السلام عليكم
انا حبيت اشاركم في الموضوع هذا طبعا اقولج التيفال ممتاز بس الافضل والاضمن الاستيل الاصلي لانة مع الطبخ مايتحلل المواد الي فية واسوء شي بالنسبة لي المعدن لانة مادة معدنية وفية مواد المعدن تتحلل مع الطبخ وكذالك التيفال يكون من داخل الطبقة السودة الي داخل القدر تنزل وتكون مع الطبخة الا اذا اخذتي الاصل اعتقد يكون هو الزين لا تاخذين الرخيص بس الاستيل و**** عن تجربة ممتاز حيل وتطبخين وانتي مرتاحة ولا في اي ترسبات ولا مواد غير مو ثوق فيها ولكي التوفيق وللجميع بالاختيار
والله انا جربت التيفال بصراحه روعه بالطبخ وما عليه كلام اهم شي لاتستخدمين ملاعق ستيل بالطبخ استخدمي الخشب اوالبلاستيك
وبالنسبه للستيل كثير يمدحون فيه وودي اجربه بعد بس اخذي الي يكون دبل بليت علشان ما يحترق الاكل وكل شي بالعنايه والمحافظه يستمر معاك
افعل ماهو صحيح ثم ادر ظهرك لكل نقد سخيف
الستنل ستيل اصح...التيفال تطبخين فيه و هالماده اللي مصبوغ فيها تدخل في بطنك....وعلى فكره الستيل الاصلي غالي ..اغلى من التيفال و الغالي و المتين او الثقيل هو أحسن انوع الستيل مثل الفرنسي و البرتغالي و الاوربي
الله يعطيكن العافيه ويحرمكن على النار ويساعدكن ربي

بالنسبة للي تقول ان الماده حقت التيفال تتفتت انا استخدم التيفال الاصلي

وبالنسبه للي تقول الستيل هل هو من ناحية التنظيف زي التيفال سهل الانزلاق ولا لا

ومن كل قلبي شاكرة مروركن وابدا مقترحاتكن اللي الله لايحرمني منها

والله يحقق لكل وحده اللي هي تتمناه




أخيرا انفكت عقدتي وصرت قادرة إني أشاركم فأرجو قبولي بينكم
بالنسبة للقدور كلام الأخوات صحيح إن الموادفي قدور التييفال والمعدن تتحلل وتدخل في الطعام وبالتالي بطونا وبطون عيالنا فقدور الاستيل هي الممتازة حتى إنها راقية في شكلها وحتى إذا لزق الأكل فيها سهل تنظيفها بعد نقعهاشوي بموية حارة وأفضل نوعية اللي تكون 18/10 ولها قاعدة سميكة من الأسفل وفي منها انجليزي وتركي بعد وكلها ممتازة سواء في الشكل وطعم الأكل والصحة بعد وهذا الأهم .


الساعة الآن 10:15 .