السلام عليكم اخواتى العزيزات
فيه مواقف كثيره نمر فيها ونقع فيها بدون ما نحس كأن الله سبحانه وتعالى مررك فيها ليعلمك درس من واقع الحياة وفعلا اخذتى درس منها وعبره على الهواء مباشره .
************************************
انا مثلا سار لى موقف ودرس ..سبحان الله له حكمه فى كل شى .
واكيد كثير منكم مر عليه موقف او اثنان وخذا من الموقف درس وعضه سبحان الله .
كنا فى العمره من كم يوم والله يتقبل من ومنكم صالح الاعمال , واحنا ساكنين فوق عند المسعى فى فندق الصفوه ونطلع له من فندق سوفيتيل ((سابقا)) والمكان بعيد بالنسبه لى تعبت من المشى :09: وعيالى راحو الابراج يتسوقون وانا امشى وفى خاطرى اتذمر من بعد المكان واقول لين متى واحنا كل مره بعيد ووضعنا ولله الحمد زين ليش ما نحجز وبدرى فى الابراج وإلا التوحيد إلى متى وانا سرت اتعب من المسافات وقاعده اشحن فى روحى وابو الشباب فى الفندق وقاعده اشحن ومتحلفه فيه :angry2: اول ما اوصل ....
وادخل واسال عن المفتاح ترى زوجى:arb: نزل وأدخل الاصنصير واضغط وينفتح الباب إلا وألاقى بنات شحلوهم حول 5 واسلم عليهم وشلونكم يا حلوات وادرعم وراهم مانيب حاسه بشى واحط المفتاح فى الباب الا الباب مفتوح والبنات يركضون وراى ويقولون مهب شقتك هذى حقنا وانا من الشحن ما سمعت شى وافتح الباب :ohmy: وإلا اشوف ناس مهب هلى وصراخ وزحمه الظاهر انهم كم اسره فى الشقه البنات ركضو وراى وأمسكونى وينقطع وجهى وانفشل من نفسى وارجع وراى واركض راجعه الاصنصير واقول للبنات معليش هذى الدور كم سامحونى ابغى الدور الى فوق سامحونى واركض وادخل شقتنا وضاعت السالفه الى ضيعت من وقتى((ضيقت على نفسى واكلت فى نفسى على الفاضى ممكن الموضوع اناقشه بهدوء وقت راحتى وراحت زوجى المواضيع فى التعب والزعل لا تتناقش ابدا ))
بعدين دخلت شقتى هاديه وواسعه وما فيها زحمه ولله الحمد ومكان نظيف وواسع وحلو واحنا جايين نتعبد كم يوم وعيالى كبار ومرتاحه فى خوتهم لا ازعاج ولا غثا .:42:
صحيح هذيه درس قوى لى انا احسن من غيرى ليش اتشرط وليش المشاكل وانا جايه اتعبد ولله الحمد زوجى كان طالع ولا اذكر ايش طلعه ورجع على طول بعد ما هديت سبحان الله وفعلا درس من عند الله سبحانه وتعالى ..
دار الشفاء @dar_alshfaaa
محررة
يلزم عليك تسجيل الدخول أولًا لكتابة تعليق.
الصفحة الأخيرة
انا عندى امل حد يشارك للموعضه من واقع الحياة