بسم الله الرحمن الرحيم
اخواتي انا بدخل بالموضوع مباشرة
انا الله يسلمكم اتفقت مع ثنتين من صديقاتي وبنت خالي انا نسوي لنا جمعيه (بما انا مو متوظفات) نسدد منها احتياجاتنا خصوصا ان الاسعار هذي الايام مرتفعه
المهم حنا اتفقنا ان كل وحدة تدفع كل شهر 500 ريال لانا نبغاها شهريه وحنا اربعه وكل شهر تاخذ وحده منا الفلوس وبدور
بس المشكله انا قلت في نفسي وش الفايده من هذا كله كل وحده على بال مايوصلها الدور تكون دفعت 2000ريال راح تدفع مثلهم للي بيجها الدور بعدها ويمكن تدفع اكثر الاننا اربع بنات
صديقاتي متحمسات للفكره بس انا موراضيه الفكره تدخل راسي
فياريت اللي عندهم خلفيه عن الجمعيات يشرحولي الفكره وكيف اقدر اجمعلي قرشين من غير اللي راح ادفعه للجمعيه
ولها دعوه بظهر الغيب
انظركم ................وشكرا
افتحيلك حساب ادخار بالبنك يعني تحطين فيه ولاتسحبين منه واللي شهريا بتعطينه البنات حطيه بالحساب 500ريال شهريا وكأنك اعطيهم اياها ... او سوياك حصاله مغلقه ماتنفتح بسهوله وحطي فيها شهريا 500 وانسيها اعتبري نفسك اعطيتها البنات في الجمعيه
احسن من انك ترتبطين بأحد ولو صارت لك ظروف وماقدرتي تدفعين مو حلوه لانك بتشيلي هم
بس اذا مستعجله على الفلوس وتبي تشتري شي ضروررررررري وبتاخذي الجمعيه اولهم فأدخلي معاهم بالجمعيه بس اذا مو مستعجله ماله داعي تدخلي ..وبعدين اش رأيك تاخذي الجمعيه اول وحده وتشتري فيها سبيكة ذهب 25غرام وتبيعيها بآخر رمضان لان سعر الذهب برمضان يرتفع وبكذا ان شاء الله تكوني كسبتي ..
والله يوفقك يارب
دعواتك

استغفر الله العظيم ولا اله الا الله وحده لاشريك له
Crazy Fashins شكرا لردك والله يرزقك من اوسع ابوابه
فكرة الحصاله معقوله وماخطرة على بالي بس المشكله صديقاتي اتفقت معاهم على الجمعيه بس راح اقولهم على فكرة الحصاله
اللهى يجزاك كل خير
الجمعيه كأنها توفير للمبلغ بس

يعني لو كنتي الرابعه( دورك بعد اربع شهور)

كأنك جمعتي المبلغ

اما لو اخذتيها الاولى واستثمرتي المبلغ

ومن الفوائد سددتي لهم بيكون لك فائده



والله يوفقك اختي
جزاك الله ياآوان الساهر على ردك
يعني اتوكل على الله وادخر المبغ ازين وهن انصحن بالادخار لاني مثل ماقلت سابقا موة مقتنعه اني راح استفيد من المبلغ لاني راح اخسره بالشهور الثانيه


الساعة الآن 11:59 .