بعد سنة من زوجها عرفت حكمة الله في تاخر حملها .. سبحان الله

اعرف وحده بحرينية وزوجها قطري عمرها 26 كانت منفصله والدورة منتظمة عليها كل 28 يوم .. وتزوجت مرة ثانية ... وكانت ميته تبي تحمل لكن الله ما كتب لها الا بعد سنة

... وكانت شاكه بان زوجها فيه شي .. زوجها ما راح يحلل ... وقالت العيب منه وسكتت وصبرت

بعد السنة قدر الله لها وحملت .. لكن شنو تعبت .. كرهت بيتها كرهت عطورها كرهت ملابسها كرهت زوجها كرهت اكلها كرهت قطر بكبرها كانت تبي تطلع باي طريقة .. قال لها زوجج بوديج البحرين طول الطريق وهي ترجع لين المطار لان جبدها لايعه منه .. في المطار قالت له انا ابي الكرسين ما ابيك تقعد جنبي عشان ابي امدد ريولي .. قال لها اوكي .. مسكين الريال ما يعرف انها لايعه جبدها منه...
في الطيارة دبر عمره وحصل له سيت فاضي وقعد اخر الطيارة .. تقول البنت اول ماركبت الطيارة وهو بعيد عني ارتحت ووقفت عن الترجيع ...

يوم نزلت الطيارة وشافته ردت لها الحالة ....... وقعدت في البحرين لين ولدت وخلصت الاربعين ...


وكل اسبوعين يمر عليها في البحرين واذا طلعت معاه مطعم او سينما او اي مكان .. كانت ترجع في السيارة وعلى ثيابها وتقعد تصيح من غير سبب ... ويتملل الريال ويرجعها بيت اهلها ويرجع هو قطر وقلبه ضايق منها ومن حالتها ... بس اذا كلمته في التلفون تكون بخير وطبيعيه وتروح اي مكان مع اهلها من غير تعب يقول لها بجيج البحرين .. اول ما تشوفه ينقلب حالها ........... تعذب الريال وكره شي اسمع حمل !!:(

تعرفون وين الحكمه ؟؟؟؟؟ لو هي حملت من اول شهرين او 3 او حتى 7 .. كانت ما عاشت شهر العسل على قولتهم ولا فرحت مع زوجها ولا راحت مطاعم وتمشت وشمت هواء .. كان ضاعت عليها احلى ايامها ... وكان زوجها تملل منها وكان مالبست ولا كشخت ويا خسارة الملابس والعطور
حكمتك يارب !!!:09:

والحين هي عندها بنت ... وزوجها قال لها مافيه حمل الا بعد سنة .. ههههه
لكن مشيئة الله فوق كل شي .. حملت وعمر بنتها 4 شهور ... والحين عندها ولد عمره يمكن 9 شهور
مع انها متاخرة عن الحمل سنة ... وهي كانت سليمة وزوجها ما حلل ...

وتقول الحمدلله اني ما حملت من اول الاشهر وعشت حياة العسل كامله مع زوجي ... :icon28:




الحمدلله ... واحنا بعد ما ندري وين حكمتك ياربي ... :) :26: