Analysis Services
السلام عليكم و رحمة الله و بركاته ,

جُزيت خيراً أرزاق مقسومة على كل جهد تبذله ..
أرجو من الله تعالى أن يرزقنا جميعاً الرزق الحلال الدائم


عندي أسأله ..

أنا مبتدأه جداً
زمان كانت تجي إكتتابات و أمي تاخذني معاها نكتتب و أنا ما أدري أًلا يعني أيه كلمة سهم !
ما عندي محفظة على ما أعتقد بس حسابات جارية
وحساباتي بأكثر من بنك ..
هل بمجرد الإكتتاب يفتحون لي محفظة ؟


هذا شيء
الشيء الثاني .. إذا ما فتحوا لي محفظة ..
فراح أفتح محفظة .. و أنا قرأت ببداية الموضوع أنك تقول أن الناس الي يشتغلون بالأسهم أنواع
منهم المضارب <<< ودي أتعلمها بس أنا الآن جداً مشغولة و مقدر أتفرغ للأسهم
وعليها فراح أكون مستثمرة متوسطة المدى ..

أبغى سهم أرباحه يوزعها كل شهر او بعد شهرين أو ثلاث أشهر ممكن ترشحلي ؟
و عشان ما أتعبك ممكن أعرف الشركة متى توزع أرباحها ؟
لأني أفتح تداول و أقرا عن الشركات ولا أعرف وش القصة !
ولا أفهم الموقع بكبره أصلاً ,,,!
فمن أي أيقونه أضغط ؟ وين أروح بالموقع تداول عشان أشوف متى الشركات توزع أرباحها ؟
هل ينزلون تاريخ معين يقولون مثلاً يوم كذا كذا ارباحنا تنزل ؟


ثاني شي
أنا راح أفتح محفظة , و بسأل الموظفة تعلمني كيف أشتري من الإنترنت
بس شايلة هم
ذحين دايم يوم أفتح الموقع أشوف الأسهم الي أشترك فيها ترتفع كم يوم بعدين تنزل .. بعدين ترتفع بعدين تنزل ..
هل أجني يوم ترتفع .. هل تروح لحسابي مباشرة ؟
و إذا خسرت الشركة هل تسحب الفلوس من حسابي ؟ أو حساب المحفظة ؟


سؤال ثالث : طيب لما ترتفع أنا أبغى الربح ... و أبيعها .. هل الفلوس كذا اتوماتيك تروح لحسابي ؟
ولا لأ .. ماتروح إلا لما تنزل الشركة الارباح ؟


سؤال آخير :
أبيع من الصراف ولا أروح البنك عشان آخذ الكاش طوالي ؟


أنا جدا جداً بحاجة للمال الآن و قاعدة أطالع بالأسهم الي عندي و الي نازلة بالسوق ..
ودي أعرف أتصرف فيها شوي على الأقل أفك الضيقة ..بس ما أعرف

الله يخليك ممكن تجاوبني على أسألتي ؟
و أتمنى أني أكون قدرت أوصل سؤالي أحياناً ما أعرف أشرح ..


أنا بالإنتظار
وفقك الله
05-04-1431 هـ, 02:10 صباحاً
 
مشكوووووووووووووووووووووووووووووو
05-04-1431 هـ, 04:24 مساءً
 
اقتباس مشاركة  (مرسى الأحلام)
السلام عليكم و رحمة الله و بركاته ,

جُزيت خيراً أرزاق مقسومة على كل جهد تبذله ..
أرجو من الله تعالى أن يرزقنا جميعاً الرزق الحلال الدائم


عندي أسأله ..

أنا مبتدأه جداً
زمان كانت تجي إكتتابات و أمي تاخذني معاها نكتتب و أنا ما أدري أًلا يعني أيه كلمة سهم !
ما عندي محفظة على ما أعتقد بس حسابات جارية
وحساباتي بأكثر من بنك ..
هل بمجرد الإكتتاب يفتحون لي محفظة ؟


هذا شيء
الشيء الثاني .. إذا ما فتحوا لي محفظة ..
فراح أفتح محفظة .. و أنا قرأت ببداية الموضوع أنك تقول أن الناس الي يشتغلون بالأسهم أنواع
منهم المضارب <<< ودي أتعلمها بس أنا الآن جداً مشغولة و مقدر أتفرغ للأسهم
وعليها فراح أكون مستثمرة متوسطة المدى ..

أبغى سهم أرباحه يوزعها كل شهر او بعد شهرين أو ثلاث أشهر ممكن ترشحلي ؟
و عشان ما أتعبك ممكن أعرف الشركة متى توزع أرباحها ؟
لأني أفتح تداول و أقرا عن الشركات ولا أعرف وش القصة !
ولا أفهم الموقع بكبره أصلاً ,,,!
فمن أي أيقونه أضغط ؟ وين أروح بالموقع تداول عشان أشوف متى الشركات توزع أرباحها ؟
هل ينزلون تاريخ معين يقولون مثلاً يوم كذا كذا ارباحنا تنزل ؟


ثاني شي
أنا راح أفتح محفظة , و بسأل الموظفة تعلمني كيف أشتري من الإنترنت
بس شايلة هم
ذحين دايم يوم أفتح الموقع أشوف الأسهم الي أشترك فيها ترتفع كم يوم بعدين تنزل .. بعدين ترتفع بعدين تنزل ..
هل أجني يوم ترتفع .. هل تروح لحسابي مباشرة ؟
و إذا خسرت الشركة هل تسحب الفلوس من حسابي ؟ أو حساب المحفظة ؟


سؤال ثالث : طيب لما ترتفع أنا أبغى الربح ... و أبيعها .. هل الفلوس كذا اتوماتيك تروح لحسابي ؟
ولا لأ .. ماتروح إلا لما تنزل الشركة الارباح ؟


سؤال آخير :
أبيع من الصراف ولا أروح البنك عشان آخذ الكاش طوالي ؟


أنا جدا جداً بحاجة للمال الآن و قاعدة أطالع بالأسهم الي عندي و الي نازلة بالسوق ..
ودي أعرف أتصرف فيها شوي على الأقل أفك الضيقة ..بس ما أعرف

الله يخليك ممكن تجاوبني على أسألتي ؟
و أتمنى أني أكون قدرت أوصل سؤالي أحياناً ما أعرف أشرح ..


أنا بالإنتظار
وفقك الله

أختي الفاضلة ،،

أسئلتك ممتازة جدا جدا ، بارك الله فيك ،

1/ إذا كنتي اكتتبتي في أي شركة فهذا معناه أن عندك محفظة ، كل ما عليك هو التوجه للبنوك وسؤالهم ، وترى شيء عادي جدا إنك تسألينهم . معنى هذا أنه بمجرد الاكتتاب أصبح عندك محفظة .

2/ أنصحك قبل البداية بتعلم المضاربة أن تتعلميها على ورق ( وهمي ) تبيعي وتشتري وهمي ، وتتابعي أسهمك وتسجلين كل شيء ، حتى تتعرفين على الطريقة .

3/ كل الأسهم توزع أرباحها كل 6 أشهر ميلادية ( تقريبا )

4/ سأبسط لك المسألة بشكل سهل ..

* لنفرض أنك شريتي 100 سهم في بنك الراجحي بقيمة 90 ريال للسهم الواحد ( مثلا ) ، وجاء موعد توزيع الأرباح ، وقرر البنك أن يعطي ريال عن كل سهم ، معنى هذا أنه سينزل في حسابك ( مباشرة ) 90 ريال زيادة .

** لنفرض أنك شريتي 100 سهم في بنك الراجحي ، وعند موعد توزيع الأرباح قرر البنك منح نصف سهم عن طل سهم مملوك ، معنى هذا أنه سينزل في محفظتك 45 سهم زيادة مجانا ، فيصبح عدد أسهمك 145 سهم .

وهذه هي فائدة الاستثمار في الأسهم القوية مثل الراجحي .

5/ الشركات تعقد اجتماعاتها حسب تواريخ معينة ، ممكن تروحين لتداول تضغطين على الشركة نفسها ( الراجحي مثلا ) يعطيك معلومات عنه ، ومتى توزيع الأرباح ، وكل شيء تقريبا

6/ كما قلت لك لابد من تعلم المضاربة قبل الدخول فيها ، فإذا تعلمتي فاطلبي من البنك تداول عبر النت ، وحاولي يكون عندك برنامج يعطيك أسعار الأسهم مباشرة ، ومن هنا تبدئين في التعلم على المضاربة .

7/ تتابعين سهم معين ، فإذا رأيتي أنه نزل تشترين بنصف المبلغ ، ثم تتابعينه ، لو نزل زيادة تشترين بالنصف الباقي ، ثم تنتظرين الارتفاع ، وتبيعين بنفس الطريقة ( النصف ثم النصف )

8/ من المهم بقاء مبلغ كاش في المحفظة يوازي نصف مبلغ الأسهم .

9/ إذا خسر السهم ( مثلا شريتي بـ 100 ونزل إلى 90 ) ما يسحب من حسابك شي ، وإنما تخسرين الفرق بين قيمة الشراء والقيمة الآن .

10 / لنفرض أن الشركة أعلنت خسائرها لذها العام ( مثل الأسماك ) هذا لا يعني أنه يسحب من حسابك أي مبلغ ،

أتمنى أن أكون وفقت في الإجابة عن أسئلتك ،
مع تمنياتي لك بالتوفيق .
05-04-1431 هـ, 05:48 مساءً
 
السلام عليكم و رحمة الله و بركاته ..

عندي شويه إستفسارت ..
أو خلنا نقول فهمت بطريقة معينة فأبيك الله يجزاك خير تصحح لي معلوماتي ..
ومن الآن أقول أنا جداً آسفة لأني بصير ثقيلة دم
بس فعلا ماني فاهمة الموضوع بالطريقة الي ابغاها ..

بسم الله


اقتباس مشاركة  (أرزاق مقسومة)


1/ إذا كنتي اكتتبتي في أي شركة فهذا معناه أن عندك محفظة ، كل ما عليك هو التوجه للبنوك وسؤالهم ، وترى شيء عادي جدا إنك تسألينهم . معنى هذا أنه بمجرد الاكتتاب أصبح عندك محفظة .


الله يجزاك خير ..
طيب وشلون أدخل عليها من الإنترنت ؟ عشان أبدأ أبيع و أشتري ؟
ما كنت متوقعة أن عندي محفظة ! لأني ما قد شفت أرباح تنزل بحسابي
نفس الي أودعته فقط ..
ولا الفلوس تنزل بحساب المحفظة .. هل حساب المحفظة غير عن الحساب الجاري ؟
وهل لازم أدفع فلوس عشان أدخل محفظتي من الإنترنت ( زي أسمعهم يتكلمون عن برنامج مباشر )
وهل أقدر أدخل من الجوال ؟


اقتباس مشاركة  (أرزاق مقسومة)

2/ أنصحك قبل البداية بتعلم المضاربة أن تتعلميها على ورق ( وهمي ) تبيعي وتشتري وهمي ، وتتابعي أسهمك وتسجلين كل شيء ، حتى تتعرفين على الطريقة .


أنا دخلت أكاديمية تداول .. و أحاول فيها رغم أني للآن ما أعرف شي ..بس بحاول أتعلم قبل لا أدخل السوق فعلاً ..
بس يمكن أتخبط لأني ما أعرف بالضبط أصول اللعبة .. الله ييسرها



اقتباس مشاركة  (أرزاق مقسومة)
3/ كل الأسهم توزع أرباحها كل 6 أشهر ميلادية ( تقريبا )

طبعاً هذا يهمني لو أني مستثمرة
لكن لو أنا مضاربة ما يهمني متى توزيع الأرباح .. لني أضارب وأبيع وأشتري بنفس اليوم صح ؟<<معلوماتي صح ؟
طيب إش أسم الشهور بالأجنبي ؟
يعني كل : يونيو و ديسمبر تتوزع الارباح ؟

طيب هل يعني ذلك أني أقعد أتابعها 6 أشهر كاملة ..
و بعد 6 أشهر يوم توزع الشركة أرباحها ينزل بحسابي الربح .. صحيح ؟
طيب لو خلال هالست شهور الشركة تربح وأسهمها خضراء
وقبل توزيع الارباح نقول بأسبوعين خسرت ..ماتنحسب الارباح السابقة ؟
يعني الاعمال بخواتيمها بالسوق ؟خصوصاً لو أنا مستثمرة ؟

اقتباس مشاركة  (أرزاق مقسومة)

وهذه هي فائدة الاستثمار في الأسهم القوية مثل الراجحي .


ممكن ترشح لي أسهم قوية للإستثمار طويل المدى ؟؟
يعني كل سنة مثلا أشوف الارباح أو كل ست شهور؟

اقتباس مشاركة  (أرزاق مقسومة)

5/ الشركات تعقد اجتماعاتها حسب تواريخ معينة ، ممكن تروحين لتداول تضغطين على الشركة نفسها ( الراجحي مثلا ) يعطيك معلومات عنه ، ومتى توزيع الأرباح ، وكل شيء تقريبا


الله يجزاك خير ..
هل ممكن أتابعها أيضاً من الجرائد زي الإقتصادية .. ولا من الموقع أضمن شي ؟
هل فيه مصدر يرسل لي تنبيه مثلا أنه أنعقد الإجتماع وكذا ..
ولا أنا أتابع بنفسي ؟


اقتباس مشاركة  (أرزاق مقسومة)

6/ كما قلت لك لابد من تعلم المضاربة قبل الدخول فيها ، فإذا تعلمتي فاطلبي من البنك تداول عبر النت ، وحاولي يكون عندك برنامج يعطيك أسعار الأسهم مباشرة ، ومن هنا تبدئين في التعلم على المضاربة .


المضاربة ممكن تكون عبر النت و ممكن تكون عبر الجوال صح ؟
طيب هل ممكن تكون من الإثنين ؟
وأي برنامج تنصحني فيه ؟


اقتباس مشاركة  (أرزاق مقسومة)

/ من المهم بقاء مبلغ كاش في المحفظة يوازي نصف مبلغ الأسهم
.

معليش مافهمت النقطة ذي ممكن تشرح لي بمثال ؟
الي فهمته ان حساب المحفظة مفصول تماما عن الحساب الجاري ..
والارباح تنزل بحساب المحفظة ..
ولو بشتري أحول من الجاري للحساب المحفظة صح ؟
فأحط بالمحفظة فلوس كاش يساوي نصف مبلغ الاسهم <<كيف أعرف مبلغ الأسهم ؟ مو هي في صعود و إنخفاض !


اقتباس مشاركة  (أرزاق مقسومة)

9/ إذا خسر السهم ( مثلا شريتي بـ 100 ونزل إلى 90 ) ما يسحب من حسابك شي ، وإنما تخسرين الفرق بين قيمة الشراء والقيمة الآن .


آها
بالضبط زي التجارة ! لو شريت بضاعة مثلا بخمس ريال و بعتها بأربعه يكون خسرت ريال ..
فهمت .. ويصير أنتظر إرتفاع السهم عشان أبيع ..

اقتباس مشاركة  (أرزاق مقسومة)

10 / لنفرض أن الشركة أعلنت خسائرها لذها العام ( مثل الأسماك ) هذا لا يعني أنه يسحب من حسابك أي مبلغ ،


ياليت تصحح لي معلوماتي .. يعني ما أخسر من حسابي الجاري شي
بس أخسر الفلوس الي دفعتها بالسهم .. يعني شريت بألف ريال ..
صار بـ 50 ريال .. خسرت الباقي كله 950 ريال .. بس ماخسرت حسابي الجاري أهم شي ..حتى لو فيه مليون مايجيها شي
لأن بصراحة مسألة الحساب الجاري هي الي كانت مدوخني
كنت أحسبه مفتوح ومنخلط مع المحفظة !
فكنت أخاف وأنا أسمع الناس خسرانين وأشوف فيه واحد مسكين صار فيه مرض نفسي ..! قالوا خسر مليونيين الظاهر بالاسهم
فقلت يمكن انه شرى بخمسين ريال و سرق البنك كل حسابة ..
طلع هو شاري بالمليون كله ونزل السهم ..! فهمت ..
طيب ليه ماينتظر ارتفاع السهم ؟
ولا الشركات بعضها تعلن افلاسها صح ؟

لا حول ولاقوة الا بالله
الله يرزقنا جميعا المال الحلال ..



طيب الخلاصة الي أنا أستوعبته :
اذا أنا أبغى أرباح .. لازم أكون مضاربة صح ؟
و المضارب يمكن يجني بالأسبوع أكثر مما يجنيه المستثمر في 6 أشهر
خصوصا لو كان المضارب شاطر .. صح ولا غلطانة ؟


طيب الآن أنا بستثمر بأسهم ناوية عليها و أعطيني رأيك :
الي هي : الإنماء - الراجحي - إعمار - دار الأركان

و بضارب بغيرهم بس ما قررت .. ممكن تنصحني بأسهم تصلح للمضاربة ؟
لني حاليـاً أحتاج الأرباح ..


بس فيه شي أبغى أتـأكد منه ..
الآن بشتري أسهم للمضاربة اليومية ..
إذا نزلت أشتري .. و إذا أرتفعت أبيع ؟
طبعاً ما أبيع كل الكمية .. نصفها فقط << فهمت الإستراتيجية كذا .. مدري إذا صح أنا ولا غلط ..
طيب إذا أرتفعت و خليتها مثل ماهي بحسابي .. أكون خسرانة صح ؟ لأني مابعت ولا أخذت فارق الربح ..
طيب الناس الي تشتري السهم وهو أخضر وش هدفها ؟
ليه ماتصير مثلي تشتريه إذا نزل ؟
أبغى أعرف بس ليه يشترونه أخضر ؟ ولا الي يشتري أخضر هذولي الشركات ؟مدري إذا وصلت فكرتي ولا لأ ..


طيب بالنسبة لي كمضاربة
أنا إذا نزلت أشتري صح ؟ وكل ما نزل كل ما أزيد الكمية ..
بس أخاف يثبت السهم أحمر !
إذا ثبت .. كيف أسوي ؟



و بالنسبة للإستثمار طويل المدى ..
أسمعهم يقولون ( الأسهم الثقيلة ) .. الي هي من شاكلية الإتصالات و زين و صافولا وغيرها
الي أرباحها كل سنة أو حتى خمس سنين ..
أشتري منها كمية و بس أنساها .. ما عاد أسأل عنها
هي لا ربحت تنزل بحسابي ...؟ ما أتابعها زي الباقين ! معقولة كذا تنترك ترك .. وتربح من نفسها ؟


بالنسبة للكميات الي أشتريها ..من أي سهم
مثلا هل أشتري خمسمية سهم ؟ ولا كثير ؟
أشتري على خمسين سهم ؟
يعني بالعادة مفروض أشتري كم ؟ وأبيع كم ؟

اقتباس مشاركة  (أرزاق مقسومة)

أتمنى أن أكون وفقت في الإجابة عن أسئلتك ،
مع تمنياتي لك بالتوفيق .
الله يجزاك خير
ما قصرت جعله الله في موازين أعمالك و بارك لك بمالك ..
أسأل الله العظيم رب العرش العظيم أن يرزقك حلال طيبا مبارك فيه ..
وشكراً على صبرك على أسألتي الكثيرة ...
معليش لكن فعلا الصورة ضبابية أمامي !

توقعني كل شوي طابه عليكم لأني شوي فهمي بطيء ..
و كل شوي ينط بوجهي إستفسارات ..
الله يجزاكم خير جميعاً

لا إله إلا أنت سبحانك إني كنت من الظالمين
06-04-1431 هـ, 05:00 صباحاً
 
أختي الفاضلة ،،

أعجبني جدا إصرارك ، وسعيك للفهم ، وهذا هو أول الطريق نحو النجاح ،

وفقك الله وسدد خطواتك .

سأشرح لك شرحا موجزا ،،

1/ المحفظة هي حساب لوحدة ، والحساب الجاري حساب لوحده ، ولا يمكن أن يسحب من هذا في هذا ، ولا أن يدخل ما في هذا في هذاك . فكل منهما حساب مستقل .

2/ الأسهم عبارة عن ( بضاعة ) تشترينها بقيمة معينة ، ويرتفع سعرها ، وينزل ، حسب السوق ، والعرض والطلب والأخبار .
فلنفرض أن عندك أسهم في المحفظة ( 100 سهم الراجحي ، 50 سهم الاسماك ، 200 سهم البلاد ، 180 سهم سابك )

اشتريتي الأسماك مثلا ب 40 ريال ، فلما صار سعرها 41 بعتيها ( كسبتي ريال في كل سهم ) هذا يسمى مضاربة ، وهي الشراء والبيع في الوقت نفسه .

3/ الأرباح التي تنزل في المحفظة ، ليس لها علاقة بسعر السهم اليوم أو غدا ،إنما هذا يعتمد على أداء الشركة خلال السنة ، مثلا :
اشتريتي الأسماك بسعر 40 ريال ، وارتفع السعر حتى وصل 45 ريال ، ولكن الشركة أعلنت خسائر خلال الفترة الماضية ،
سابك اشتريتي السهم ب 100 ريال مثلا ، ونزل حتى وصل 90 ، ومع ذلك أعلنت الشركة أرباحها للفترة الماضية ، وصارت ربحانة ( مثلا 2 ريال لكل سهم ) هنا ينزل في محفظتك ريالان عن كل سهم لك .

4/ المضاربة ، من الأفضل أن ما تبيعين الكمية كلها ، لكن لو بعتيها بربح ، فهذا جيد . ، ولو نزل السهم اشتري كمية أخرى حتى ينزل سعر شرائك للسهم . ولو ثبت السهم ، انتظري ..

5/ الأسهم الثقيلة ( أو الأسهم الخاصة بالاستثمار ، نعم ضعيها في المحفظة وانسيها ، وكل فترة راح تنزل أرباحها في محفظتك أو يزيدونك أسهم ( حسب قرار مجلس الإدارة )

6/ الكميات تشترين حسب سعر السهم وحسب الفلوس اللي عندك ، فليس اللي في محفظته مليون مثل اللي في محفظته 50 مليون ، وليسوا مثل اللي ما ماعه الا 7000 ، فكل وطاقته .

7/
اقتباس مشاركة
اذا أنا أبغى أرباح .. لازم أكون مضاربة صح ؟
و المضارب يمكن يجني بالأسبوع أكثر مما يجنيه المستثمر في 6 أشهر
خصوصا لو كان المضارب شاطر .. صح ولا غلطانة ؟


كلام سليم ، لكن دائما الحذرو اجب .

8/
اقتباس مشاركة
طيب الآن أنا بستثمر بأسهم ناوية عليها و أعطيني رأيك :
الي هي : الإنماء - الراجحي - إعمار - دار الأركان


أقترح تحذفين الاثنين الأخيرين وتضيفين ( سابك ، الاتصالات ، موبايلي ، زين ) << بالترتيب حسب الأفضل . ( في نظري )

9/
اقتباس مشاركة
ياليت تصحح لي معلوماتي .. يعني ما أخسر من حسابي الجاري شي
بس أخسر الفلوس الي دفعتها بالسهم .. يعني شريت بألف ريال ..

صار بـ 50 ريال .. خسرت الباقي كله 950 ريال .. بس ماخسرت حسابي الجاري أهم شي ..حتى لو فيه مليون مايجيها شي


صح 100%

10 /
اقتباس مشاركة
طيب إذا أرتفعت و خليتها مثل ماهي بحسابي .. أكون خسرانة صح ؟ لأني مابعت ولا أخذت فارق الربح ..

لا .. أنتي ربحانة ، لأنك لو بعتيها الان تصيرين بعتي بربح .

11/
اقتباس مشاركة
طيب الناس الي تشتري السهم وهو أخضر وش هدفها ؟
ليه ماتصير مثلي تشتريه إذا نزل ؟
أبغى أعرف بس ليه يشترونه أخضر ؟ ولا الي يشتري أخضر هذولي الشركات

يشترون لأهداف ( 1/ الارتفاع أكثر ، 2/ الاستثمار ، 3/ زيادة الكمية .. الخ ) وهؤلاء يشترون بملايين الأسهم يعني الهللة الوحدة تفرق معهم .

12/
اقتباس مشاركة
طيب ليه ماينتظر ارتفاع السهم ؟

لم يرتفع ......!!! وقد يكون أخذ فلوس بالدين ، أو باع أملاكه ، ودخل بها الأسهم ، مثلا ب 10 مليون ، فلم يبق منها الا 100 ألف ،

13/
اقتباس مشاركة
معليش مافهمت النقطة ذي ممكن تشرح لي بمثال ؟
الي فهمته ان حساب المحفظة مفصول تماما عن الحساب الجاري ..

والارباح تنزل بحساب المحفظة ..
ولو بشتري أحول من الجاري للحساب المحفظة صح ؟
فأحط بالمحفظة فلوس كاش يساوي نصف مبلغ الاسهم <<كيف أعرف مبلغ الأسهم ؟ مو هي في صعود و إنخفاض !

صح ، أو ممكن تكون الفلوس في المحفظة ، بس ما تشترين بها شي .
ومبلغ الأسهم تعرفينه بالاطلاع على أسهمك من خلال النت .

14/ وأنت تذهبين للبنك وتطلبين تداول عبر النت ، يأخذون منك رسوم مقابل ذلك ، ويعطونك اسم مستخدم ويوزر نيم للمحفظة ، تقدرين من خلالها البيع والشراء .


هل هناك شيء لم أجب عليه ؟؟!!

وفقك الرحمن ، ويسر لك دروب الخير ، وإن شاء الله تصبحين من التاجرات .
07-04-1431 هـ, 08:52 مساءً
 


الساعة الآن 04:54 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏