كيفكم يابنوتات وياحواءات
طمنونا عنكم
الحمد لله أنا بخير ونعمة <<<<< أحد سائلك
الموضوع على السريع ...........
إيش رايكم يابنات نحط لنا ملف للحلويات السريعة اللي ماتحتاج لاطبخ ولا تعب نجمعها من عندنا ومن كل مكان عشان يصير ملف واحد للعجازييييين
واللي مشغولين كثير وماعندهم وقت للطبخ والنفخ
ياليت تشاركوني وإذا أعجبتكم الفكرة نبدأ على بركة الله وكل ماصار عند أي وحدة مننا طريقة تضيفها
بإنتظاركم عشان نبدأ
طبعاً أنا عندي كم طريقة بحطها بعد ما أشوف رايكم
وقبل كل هذا نستأذن مشرفاتنا الغاليات وناخذ رايهم في ملفنا المتواضع؟:


اي والله اختي ياريت ونكون شارررررررررررررين لك وللاخوات الي يشاركونا
حلوة الفكرة
ابداي بالتنفيذ على بركة الله
يالله علي بركه الله قبل رمضان






بسم الله وعلى بركة الله

هذي أول طريقة لعيونكم:

حلى كاسات (حلى الآيسكريم)

رائع بمعنى الكلمة وما عمري عملته إلا وينجنون عليه وطبعاً حسب طريقة تقديمه كلهم يحسبونه من برا موشغلي الظاهر ما مليت عيونهم

طبعاً 3طبقات كل مقادير طبقة وطريقة عملها:

الطبقة الاولى:

2علبة قشطة بوك
0.75علبة القشطة ماء
0.50حليب محلى (نستلة) المقاس المتوسط
1ظرف دريم ويب
2 بسكويت شاي مطحون(100جم)

الطريقة:
توضع جميع المقادير في الخلاط ماعدا البسكويت يوضع بعد ماتخلط المقادير السابقة جيدا ثم يصب في قوالب التقديم.

الطبقة الثانية:

2شوكولاتة سنكرس الحجم الكبير
1علبة قشطة
الطريقة:
تذوب الشوكولاتة في حمام مائي ثم تضاف القشطة وتخلط ثم توزع على القوالب.

الطبقة الثالثة:

6حبات جبن كيري
0.50الحليب المحلى الباقي من الطبقة الاولى
الطريقة:
تخلط جيدا في الخلاط ثم توزع على القوالب.ثم جمليها حسب ذوقك بالمكسرات أو قطعة سويسرول أو شوكولاتة.
ملااااااااااااااحظات الطبق:
1. الطبقة الثانية ماتغطي كامل الطبقة الأولى يعني تحطي بالملعة ولاتفردينها.
2. كذلك الطبقة الثالثة ماتغطي الطبقة الثانية.
3. بإمكانك تثليجها أو تبريدها فقط حسب رغبتك.
4. طبعاً طريقة تقديمها بالكاسات من بداية الطبقة الأولى.

وأي سؤال أنا تحت أمركم
وياليت تشاركوني بطرق من عندكم
أتمنى تكون الطريقة واضحة بدون عرض صور <<<< ماعندها وقت تصور


الساعة الآن 10:09 .