كارهة مدرستي اللي ادرس فيها في غرب الرياض وارغب بالنقل لشمال الرياض او التحويل لمساعدة فهل تعرفون احد يقدر يساعدني بأجر اهم شي نبعد عن الرشاوي ولكم دعائي
وش المشكلة بالضبط ؟

هل هو المشوار او الادارة بالمدرسة ؟
غرب الرياض اشرافهم شيييييييين وانا كارهتهم اكثر


الغالية عليج بالاستغفار ... والله ثم والله ثم والله انه يفتح الأقفال وعن تجارب ..

آخرها وأقربها لمشكلتج الغالية ..

ان ريلي جاه نقل مفاجيء لمكان هو ما مرتاح له أبد .. قال لهم غيروا بدلوا !! أبد هذا الخبر ياه تقريباً على الاعة 8 الصبح كنا سايرين السوق ومراجعة في المستشفى بعد ..

وكان مصدوووم حييل .. وهاك يا تليفونات .. اللي يقول له لا تحاول فيهم .. هذول مستحيل يسوون لك شي .. ربعنا وعارفيهم .. وكله احباط في احباط ..

قمت أنا أكثر من الاستغفار طوول الطريق... ودقيت على اختي في البيت قلت لها خلي عيالي الصغار يشغلون سلاح الاستغفار ( أنا مسميتنه جي ) وانتوا معهم بعد .. قالت لي ليش وش صار ؟؟ قلت لها لا عادي .. شي في خاطري .. وحابة أكثف نسبة الاستغفار حولي .. ويالله ..

أستغفر الله .. أستغفر الله .. أستغفر الله العظيم وأتوب إليه .. .. لا إله إلا أنت أستغفرك وأتوب إليك .. لا إله إلا أنت سبحانك اني كنت من الظالمين .. ربي اغفر لي فانه لا يغفر الذنوب إلا أنت .. واللي يطلع منج ..

الشاهد ان ربعه بعدهم مسكريها في ويهه .... إلا أشوفه قام يستغفر .. ويلح بالاستغفار .. وأنا وياه .. تخيلي وعيالنا وخواتي في البيت .. المهم رحنا المستشفى .. خذنا رقم .. قلنا خلينا انقظي لنا كم شغله بدال القعدة في صالة الانتظار ..

قظينا مشاويرنا .. وتيلفون ورى أخوه .. وكلهم مسكريها في ويهه .. وهو لا حول ولا قوة إلا بالله .. أستغفر الله العظيم وأتوب إليه .. الصرااحة كان واايد كاسر خاطري .... نفسيته صارت ميييييح ..

المهم في وسط ها المكالمات .. اتصل عليه واحد من ربعه .. بس يسأل عن حاله ... مع انه من فترة ما دق عليه .. وقعد ريلي يشكيله الحال ... فقال هو في الحال أفا عليك في الخدمة لأن النقل بيكون في صالحة أصلاً .. المكان وااايد قريب على بيته .. المهم سكر ريلي وهو مستبشر خير نوعاً ..

قعدت أقول له .. هذا من متى ما دق عليك ؟؟!! قال لي من زمان والله !! قلت له شو اللي يابك على باله ها الوقت تحديداً ؟؟ قال لي والله ما أدري الصراااحة وهو مستغرب .. قلت له هذا بداية خير ساقه الله لك بفضل الاستغفار .. قال : هي والله .. صج انه أمر غاية في الغرابة .. شخص يدق علي .. في ها الوقت تحديداُ.. لا وبايده الحل لمشكلتي بعد .. شو اللي يابني على باله ؟؟؟ والحييين تحديداً ؟؟؟؟!!
وهو ما يدري عن شي أصلاً .... سبحانه وتعالى مصرف القلوب .. الذي وجه قلب هذا الشخص بخاطرة جعلته يتصل بهذا الوقت تحديداً ليعطي أمل في حل المشكلة ...

و بعدهم ربعه مسكريها في ويهه .. ويقولون له ما نتوقع يوافقون أبداً .. قال لهم يصير خير .. ودق على واحد من وقال له أعرف واحد عنده الرغبة بانه يسد هذا الشاغر ويبدلني .. قالوا يصير خير ..

المهم هو على أعصابه .. وسرنا المستشفى .. يت الممرضة عدالنا مرة ترمس واحد عن دوره .. فسألتها لو سمحتي متى دور ريلي ؟؟ قالت لي لحظة .. دخلت عند الدكتور .. وقالت لنا تفضلوا ... يعني حتى في المستشفى أبداً ما تأخرنا ..

ونحن راديين في الطريج .. مريت على بيت أهلي عشان آخذ عيالي .. وشوي دق تيلفون ريلي .. واذا به واحد من مديريه يقول له خلاص .. حطينا ربيعك في ذاك المكان .. لا وبعد بيخلوه نفس مكانه .. لأن الحل اللي كان في باله .. انهم بييبون ربيعه مكان النقل وبيودوه مكان ربيعه مكان أبعد بعد لكن مسؤولياته أقل .. فتخيلي خلوه نفس مكانه اللي كان فيه أساساً .. وسكر على الساعة 2 ظهراً تقريباً .. وهو مو مصدق ... كأنه كان في كابوس وحد قومه منه ..

قلت له وأنا بروووحي موب مصدقة اللي صار .. وشوي وبصيح .. هذا كله بفضل الله ثم بفضل الاستغفار ..

وهاي موب أول سالفة تستوي لنا ويصير فيها تفريج بفضل الاستغفار اختي .. بس هاي الصراحة كانت أقواها ..

لأن الواحد اذا تعلق بمسسب الأسباب .. أكيد راح يسبب له سبب يمكن هو بعقله القاصر مستحيل يفكر في حل بهذه الطريقة .. ولا علاقاته قد تسمح له بان يصل إلى مبتغاه .... لكن متى ما تعلقنا به ورضينا بقضائه ... متى ما تيسرت لنا أمور دنيانا كلها ..


اللهم اكتب لي الخير أينما كان ثم رضني به ... أستغفرك اللهم وأتوب إليك ..

ولا تنسينا أختي من خالص الدعاء ...
4
Math



صدقتي خيتي,,

تفتح لك ابواب من عند رب كريم,.,


وانتي خيتي,.
بعد لا تستعجيلين,,. الامور,

استخيري
مره اثنين,.,
مو كل ما ضاااقت فيني,,
تذمرناا
واسال الله لك
الصبر,.
والتوفيق.,
وان يسخر لك,, ملائكة السماء وجنود االارض,.
ومن كنت معهم.
ءامين,.


والانساان مبتلى لابد ما يضيع اجره,.
بل يحااافظ عليه بالحمد ., والصبر


بارك الله فيك خيتي,.,
.. يآحي ياقيوم برحمتك أستغيث ..
لاحول ولاقوة الا بالله


الساعة الآن 02:50 .