الســلام عليكمـ.. ^_^..
أخباركم يا طباخات عالم حواء ..؟

بما إن شهر رمضان على الأبواب .. "الله يعيده علينا وعليكم بخير وعافية.." ..
وطبعا أكيد الغالب مثلنا يفرزن في الفريز ..
فأنا كتبت هالمـوضوع .. عشان نتبادل طرق عن حشوات السمبوسة ..وياليت يكون شي شي حلو وسهل بنفس الوقت ..
ولأن خدامتنا بتروح في شهر رمضان .. وانا لساتي متخرجة من ثانوي ووراي جامعة .. ومحد غيري راح يطبخ >> الله يرحم أمي >> قصة حياتي ههههه ..

وعن نفسي ما عندي إلا طريقتين .. >> لا تشرهون علي توني اتعلم أطبخ خخخخ..

الطريقة الأولى :
سهلة ويحبونها أخواني مررة ..
جبن مبشور + قطع ذرة مفيوحة ..
وبس....


الطريقة الثانية :"تصلح لكميات كبيرة.."
2 دجاجة مفيوحة .. نقطعهم صغار صغار ..
4 بصلات نحمسها على النار ونضيف عليه قطع الدجاج .. ونضيف عليه البهارات "لومي اسود+بزار+كزبرة+دارسين+ملح"
وبعدين نضيف عليى الحمسة نخج أخضر "بعد ما فحناه" ..
وفي الاخير نضيف تابل وبقدونس على حسب الرغبة .. ..


وبسـ .... هذا اللي عندي.... انتظر مشاركاتكمـ.. ترى مالي غيركمـ...>>يا كثر قرقرتي وتمسكني ههه.


17-07-1428 هـ, 11:03 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
تسلم ايدج يارب
هذي حشواتي يارب تفيدكم
http://forum.hawaaworld.com/showthread.php?t=648888
17-07-1428 هـ, 11:48 صباحاً
 
ايضا هناك حشوة مكونه من فلفل اخضر بارد+جبن شيدر مبشور+جبن موزاريلا
وشكرا لك
17-07-1428 هـ, 02:28 مساءً
 
ماكو اسامي .. + .. تفاحة 2008

تسلم الأيادي يارب..^_^.. راح اجرب وش وراي ..^_&..
17-07-1428 هـ, 02:59 مساءً
 
المعتده عندي لحم مفروم احمسه زين واحط عليه بصل واحط الملح والفلفل الاسود واطفي النار واحط
بقدونس مقطع...
الثانيه ابشر جبن شيد رواخلط معه جبن ابيض وبقدونس وبيضه...
الثالثه بطاطس مسلوق ومهروس يخلط معه بقدونس مقطع وجبن كيري....
هذا الي اعرفه
17-07-1428 هـ, 04:12 مساءً
 


الساعة الآن 10:35 .