لرفع
شفت غرومه مسويته
مب هو اللي يجي مع المندي مادري البخاري
الدقوس الكويتي
بطريقتي الخاصه وافرزنه لشهور تقريبا 6 شهور يقعد لو الطماط رخيص والكميه هذي ان شاء الله تكفيك وبالنظر لو حسيتي ما تكفي سوي مره ثانيه

10 كيلو طماطم حمراء مغسوله ومقطعه ارباع
راسين ثوم مفرومين ناعم
كوب بصل مفروم ناعم
8 علب صلصة طماطم لو استخدمتي كي دي دي او كوبين من اي نوع تفضلينه
نص كوب سمن مخلوط مع ربع كوب زيت
ربع كوب عصير ليمون
5 قرون فلفل اخضر مفرومه بس مو الحار فيه بارد
ملح

افرمي الطماط بالخلاط وكبيه بجدر واطبخيه مع ملعقة طعام ملح وبس يغلي خففي النار وخليه يطبخ وهو مكشوف الى ان يتبخر ربعه وتحسين الطماط تركز شوي تقريبا ساعه


حطي السمن والزيت بمقلاة واقلي البصل الى ان يشقر وفوقه الثوم والفلفل الاخضر وحمسيه شوي بس تحسين بدا يشقر كبيه على الطماط المطبوخ هو والصلصه وخليهم بس 5 دقايق يغلون سوا واطفي النار وعدلي الملح واخيرا اضيفي الليمون
عبيه بعلب لما يبرد واحفظيه ويطلع بره قبل الاستعمال بساعتين وممكن يطلع معك ثقيل اضيفي له نتفة ماي
وبالعافيه


اعتذر عن الرد على الخاص والعام لظروف طارئة دعواتكم لي بالفرج والله يبعد عنكم كل كرب
أختي دره الطبخ لاهنتي
أختي كوب حليب لاهنتي وان شاء الله راح اجرب وصفتك
ولاهنتي بنت السعوديه على الرفع
أختي مجنونه قطر لا مب سلطه الدقوس اللي تسويها غرومه هذي نفس طريقه كوب حليب وماكو اسامي


أختي ماكو اسامي الله لايهينج ويعطيج العافيه وان شاء الله بكره من الصبح اجيب الاغراض واسوي طريقتج
تدرين جاي رمضان نبي نجهز له من الحين عشان نتفرغ للعباده

الله لايهينكم خواتي وعساكم على القوه وماانحرم منكم
والله ينول كل وحده اللي ببالها وتتمناه
امين يارب
دمتم بخير وسعاده
اختكم نج نج
ولا تزعلين خذي طريقتي
2بصل
1رأس ثوم
عشر حبات طماطم
زيت ,ملح,مكعب ماجي
حبحر أحمر حسب درجة الحرارة
صلصة حسب الرغبة في اللون
أحمسي البصل ثم حطي الثوم بعد ماتدقينه دق لحد مايشقر
في الخلاط ضعي الطماط والحبحر وأخلطيهم ثم حطيهم على الحمسة وحطي المكعب وخليهم على النار لحد ماينشف مويتهم بيطلع لك برتقالي وإذا بغيتيه احمر حطي الصلصة قبل بوقت خمس دقايق وحطي شوي كمون كنكهه وبالعافية
أفضل الذكر لاإله إلا الله
وخيرالدعاء الحمد لله





الساعة الآن 12:13 .