اقتباس مشاركة  (Demo349)
اختى ع س ل السعودية لا انا اقصد التوفى اللى من سكر وقشطة حق الكيك واللى احطه مع الموكا بعد..
ياليت يابنات تجاوبون

طيب ليه ما تسوين كميه بسيطه وتجربين ؟؟
اقتباس مشاركة  (بنت جزيرة البحر)
معلومات حلوة ومنكم نستفيد اما عن نفسي أفرزن السمبوسة والقطايف وبسسسسس

السبوسه اعرف طيب كيف القطايف ؟؟؟؟؟؟؟؟

ومشكوره ياقلبي على مرورك
اهلين اختي حنان
شوفي انا مثلك موظفه وعلشان كذا انا دايما افرزن كل انواع المعجنات والحلويات
اولا المعجنات تسوينها عادي كانك بتاكلينها وتخلينها تبرد وبعدين حطيها في صينيه وبالفريزر وبعد ما تثلج زين جيبي علبه بلاستيك وحطيها وبين كل طبقه حطي ورق نايلون واذا تبين منها طلعيها قبل وقت مثلا انا اذا بيجوني ضيوف العصر اطلعها الظهر وما اسخنها وبتصير مثل القطنه
اما الحلويات افزن جميع انواع الكيك والبسبوسه والسينابون وبنفس الطريقه في علب بلاستيك واحيانا اذا ابي اقدم الكيكه كامله اخليها في صحن التقديم وبعدين اطلعها من الفريزر قبل وقت وبعد افرزن حلا الشتلات بنفس الاكواب احطها في علبه وافرزن حلا عنقود العنب اصف الكور في علبه بلاستيك وبين كل طبقه احط بلاستيك وافزن الجبنيه وا صابع الجبن بدون قلي ومتى ما ابي اطلع على طول وبالزيت
وهذي الاشياء اللي قلتلك عليها ما تتغير ابدا وممكن تجلس ثلاثه شهور انا مجربتها من عشره سنوات ومخصصه فريزر لها فقط لان اذا حطيتيها مع فريزر اللحم بتصير لها ريحه والله على ما اقول شهيد وبالعافيه واي سؤال انا حاضره
مممكن تفهميني ايش الاستنتاج من الموضوع لاني قريته ولسا مافهمت>>> فهمي بطيئ

السمبوسه الفها وافرزنها بعلب بلاستيك وبيت كل وحده والثانيه منديل صح؟
البيتزا تنطبخ كاننا بناكلها وبعدين نفرزنها بصينيتها صح؟ طيب كذا بتاخذ مساحه وبتخلص الصواني
الفطاير مافهمتها بصراحه فهميني
والحلا افكر اسويه من الليل اما الكيك لا اسويه وقت مانبغاه احسه مايصلحله التفريز وكلها ثلث ساعه ويجهز مو محتاجه المساله
يااااااااارب انك تهدي عيالي وتصلحهم وتعينني على تربيتهم قولو امين
مرحبا أختي أغلى ناسي
البيتزا توضع بالفريزر اذا كان حجمها دوائر بصينيه بلاستيك وبعد ما تثلج توضع في علبه بلاستيك وبين كل طبقه كيس نايلون وبكذا مافي صواني بالفريزر وأما الفطاير نفس الشي في صينيه ولما تثلج توضع في علبه بلاستيك (مثل الكروسان وفطاير الدجاج والزعتر والخضار) وبامكانك كتابه على كل علبه بلاستيك اسمها مثلا بيتزا ورتبي العلب بالفريزر وكذا يصير فريزرك رووعه
أما الكيك نعرف أنه بسيط وسهل ولكن أنا أفرزنه علشان لما يجوني ضيوف على غفله أو خبروني أنهم بيجون ومالي نفس أطبخ ويكون جاهز عندي
وانا يا أختي أغلى ناسي ماأدري انتي تبيني أنا اللي أوضح أم غيري
وتقبلي تحيــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ــاتي ....................


الساعة الآن 06:07 .