اقتباس مشاركة  (نهاوند22)
السلام عليكم ورحمة الله
اخي ارزاق مقسومه (اذا فيه بالمحفظه عدة شركات ونزلت ارباح بالمحفظه كيف اعرف ربح كل شركه عشان التطهير
وشكرا
أختي ..

لو تقصدين الأرباح التي توزعها الشركات على الأسهم ، فهذي بسيطة ،

شوفي كم أعلنت الشركة أنها راح تصرف أرباح عن كل سهم ، وشوفي كم عندك من سهم ،
وأخرجي نسبة التطهير .

وفقك الله
اقتباس مشاركة  (يووه2)
الله يجزاك خير ويرزقك دنيا واخره
معلوماتك وتوصياتك جدا قيمه
بارك الله لنا ولك
وماهي توصياتك ليوم الثلاثاء؟

الله يوفقك يارب ..

كما قلت لكن إنني سأبتعد بسبب بعض الظروف ،

وهذا ما حصل ،

فحتى محفظتي ومنتداي الشخصي لم أعد أدخلها إلا قليلا ..

لكن مع زوال هذه الظروف سأعود بإذن الله ،

وكل ما أوصي به هو الاحتفاظ بجزء كبير من السيولة .

وفقت للخير
اقتباس مشاركة  (~لومــــــار~)
اخوي الكريم ..ارزاق مقسومة
جزيل الشكر لمجهوداتك القيمة ..

سؤالي حول زين طلبتها بـ 25.75 وحابه اضارب فيها
كيف تشوف وضعها كمضاربة وكاستثمار بعد

شاكرة لك مقدماً

زين ..

كاستثمار بعيد .. ممتازة ( يعني لسنة وأكثر )

كمضاربة .. من خلال رؤيتي لها أنها أيضا جيدة ..

ولكن الأهم هو متى نلقط السهم ...

وفقك ربك
اقتباس مشاركة  (*دمعه وله*)
عندي سؤال.... شريت اسماك قبل ب60 على اساس بترتفع 64
والحين هي 52.75 شرايك مره ثانيه اشتريها الحين واعدل؟؟


رأيي .. الانتظار ..

نتابع السوق اليوم ونشوف ..
اقتباس مشاركة  ($Manga$)
انا مبتدئة واعتبر نفسي مضارب يومي فشريت سهم زين بعدد50 سهم بسعر 24,50
وبما اني مضارب يومي ولسا جديده فلما وصل سعره 24,91 بعت بس لقيت اني خسرة كم ريال
فمعرف شنو السبب هل انا بعت بالغلط بمعني ان السهم نزل وانا بعت على اساس انه 24,91
او ان انا عطيت الامر والكمبيوتر يعرض الاسعار متاخره فبعت بسعر السوق واما عطيت امر نزل سعر اسهم ونا معرف
بصراحة مدري وش السبب وضايق صدري لان الفلوس مو فلوسي فلوس ابوي وقالي الارباح لي بس راس المال له المشكلة اني خسرتة من راس المال ولا خبرته لعل وعسى لربح بس خايفة اضارب ويصير نفس المشكلة شنو السبب ومن رحمة الله اني ابتديت بشراء عدد بسيط من الاسهم ولا كنت رحت فيها ياليت تتكرم وترد عليا قبل لاينكشف امري ودي اصلح الغلط


أختي الفاضلة ..

هناك بعض القواعد الأساسية التي يجب أن نتعلمها ..

أولا / لا أنصح المبتدئ أن يكون مضاربا يوميا . لأنه حتى الآن لم يتعلم .. ولم يأخذ تصورا كاملا عن السوق .

ثانيا / يجب على المبتدئ أن يبدأ بالتداول الوهمي ، حتى يتعرف على جزء كبير من أسرار السوق .

ثالثا / بصراحة .. لقد اهتميت لمشكلتك كثيرا ..

وانتبهي معي شوي .. الله يرضى عليك ..

1/ أنتي شريتي السهم ب 24.5

2/ بعتي السهم ب 24.91 ( كما تقولين )

3/ عدد الأسهم عندك 50 سهم

4/ احسبي كم ربحك في السهم الواحد ( 41 هللة فقط )

5 / يصير ربحك في ال 50 سهم حوالي 20 ريال فقط .

6 / ( وهذي مهمة جدا وانتبهي لها لأنها هي اللي سببت لك الخسارة ) كم عمولة البنك ؟؟

راح نقول 12 ريال عن كل عملية ، وانتي عندك عمليتين ، عملية بيع وعملية شراء ، يعني .. البنك أخذ منك 24 ريال ، ومن هنا جاءت الخسارة .

7 / أنتي اصبري ، وتابعي معي ، وان شاء الله ما يكون الا كل أمر طيب ، وان شاء الله تربحين وتروحين للوالد ( الله يحفظه ) وتعلمينه انك ربحتي .

8 / ياليت تقولين لي كم فلوسك ، وهل عندك أسهم أخرى .. حتى نقسم المحفظة ، ونحاول نبدأ صح .

9 / صدقيني يا أختي .. أن بدايتك بهذا الشكل .. فيه فائدة كبيرة لك ، حتى خسارتك ، أنا أظن انك استفدتي منها أكثر من فائدتك لو ربحتي ..
كيف ؟؟
لأنك لو ربحتي .. كان ما سألتي ولا عرفتي .. وكان مشيتي على غير علم ، وربما اشتريتي بكل المحفظة ، ثم بعتي بخسارة أو تصرفتي تصرف آخر ،
لكن يبدو ماشاء الله إنك ذكية ، لذلك ما طلبتي الا أسهم قليلة ، ثم انك سألتي عن الأمر هذا ،
وهذه المعلومات أتوقع انها راح تبقى في ذهنك للأبد .

وفقك الله ورزقك وأسعد أيامك .


الساعة الآن 11:21 .