الركبه لسه رطبه و افرك فرك بسيط

و الله يا بنات راح تشوفو ان لون البيكربونات تغير عن لونها الاول وبعدين اغسلهم و احط من الخلطة

السابقه و الحمد لله انا ماشيه عليها لي كم اسبوع و الكل لاحظ التغير

بس المهم المداومه عليها واهم شي الليمون و الخلطة يعني مو لازم كل يوم تحطي بيكربونات ممكن

كل يومين او ثلاثه


جربوها و ادعولي

تحياتي