السلام عليكم ورحمة الله و بركاته ,
أخي أرزاق مقسومة بارك الله فيك , وجعل كل ريال أكسبه صدقة لك ولعمرك و لولادك من بعدك ..
شكراً على طولة بالك معي ..( و أنا أعرف أن فهمي بطيء )
لكن الحمدلله بدأت الصورة تتضح شيئاً فشيئـاً ..
الله يجزاك خير


أنا جداً فرحت أن عندي محفظة لني ما توقعت يكون عندي محفظة بمجدر الإكتتاب !
كنت شايلة هم أنه لازم أروح البنك وأدفع 700 ريال و قعدت أفكر من وين أجيب هالـ 700؟وخفت أن المسألة فيها مشوار و " محرم " و توسلات ..بس الله يطمنك ..

فيه موضوعين بناقشك فيهم بعد أذنك ..

أول شي :



فيه شي سويته اليوم مدري جبت العيد ولا باقي ما عيدت للآن !
اليوم رحت لغرض ومريت على صراف الراجحي ..
وبعض النـاس ماعندهم " أدب الإنتظـار " ولا مفهوم " الوقوف ضمن طابور "
فـ " ربشوني " ..! وتمنيت فعلاً أصير أدخل من النت بيكون أهون من هالجحيم !
خصوصاً أنه ما يتوفر لي الخروج دائما

المهم أني دخلت البطاقة عادي,و أول مرة بحياتي أدخل أشوف الأسهم لأن البطاقة مخليتها فقط للسحب من الرصيد الجاري
وجلست أضغط بالأيقونات .. لحد ما دخلت محفظتي وفرحت لما لقيت مكتوب " رقم المحفظة " !
و وصلت عند أسهم أعمـار ,, وطلعت لي صفحة البنك يخلي مسؤوليتة يقول كلام مدري وشو بس الي عرفته ان هالسعر الي ببيع فيه هو سعر السوق وانه مدري ايش مالقطت باقي الكلام ..
جيت بأضغط عساس أرجع والناس وراي يستعجلوني ...
مدري إلا يطلع لي الإيصال ... مكتوب فيه : عملية نوعها ... طلب بيع أسهم ! يعني بعت الأسهم بالغلط !
إنقهرت !لأني كنت فعلاً أبغى إعمار وما أبغى أبيعها !عددها 25 سهم
والي قهرني أكثر أني رجعت دخلت البطاقة بشوف حسابي كم ؟
لقيت الحساب قبل و بعد عملية البيع هو هو ! بغيت أنجن بعد ! وين راحت قيمة الاسهم ؟
لاحول ولا قوة الا بالله
يعني بعت اسهمي بالغلط و كمان ما نزل سعرها على الاقل افك ازمة ؟25 سهم وين راحوا ؟
بس تذكرت كلامك تقولي أن حساب المحفظة وحساب الجاري مفصولين ..
بس قلت أستهدي بالله و أشوف المنتدى و النت ويصير خير

ورجعت البيت طوالي فتحت تداول
لقيت إعمار قدامه مكتوب أصفار لاهو أحمر ولا هو أخضر !الله المستعان ..فوش صار الحين ؟
أنا رايحه البنك يوم السبت بحوله تعالى هل أكلم الموظفة تشوف لي المحفظة لو نزل سعر الاسهم فيها ؟ولا خلاص مافي سعر ؟!!! ونفس الشي فتحت موقع بنك الراجحي لقيت فيه تسجيل مباشر للأفراد (ماهو مباشر ؟)و تسجيل عادي مكتوب خدمات إلكترونية وماعرفت أدخل لحسابي من وين ؟ ..





أسألتي بشكل مرتب عشان ما أدوش لك راسك ( الله يجزاك خير على صبرك )

1- أنا بروح للبنك وأقول للموظفة تشوف لي سعر المحفظة ؟ تتوقع ممكن ألقى سعر إعمـار فيه ؟ يعني إيش الأصفار ذي الي شفتها بتداول ؟

2- أنا أبغى أشتري إعمار مرة ثانية و كم سهم معاها .. ممكن أسوي العملية عن طريق الموظفة حقت البنك ؟

3- هل تنصحني أسجل بموقع الراجحي او اي بنك ثاني ؟ شكيت لأني شايلة هم أمن المعلومات .. بس معقول كذا التسجيل في موقع البنك بسيط زي أي منتدى !ومايتطلب زيارة شخصية لهم ؟

4- غرضي من التسجيل في الموقع هو الدخول على حسابي الجاري و على الأسهم عشان اعرف أبيع و أشتري فبالضبط اش أقول للبنت أقولها أبغى مباشر ؟ هو البرنامج حق التداول اسمه مباشر ؟( لا تستغرب من أسألتي الكثيرة .. لأن في البنك ممكن يحتقرون الي جاية وماتعرف وش تبي ! وماعندها خلفية عن الموضوع ! الله يهيدي بعض بنات البنك .. مو كلهم أكيد أغلبهم طيبات وخدومات)

5- هل تنصحني ببنك الرياض أو الراجحي أو الأهلي ؟ (بخصوص المحافظ لأن مسبقاً عندي حسابات جارية )

6- هل فيه محافظ مجانية بدون رسوم ؟ و لا لازم أدفع ؟ أتوقع فيه محفظة مجانية بس ان فيها عيب الي هو لازم تروح الموقع وتشوف الاسهم بعدين ترجع وتبيع او اظن العيب هو ان الاسعار متأخرة ! تخيل تبيع عساس انك ربحان وتطلع خاسر ! فتنصحني بأي نوع من المحافظ ؟


7- أنا حساباتي زمان كان بإدارة الوالدة الله يشفيها .. ويوم فتحت حسابي لقيت أنها مكتتبة لي بسهمين واحد إسمه الوطنية والثاني سوليدير أو شي زي كذا .. تعرف عنهم شي ؟ تنصحني أبيعهم ولا أخليهم ؟

8- معاي 1000 ريال الآن وبشتري إعمار و الراجحي و الإنمـاء ويمكن البلاد كيف تنصحني أوزع الفلوس ؟ اي سهم يكون اكثر ؟


9- مافهمت النقطة الي شرحته لي سابقاً : الي هي لما يرتفع السهم و انا تاركته بمحفظتي ومابعته اكون ربحانه ..رغم اني لابعته واستفدت من الفرق
لأن الوالدة كانت مشتركة بصافولا وناسيتها سنين ! ويوم جات تبيعها لقتها يمكن بـ 500 او 700 شي زي كذا ولا في بمحفظتها ربح .. مع ان كثيرين يمدحون صافولا ..
هل خسارة امي بالطريقة ذي لأنها ما ضاربت بالسهم بس اشترته وتركته بمحفظتها ؟
مع العلم انها دافعه مبلغ جامد يمكن 25 الف او شي زي كذا



الموضوع الثاني :



هذي العناوين ماعرفت لها ..
آخر صفقة .. التغيير .. تراكمي .. أفضل طلب .. والعناوين الباقية
ممكن الله يعافيك تنزل لنا شرح بسيط عنها
ياليت لو تشرح لي عن طريق مثال أنا حطيت هنا بنك الرياض
لأني دايم أفتح تداول واوقف قدام الجدول ما اعرف بالضبط كيف أشتغل ..



الله يجزاك خير
رد على راحتك متى مابغيت رد
أعرف أن أسألتي كثيرة و غثيثة و متكرره
و بفضل الله سبحانه وتعالى ثم بفضل جهودك بديت أعرف كثير
الله يجزاك خير
جزاك الله خير اخو ارزاق مقسومة
اشتريت في عام 1409 اسهم في صافولا ونسيتها وقبل يومين لقيت بالصدفة الشهادات وش الطريقة الي ابيع فيها الاسهم مع العلم انا ما عندي محفظة وش العمل .
اقتباس مشاركة  (مرسى الأحلام)
السلام عليكم ورحمة الله و بركاته ,

أخي أرزاق مقسومة بارك الله فيك , وجعل كل ريال أكسبه صدقة لك ولعمرك و لولادك من بعدك ..
شكراً على طولة بالك معي ..( و أنا أعرف أن فهمي بطيء )
لكن الحمدلله بدأت الصورة تتضح شيئاً فشيئـاً ..
الله يجزاك خير


أنا جداً فرحت أن عندي محفظة لني ما توقعت يكون عندي محفظة بمجدر الإكتتاب !
كنت شايلة هم أنه لازم أروح البنك وأدفع 700 ريال و قعدت أفكر من وين أجيب هالـ 700؟وخفت أن المسألة فيها مشوار و " محرم " و توسلات ..بس الله يطمنك ..

فيه موضوعين بناقشك فيهم بعد أذنك ..

أول شي :



فيه شي سويته اليوم مدري جبت العيد ولا باقي ما عيدت للآن !
اليوم رحت لغرض ومريت على صراف الراجحي ..
وبعض النـاس ماعندهم " أدب الإنتظـار " ولا مفهوم " الوقوف ضمن طابور "
فـ " ربشوني " ..! وتمنيت فعلاً أصير أدخل من النت بيكون أهون من هالجحيم !
خصوصاً أنه ما يتوفر لي الخروج دائما

المهم أني دخلت البطاقة عادي,و أول مرة بحياتي أدخل أشوف الأسهم لأن البطاقة مخليتها فقط للسحب من الرصيد الجاري
وجلست أضغط بالأيقونات .. لحد ما دخلت محفظتي وفرحت لما لقيت مكتوب " رقم المحفظة " !
و وصلت عند أسهم أعمـار ,, وطلعت لي صفحة البنك يخلي مسؤوليتة يقول كلام مدري وشو بس الي عرفته ان هالسعر الي ببيع فيه هو سعر السوق وانه مدري ايش مالقطت باقي الكلام ..
جيت بأضغط عساس أرجع والناس وراي يستعجلوني ...
مدري إلا يطلع لي الإيصال ... مكتوب فيه : عملية نوعها ... طلب بيع أسهم ! يعني بعت الأسهم بالغلط !
إنقهرت !لأني كنت فعلاً أبغى إعمار وما أبغى أبيعها !عددها 25 سهم
والي قهرني أكثر أني رجعت دخلت البطاقة بشوف حسابي كم ؟
لقيت الحساب قبل و بعد عملية البيع هو هو ! بغيت أنجن بعد ! وين راحت قيمة الاسهم ؟
لاحول ولا قوة الا بالله
يعني بعت اسهمي بالغلط و كمان ما نزل سعرها على الاقل افك ازمة ؟25 سهم وين راحوا ؟
بس تذكرت كلامك تقولي أن حساب المحفظة وحساب الجاري مفصولين ..
بس قلت أستهدي بالله و أشوف المنتدى و النت ويصير خير

ورجعت البيت طوالي فتحت تداول
لقيت إعمار قدامه مكتوب أصفار لاهو أحمر ولا هو أخضر !الله المستعان ..فوش صار الحين ؟
أنا رايحه البنك يوم السبت بحوله تعالى هل أكلم الموظفة تشوف لي المحفظة لو نزل سعر الاسهم فيها ؟ولا خلاص مافي سعر ؟!!! ونفس الشي فتحت موقع بنك الراجحي لقيت فيه تسجيل مباشر للأفراد (ماهو مباشر ؟)و تسجيل عادي مكتوب خدمات إلكترونية وماعرفت أدخل لحسابي من وين ؟ ..

يحتاج تروحين للبنك تسألين عن أسهمك وتطلبين برنت بها ، وذلك للتأكد






أسألتي بشكل مرتب عشان ما أدوش لك راسك ( الله يجزاك خير على صبرك )

1- أنا بروح للبنك وأقول للموظفة تشوف لي سعر المحفظة ؟ تتوقع ممكن ألقى سعر إعمـار فيه ؟ يعني إيش الأصفار ذي الي شفتها بتداول ؟

هل تقصدين الأصفار الموجودة في الصورة الموجودة بالأعلى ؟؟

2- أنا أبغى أشتري إعمار مرة ثانية و كم سهم معاها .. ممكن أسوي العملية عن طريق الموظفة حقت البنك ؟
ممكن جدا ، لكن انتظري ، لابد من قراءة السهم قبل الشراء .

3- هل تنصحني أسجل بموقع الراجحي او اي بنك ثاني ؟ شكيت لأني شايلة هم أمن المعلومات .. بس معقول كذا التسجيل في موقع البنك بسيط زي أي منتدى !ومايتطلب زيارة شخصية لهم ؟
اقرأي اقتباسي الموجود في أسفل هذه الفقرة

4- غرضي من التسجيل في الموقع هو الدخول على حسابي الجاري و على الأسهم عشان اعرف أبيع و أشتري فبالضبط اش أقول للبنت أقولها أبغى مباشر ؟ هو البرنامج حق التداول اسمه مباشر ؟( لا تستغرب من أسألتي الكثيرة .. لأن في البنك ممكن يحتقرون الي جاية وماتعرف وش تبي ! وماعندها خلفية عن الموضوع ! الله يهيدي بعض بنات البنك .. مو كلهم أكيد أغلبهم طيبات وخدومات)
قولي أبغى حساب تداول ، أنا عندي محفظة وأبغى أفتح حساب للتداول عبر النت ،،

5- هل تنصحني ببنك الرياض أو الراجحي أو الأهلي ؟ (بخصوص المحافظ لأن مسبقاً عندي حسابات جارية )

يحكمك في هذا البنك نفسه ، أنتي اسألي البنوك كما أشارت أختنا التي أخذت منها الاقتباس في أسفل هذا الموضوع .
6- هل فيه محافظ مجانية بدون رسوم ؟ و لا لازم أدفع ؟ أتوقع فيه محفظة مجانية بس ان فيها عيب الي هو لازم تروح الموقع وتشوف الاسهم بعدين ترجع وتبيع او اظن العيب هو ان الاسعار متأخرة ! تخيل تبيع عساس انك ربحان وتطلع خاسر ! فتنصحني بأي نوع من المحافظ ؟

كذلك ،، كما في الفقرة السابقة ، اسألي البنوك
7- أنا حساباتي زمان كان بإدارة الوالدة الله يشفيها .. ويوم فتحت حسابي لقيت أنها مكتتبة لي بسهمين واحد إسمه الوطنية والثاني سوليدير أو شي زي كذا .. تعرف عنهم شي ؟ تنصحني أبيعهم ولا أخليهم ؟
لا أعرف عنهما شيئا ، وأظن أنهما شركتا ( تأمين ) ،والتأمين لا أتابعه بسبب شرعية الأسهم .

8- معاي 1000 ريال الآن وبشتري إعمار و الراجحي و الإنمـاء ويمكن البلاد كيف تنصحني أوزع الفلوس ؟ اي سهم يكون اكثر ؟
أختي .. لابد أن يكون لك هدف من الشراء ، هل هو استثمار ؟ أو مضاربة ؟ أو .. الخ ، وهذا هو الذي يحكم شراءك للأسهم ، لا تكن تصرفاتك مبنية على المال الذي معك ، بل اجعليها مبنية على أهدافك .


9- مافهمت النقطة الي شرحته لي سابقاً : الي هي لما يرتفع السهم و انا تاركته بمحفظتي ومابعته اكون ربحانه ..رغم اني لابعته واستفدت من الفرق
لأن الوالدة كانت مشتركة بصافولا وناسيتها سنين ! ويوم جات تبيعها لقتها يمكن بـ 500 او 700 شي زي كذا ولا في بمحفظتها ربح .. مع ان كثيرين يمدحون صافولا ..
هل خسارة امي بالطريقة ذي لأنها ما ضاربت بالسهم بس اشترته وتركته بمحفظتها ؟
مع العلم انها دافعه مبلغ جامد يمكن 25 الف او شي زي كذا

الربح الذي قصدته أنا هو أن السهم كان سعره مثلا ( 50 ) عند الشراء ، والان لو بعتيه يمكن تبيعينه ب 100 ( مثلا مثلا )

سأشرح لك نقطة /

عندك سهم للراجحي سعر الشراء 100 ، وعندك سهم لسابك ، سعر الشراء 100

في يوم من الأيام أعلنت سابك منح ريالين ربح لكل سهم ( عندها سينزل في حسابك ريالين )
في نفس اليوم وصل سعر الراجحي إلى 150 ريال ، لو بعتي كسبتي 50 ، لو ما بعتي .. فأنت ربحت ( رقم فقط ) وليس ربحا فعليا .

فالمقصود أن الربح عندك بطريقتين .


الموضوع الثاني :



هذي العناوين ماعرفت لها ..
آخر صفقة .. التغيير .. تراكمي .. أفضل طلب .. والعناوين الباقية
ممكن الله يعافيك تنزل لنا شرح بسيط عنها
ياليت لو تشرح لي عن طريق مثال أنا حطيت هنا بنك الرياض
لأني دايم أفتح تداول واوقف قدام الجدول ما اعرف بالضبط كيف أشتغل ..

آخر صفقة معناها ( آخر عملية تمت على هذا السهم )
التغيير معناه : التغيير الذي طرأ على سعر السهم . التراكمي هو : ماذا حدث لهذا السهم اليوم ، كم تم من صفقة ، وكم عددها ،

أفضل طلب يعني من هو أفضل واحد حط سعر مرتفع للسهم يبغى يشتريه بالسعر هذا ، كم يبغى من سهم ، وبكم
( << مدري عن الشرح )

العرض عكس الطلب .


الله يجزاك خير
رد على راحتك متى مابغيت رد
أعرف أن أسألتي كثيرة و غثيثة و متكرره
و بفضل الله سبحانه وتعالى ثم بفضل جهودك بديت أعرف كثير

الله يجزاك خير

أختي الكريمة ..

كيف تقولين ان فهمك قليل ، وأنتي ما شاء الله تبارك الله استوعبتي الموضوع كاملا ، ؟؟!!

بالعكس أنت تبارك الله جيدة ومثابرة وأعجبني أنك منظمة ومرتبة ، وفقك الرحمن وسدد خطواتك

هذه بعض الأشياء أخذتها من موضوع إحدى الأخوات هنا جزاها الله خيرا ( نسيت اسمها )

اقتباس مشاركة
كلمي الهواتف المجانيه واستفسري عن كل شي مثل :
1- كم رسوم فتح المحفظه وكم تحتاج من الوقت لفتحها

2- كم رسوم التداول عن طريق الانترنت >>>> احسن من روحتك للبنك كل مابغيتي تشترين او تبيعين
3- هل يعطونك مباشر لحظي ( بث الاسعار بدون تأخير ) مجاناً او برسوم
4-هل عندهم خصم على العموله او مافيه >> بعض البنوك تعطي المضارب اليومي اللي ينفذ اكثر من عمليه خصم الى 60 %
5-هل فيه رسوم وخصم مبالغ على الارصده المنخفظه في الحساب الجاري >> اذا نقلتي فلوسك من الجاري للمحفظه يصير رصيدك صفر فيه بنوك تخصم من ريالين الى 15 كل شهر لان رصيدك صفر وفيه بنوك ماتخصم
أرزاق مقسومة ،،، هو :

سيسبان
اقتباس مشاركة  (أرزاق مقسومة)
أختي الكريمة ..

كيف تقولين ان فهمك قليل ، وأنتي ما شاء الله تبارك الله استوعبتي الموضوع كاملا ، ؟؟!!
الله يرفع معنوياتك يارب ..!

الله يجزاك خير .. آسفة جداً جداً جداً
والله ما أدري إش أقول أدري أن أسألتي كثيرة مرة و متشابكة
الله يجزاك خير على صبرك وطولة بالك معانا
الله يجعل كل ريال أجنيه صدقة لك و لمالك وعمرك

شكراً لك .. لحد الآن واضح كل شي
وببدأ و بحاول
ويمكن أفتح محفظة بالرياض لأنها مجانية
و إن غبش بعيوني شي جيت هنا وسألت
شكراً لك
قريت كلمة بمنتدى ثاني ولا عرفتها الي هي نقطة الاختراق ..
ماهي نقطة الإختراق ؟!


الساعة الآن 01:29 .