بسم الله الرحمن الرحيم

اخواتي الغاليات اهنئكم ومن اعماق قلبي على هذا القسم الاكثر من راااائع..والسبب
انني ومن كثر ماكنت اتابع هالقسم استفدت الكثيير والكثير واللي خلاني انحف نحف ابهر الجميع حولي وبدون مبالغه الكل والله مو مصدق انه هذه اللي قدامهم انا ودائما اسمع اش سويتي .نحفتي مرره. وصرتي احلى من اول(قولوا ماشاء الله).
صحيح ماالتزمت برجيم بعينه لكن كنت اتابع تجارب الاخوات وتشجيعهم لبعض ونصائحهم(هذا قبل اشتراكي بالمنتدى)وبدأت اتحمس مثلهن وبدأت عزيمتي ترتفع وبدأت مشوار الرشاقه من شعبان وفي رمضان كنت اركز على الاكلات اللي مافيها دهون وصحيه وكنت افطر واتسحر بس مافيه وجبات زياده وطبعا مع استمراري بمتابعة هالقسم يوميا (عشان العزيمه ماتقل).
واللي حابه تعرف كيف كان برنامجي واش سويت اناحاضره.

المهم حبيباتي عندي سؤال اتمنى اللي تعرف اجابته ترد علي
حابه اعرف هالاكلات تسمن وتزيد الوزن او لا؟؟


التبوله / الجريش / الكمثرا / الرمان / عصير العنب بدون سكر / الذره الطازجه مشويه او مسلوقه

وشكرا للجميع
اختكم الحلوه المغروره.

هلا أختي:مبروك النزول الجميل وأنا أول وحده تبارك لج في المنتدى وبلطبع أبا منج التفاصيل من يوم كنت تعانين من السمنه ولين اليوم....( أذا مافي مانع) وبلنسبه لسؤالج: التبوله وايد مفيده لكن قللي من البرغل لانه يمتن شوي،، والجريش مثل البرغل والهريس بعد يمتن،،، والكمثرى وايد مفيد لانه من الفواكه ومايزيد الوزن عليج فيه بلعافيه،،،والرمان بعد كلي منه ولاتحاتين،، وعصير العنب بعد مش مشكله،،والذره تزيد الوزن لانها سكريه،،، لكن أذا تبين نصيحتي كلي كل اللي خاطرج فيه للللللللكن لاتكثرين وكلي بتعقل،،، أتمنى أني أكون أفتج شوي، وأنا في الانتظار لمعرفة ماضي السمنه..... تحياتي لج..
التبوله اذا قللتي البرغل والزيت ما تمتتن
الجريش زي الرز تقريبا ولكن اخف شوي من ناحية السعرات الحراريه
الكمثرا ممتازة بل وتعتبر من المأكولات سالبة السعرات
الرمان ممتاز
عصير العنب ممتاز برضه ولكن مو اكثر من كاسه كل يومين على الاكثر لان سعراته عاليه
الذرة رائعه كلي منها واشبعي بس بدون زبده لان قرن الذرة الواحد فيه اقل من 50 سعره يعني اقل من البرتقاله لكنها تسبب امساك شوي

اتمنى اكون افدتك ومبروك النزول
اللهم رحمتك ارجو فلا تكلني الى نفسي طرفة عين

نادوني ام عبدالرحمن الله يسعدكم

مثل ما تفضلوا الأخوات وقالوا لج ..

بس طبعاً حتى لو كانت تمتن ..
تأثيرها مش مثل تأثير الرز و المعكرونات والصلصات والحلويات ..

بالعكس ..
مفيدة ..

وكل شي تاكلينه بتوازن ان شاء الله ماله مضره ..



وبالبركة عليج النزول .. والله يقوّيــج


جزاك الله خيرا بالصحه والعافيه ان شاء الله


الساعة الآن 04:59 .