أمس الله يسلمكم
عطيت ولدي إللي عمره سنة إلا 5 أيام الدواء قبل العشاء
وسرت أرجع الدواء مكانه
وقامت الخدامة وعشت الولد ومانتظرتني أرجع:f226:
وليش ما يغص ولدي بحبة بطاطا فديت عمره
وأول ما جبيت بجلس على السفرة إلا الولد يستفرغ
البطاط إللي أكله على السفرة وعصير الرمان إللي كنت عاطتنه المغرب
وفجأة سمعت إختي الكبيرة تصرخ:06: الولد غاص ... الولد غاص
شفت وجه إلا الولد صاير لونه أسمر .... والعيون ما فيها غير البياض ... والشفايف ازرقت....
ما جاء في بالي غير صورة ولدي الأول رحمة الله عليه يوم كان يتشنج بسبب نقص الكالسيوم اللي عنده.... فخفت وفريت الولد على إختي ..... وما كنت أفكر بأي شي غير إن الله ياخذ روحي بس ما أشوف مكروه في ولدي هذا لإسم الله عليه .... كنت أقول ياربي أنا ما صحيت من صدمتي الأولى ارحم قلبي .... وخل لي ولدي .... وخذ روحي
واختي قالبة الولد وتضربة على ظهره
ووقف تفكيري على هذا الشي وكنت أصرخ على الممرضة إللي عندنا في البيت ... وجت تركض المسكينة .... وتجمعوا الخدم كلهم يحليلهم .... واختي جبانة أكثر فأول ما شافت الممرضة فرت الولد عليها....
تدرون إن الولد ماكان غاص بحبة البطاطا:confused:
الولد كانت واقفت له حبة البطاطا على الرئة ... هذا إللي قالته الممرضة .... وهي تمسح على صدرة وتسوي له مساج
واختي تصرخ مستشفى مستشفى:11retcher .... لبسنا عبينا وشيّلنا .... وقلت لها ليش أنا؟؟؟ إنتي سوقي إنتي سيري أنا رجولي ما تشيلني .... وهي تدور بالصالة لأن هي بعد مب قادرة تسوق...
والأطفال عندنا قاموا من العشاء يصرخون بإسمه ويدعون ويقولون ودوه المستشفى:11retcher ...
أبوي تسمر في مكانه عرقان... يعني حتى هو ما يقدر يسوق ....
أمي تصرخ شو صار في الولد ... الولد مافيه شي هدوا أعصابكم
وترجع تقول لحقوا على الولد ( أمي من الصدمة ضربت فيوزاتها )
واتصل زوجي:arb: في هذيج اللحظة التعيسة ويسمع الصريخ
وشوي والا إلهي لك الحمد والشكر يطلع صوته ويصيح شوي
ويقو لي زوجي شوفيه الولد ... أقول له مافيه شي مافيه شي
سد الخط
والحمد لله رجع الولد لحالته الطبيعية .... أخذته بالسيارة قلت بخليه يغير جوّ شوي:3_10_6:
وأنا طالعة أشوف أحد يسوق بسرعة جنونية ودخل صوب سكة بيتنا
وثواني والا زوجي يقول وين الولد ؟؟؟؟
قلت له أخذت أمشيه يشوف الشوارع شوي ....
قال رجعي أبغي أتطمن على الولد ...
أثاري المسرع كان زوجي
وأول ما دخلت البيت .... إلا زوجي يركض على الولد ويضمه... ويشمه .... ويقبله
ما تتصورون هذا الموقف شكثر بكاني
وطلعنا صدقة ... وإن شاء الله بنذبح ذبايح على سلامته
لأن الموقف كله إللي صار ... كان تحت رحمة الله وعنايته
فانتبهوا على عيالكم
واعرفوا المشكلة شو هي ؟؟؟
لا تصيرون مثلي أنا وإختي ؟؟؟
نضن إن اللقمة واقفتله في البلعوم إسم الله عليه
وهي واقفته على الرئة
دلوعة & حبوبة @dloaa_amp_hbob
محررة فضية
يلزم عليك تسجيل الدخول أولًا لكتابة تعليق.
المطنقره
•
الحمد لله على سلامته وسلامتكم كلكم ذكرتيني بنفس الموقف صار لأخوي الصغير وقتها كان عمره سنه والحمد لله اللحين عمر خمس سنين بس لايمكن انسى هذا الموقف
والف رحمه على ولدك وجعله شفيع لك يوم القيامه
والف رحمه على ولدك وجعله شفيع لك يوم القيامه
وجدوحنين
•
الحمد لله على سلامته الله يخليه لك والله بغى يوقف قلبي وانا اقرا السالفه من الخوف الحمد لله على كل حال
الصفحة الأخيرة
ان شاء الله ما يشوف شر
حفظه الله لكِ وقر به عينك