عليج بالاستخاره

والله انا بعد كنت متخوفه احمل لان سبق وتوفت بنتي واجهضت

لكن توكلت على الله واستخرت وكنت احس براحه

حملت لكن ما لله رايد له يعيش كمل 11 شهر وتوفي

والحين عايشه برعب وضغط من الاهل
لكن وقفت الوالده الله يعطيها الصحه والعافيه وع اصرارها بالحمل

ريحت من نفسيتي واحتسبت امري لله لان قريت في ناس اكثر مني يعاني

وان حالتي يبغيلها اهتمام
لاني بصراحه اهمل نفسي في اثناء الحمل

وتوكلي ع الله كله باجره

ختي اوراق الزمن ......... شكرا لدعاوتج ومشاركتج

اختي ملاك البنات ........ شكرا لج على المشاركة ........ وانا بنتي تتحرك وتروح وتجي وعافسة لي البيت وهي بوضع الجلوس تزحف يعني... بس المشكلة انه فهمها مثل فهم الطفل اللي بعمر 7او 9 شهور وعندي شغالة تساعدني لكن هم خايفه..

اختي انا نفس معناتك عندي بنت كملة 4 سنوات ماتمشي ولا تتكلم معها ضمور بخلياالمخ وتاخر نمو
وكنت خااااايفه من الحمل وتكررار المعناه بس فوق خوفي كابرة وحملة منغير مانحلل انا وزوجي
ومرة فترت الحمل كلها خوف وقلق وبكاء ووسواس وبس مانسيت ادعاء بأن الله يفرح صدري
بلي ببطني والحمد الله جبت عـــــــمــــــــربصحه وعافيه ياربي لك الحمد ((صح انه لازل معي الوسواس بس اتكالي علي الله والله لايخيب رجاي والحين عمره 49يوم ومالحضة عليه شي سوى رجفه في رجلينه بين الوقت والثاني ورجفه في فك فمه السفلي
ماعليش ازعجتك بقصتي وهذرتي
المهم ولب الموضوع حسيت وللاسف اني مقصصصصصصره يحق بنتي بلحيل ولهيت مع عموري
وهي خليت الشغاله تتكفل فيها والله اني دايم الوم نفسي بس وش اسوي هي مسؤليتها كبيره غير انها بس تبكي وخواااااااااافه درحه اولا الله يسامحني بس
وان كنتي تبين نصيحتي احملي وجيبي واحد ثاني يملا عليك حياتك وهي جيبيلها شغاله بس لاتسوين زيي وتتكلين عليها لان عيالنا يبيلهم عنايه خاصه مانقدر علي معاملتهم مثل باقي الاطفل ولازم تكون معهم شغاله واذا كانت ضروفكم ماتسمح قدمو علي الاعانه وتصرفلكم مصرف لها وخلومصروفها راتب لشغاله

شوفي انا اختي الصغيره معاقه متلازمه داون والحمدلله على كل حال وبعدها امي ولدت وجابت ولدين سليمين ماشاء الله

بس تعالي شوفي غلاتها مانرضى احد يزعلها او يسوي لها شي


ودام الدكتور طمنك وكلي امرك لله سبحانه وتعالى

اوخيتي شنكر ...... شاكرة لج حبيبتي متابعتج معاي ....... وانا قريت موضوعج من قبل وحاسه بيج وقلبي معاج وان شاءالله اجرج عند رب العالميين .... وكل شي ربنا يسويه لنا فيه خير وصلاح وكل شي له حكمه احنا مانعلم بيها.......... توكلي على الله اوخيتي وان شاءالله ربي يعوضج خير وتشوفيين ذريتج الصالحه السليمه المعافاه ........ واهم شي ... اهتم بنفسج عدل في المره الجايه والله يكتب لج الخير حبيبتي..