تبين روتين حياة يديد....:)....تعالي هني ....شي ما شفتوه ...>>>>حياكم الله

السلام عليكم جميعا


ياهلاااء وغلالاء بكل الي دشوا


إشلونكم شخباركم ...عساكم بخير....!!


المهم هذا أول موضوع لي ...وأنا كاتبته من عندي ...:)...كل هذامن حبي لكم ...ونسألكم الدعاء ...:)


المهم يالله نشوف شنو السالفه


1

2

3

تبين تحافظين على وزنج




تحبين الأكل




كلنا نحب الأكل




تبين تأكلين على كيفج



وتكونين رشييييقه ...:)





عندي الحل


أول شي ....أكيد الكل يحب يأكل خرابيط مثل " بطاط...ككاو...حلاو...كوكيز ....أيس كريم"


فأنا راح أعطيكم نظام حياة جميل جدا ....راح يخليكم طول العمر رشيقات واجسامكم ولا أروع ....:)


أول شي النظام الغذائي



الفطور:

1-بيض " بكل أنواعه "+ خبز او توست " بكميه محدوده " >>>يعني ما تقومين وانتي منغثه
2-أو كوب كورن فلكس مع حليب
3- توست وجبن مع خيار وطماط وخس + عصير أو قهوه او نسكافيه أو شاي .." اي شي تحبين تشربينه"
4- أو أي فطور انتي تحبين تأكلينه ولكن بكميه محدوده " يعني من غير إفراط"


الغداء:

أي شي موجود على مائدة الغداء تقديرين تأكلين منه ..>>>راح أعلمكم طريقه أكل الغدا

أول شي تجيبين صحن مو كبير ولا صغير يعني يكون متوسط

تقسمين الصحن مثلثات

مثلت :سلطه

مثلث: ملاس عيش

مثلث:ملاس مرق

مثلث : مثلا شوربه


وجذي تكونين كليتي من كل شي وما خليتي شر بخاطرج


السناك ..:)..يعني الأكل الي بين الوجبات ...تقدرين تأكلين 3 مرات بين الوجبات ...يعني مع الوجبات يصير باليوم تاكلين 6 وجبات ...:)


شوفي تجيبن من السوبر ماركت كياس نايلون متوسطه

تشترين كرتون بطاطس

كرتون ككاو

كرتون ايس كريم

كل كيس تحطين داخله ككاو وبطاط وايس كريم بالفريز ...لما يجي وقته تأكلينه ....وتصكرين الكياس وتحطينهم بالخزانه ...وكل يوم تأكلين كيس بس"تكون على فترات متقاطعه "...>>>>يعني بين كل وجبه شي من هل ثلاث


العشا :

"أنا أفضل من دون عشا "...أو عشا خفيف مثلا سلطه تونه ....جدا جدا لذيذه ...أو توست وجبن مع عصير برتقال


صدقوني يا بنات بهل نظام راح تضعفون ....وراح يصير روتين حياتكم روتين صحي جدا جدا


نصائح:

1- شرب الماء على الأقل باليوم 2.ونص
2- عند الشعور بالجوع ..."أكلي خضروات مثل خيار او فلفل رومي أو سلري أو خس" راح يسدون نفسج
3- المشي ...إذا كنتي ما تقدرين تمشين أشتغلي بالبيت طلعي لج أي شغله
4-عدم الإكثار من الوجبات السريعه ...يعني بالكثير مرتين بالاسبوع ولا خل تكون غدا او ريوق أفضل من العشا
5- لا تحرمين نفسج من شي أنتي تحبينه اكلي ولكن بكميات قليله
6- دائما خلي رفيق عمرك الشاي الاخضر ...فهو سر الرشاقه ...:)


وبس هذا الي عندي لكم ...وهذي المعلومات تستاهلونها ...وهل نظام أو روتين الحياة جدا جدا ناجح ....وللعلم الكثير يتبعونه ...:)


نتمنى لكم قضا اجمل الأوقات


يحفظكم الرحمن


حقوق الطبع محفوظه...الرجاء عند نقل الموضوع ذكر المصدر ....:)