نصيحة لكم يابنات ابتغي فيها وجه رب العالمين(فطاير بك انواعها)

هلا بنات كيفكم

بنات من خلال تعاملي مع اغلب المعروفات في تجهيز الفطاير والاكلات الشعبية للحفلات اكتشفت شي خطير ممكن يضر بصحتنا ويجيب لنا المرض ولا احنا دارين من وين سببه

انا كنت افتكر ان اللي يجهزون فطاير الفريزر ويجهزون صواني والاعياد والحفلات الولادة من معجنات وغيرها ان عندهم عاملات متخصصات في هذا المجال
لكني اكتشفت والله يشهد على مااقوله ان الواحدة منهم ماعندها غير شغالة او ثنتين لبيتها وبس

واللي يساعدها في الخبز ولف الفطاير وحشوها وترتيبها هم عاملات متخلفات يعملون باليوم او الساعة ومن جنسيات مختلفة من بنغاليه اوسيرلنكيه او اندنوسية او حبشية او....ااو..عرب او عجم... وياكثرهم
وكلهم يامتخلفات ياهاربات من كفلائهم وماعندهم اي ضمان صحي وحنا ياغافلين لكم الله نبلع ولانعر ف البلى والجلى اللي ممكن يجينا الله يحفظنا من كل شر


ولو قلنا ان النار والحرارة تعقم وتقتل كل شي
بس فيروس الكبد بي وش يقتله وكلكم عارفين ان التهاب الكبد الوبائي خاصة (ب اوB) الله يكفينا شرة لايمكن الفيروس يموت في الجو الخارجي حتى لو تعرض للحرارة لايمكن يموت ويعيش في الجو الخارجي من خمس الى ست سنوات
فأنا حبيت انبهكم لوجه الله وإن أصبت فمن الله وإن أخطات فمن نفسي والشيطان

والبديل يابنات موجود اي محل معجنات انتي واثقة في شغله على الاقل يكفي الشهادة الصحية ومراقبة البلدية اطلبي منهم الفطاير والكبب اللي تبغين وبالكمية والحجم اللي تبغين ويعبيها لك في تبرويهات واحفظيها عندك في الفريزر

وعلى فكرة اذا كنتي تبغين تعملين كبه ممكن انتي ترسلين اللحمة المفرومة اللي انتي شريتها بنفسك وهو يعمل الحجم والكمية اللي تبغينها
حتى المطبق اذا تبغين اعملي انت الحشوة على كيفك وارسليها للمطعم

وماضاقت الا فرجت
وربي موسعها علينا من كل ناحية


والحمدلله رب العالمين