خواتي التاجرات أنا أبا أكون مندوبة لبضاعة سعرها معقول تحت الخمسين درهم .. وقد تصل إلى 200 درهم فقط لا غير ( غير العطور والمكياج .. أخاف يخرب ويباله خبرة .. وغير الانجري والألعاب الزوجية .. استحي ..)

وابا أجمع أكثر من نوع للبضايع .. يعني أسوي لي مثل المعرض المتنوع .. أنا حالياً فعلاً بادية بس على نطاق ضيق شوي .. جمعت كذا بضاعة مميزة وخذتها بسعر الجملة .. وربحي فيها يدوب ..المهم أقدر أكون لي اسم حلو ببضايع مميزة وسعر مدروووس ..

وياليت اللي عندهم بضايع حلوة ومميزة .. وفيها أفكار حلوة .. ويرومون يوفروها من أقرب مصدر لها ( من المصانع مباشرة أو محلات الجملة ) .. يراسلوني على الخاص ..أو على العام - يمكن غيري يستفيد بعد - واذا عيبتني بضايعهم .. بنتفق ان شاء الله على النسبة والشحن واليداع وغيره .. وشكراً ..

على فكرة أنا من سنتين أو أكثر أفتر في ها المنتديات .. أدور على اللي أباه ... ( بضاعة مميزة وبسعر مدروووس ) .. وأدري انه صعب شوي .. لكن اللي حاط جدامه هدف آخرته أكييييد بيوصل .. والتوفيق من رب العالمين ..


لا تنسونا من خالص دعاءكم ...


( العفو من المشرفات .. اضطريت أكتب الموضوع هنيه لأن الفيل المثبت لطلب مثل هذي العروض يعلق وايد .. ما أدري فيه خلل .. وأتوقع ان اللي يدشه على طول يطلع بدون ما يقرى المواضيع .. خايف على كمبيوتره .. فكتبت هنياك ..ورديت نسخته هنيه .... وشكراً )

^_^ للاسف انا عندي لانجري ... ان شاء الله البنات يفيدونج يالغـــلا
ايش نوع تجارة الى تبينه
موفقه مقدما
وان شاء الله توصلين
للهدف


((مندوبات الزيت** صبايا ستور في جده وأم عمار99 بالرياض ودانه مول بالدمام وفراشه الروح بالبديعه والتاجرة ANDMT))




مشكورات خواتي على المرور ..

والبضاعة اللي أبيها منوعة .. بس تكون حلوة .. والتاجرة تقدر تأمنها من أقرب مصدر لها ( مصنع أو محلات الجملة ) عشان السعر ما يكون غالي .. هذا هدفي الأساسي .. ( بضاعة مميزة وبسعر مدروووس ) أهتم جداً بالجودة والسعر البسيط ..

مثال للبضايع اللي ممكن أطلبها :

1) جلابيات هندية... بموديلات حلوة وبأسعار حلوة
2) ملابس أطفال .. وخاصة البنات ..
3) شباصات .. بموديلات حلوة ورخيصة ..
4) شنط الوجبات للأطفال.. بأشكال مميزة وأسعار حلوة
5) أطقم سجادات صلاة مع شيلها نفس النقشة .. ومن أقرب مصدر لها .. عشان السعر ..
6) أي غرض فيه ابداع وتميز .. تكون العضوة متميزة في توفيره .. غير متوفر عادة في الأسواق ..
بس سعره حلو - وهذا ما أقدر أحدده لأنه يعتمد على البضاعة اللي ممكن التاجرات يشوفوها فيستلطفوها زيجيبوا منها .. ( قد تكون من أغراض المطبخ أو الحاسب أو ألعاب للأطفال ... بس تكون خفيفة نوعاً عشان الشحن )

يعني معظم الأشياء اللي ممكن أطلبها ترتكز على المرأة والطفل بس أهم شي فيها الجودة والسعر المدرووس كما أقول وأكرر .. لأن هناك الكثير من مثل هذي البضايع الحلوة .. بس للأسف لا تناسب زبايني الحاليين .ز ولا فكرتي أصلاً ..

وأدري .. اني ممكن أتأخر واايد لين ما أحصل مبتغاي .. أنا مو مستعجلة أبداُ ..

قلت لكم من البداية .. اني من سنتين أو أكثر .. وانا احوس في ها المنتديات .. وشهر 6 اللي طاف كانت بدايتي الأولى .. وكانت تجربة حلوة ومشجعة ..
ما دفعني لغوض التجربة من جديد على نطاق أوسع شوي .. وببضاعة أكثر تنوع .. وبرأس ما أكبر بعد .. دعواتكم لي بالتوفيق خواتي ..

وأنا حالياً بطلبي هذا .. قاعدة أدور على مصادر تناسبني لين شهر 6 القادم .. شفتوا التخطيط !! يعني جدامي 10 شهور كاملة أدور فيها على راحتي اللي يناسبني .. واذا ما ناسبني بعد بصبر .. وبكمل بحثي .. لين ما أوصل لهدفي ... واللي يحط جدامه هدف محدد لازم بيوصل له في النهاية .. ولو بعد حين .. وبالصورة اللي هو مخطط لها ..

والله يوفق الجميع خواتي .. لا تنسوني من خالص الدعاء ..

لأني حالياً ما أقدر أصرف البضايع غير على أول العام الدراسي .. وآخره .. لكن مستقبلاُ .. ان الله راد وصار لي اسم وزباين .. أكيد راح أوسع نشاطي أكثر وأكثر ...


الساعة الآن 09:19 .