مها الكويت
مها الكويت
لورا .. انا رحت مره للدكتوره عاليه بس مدري والله ليش ما ارتحت لها واحس شايفه نفسها يمكن انا ييتها بوقت غلط حظي جذي ههههههه ,, مشكوووره ..


ام ضي .. مشكووره اختي والله يجزيج خير على سرعه التفاعل ويخلي لج بنوتج يارب ..


ام الشيخه .. والله انا الي حاسه فيج .. صج محتاسه مثلج ولا عت جبدي مدري شسوي هذا يذم وهذا يمدح واقصد الناس الي اسئلهم عن الدكتورات , ولا يقدر الواحد يرسى ع بر عشان جذي فتحت الموضوع للنقاش وكل وحده تقول عن تجربتها الشخصيه افضل والله يعين الجميع ويرزقنا الذريه الصالحه .. مشكووره اختي ..


دبدووبه .. انا اسمع ناس وايد والله يمدحون المواساه وزوجت خالي على طول تولد هناك ولا تروح لاحد معين ماشاء الله عليها اي احد عادي عندها ومرتاحه ,, مشكووره اختي ..
أم عزيـز
أم عزيـز
انا ولدت مرتين بالسلام عند دكتوره هنديه تهبل اسمها روبينا ومرتاحه عليها وايد وحنونه وصبوره ومن تدخل علي أتفائل فيها

بس للأسف تزوجت واستقالت وراحت تعيش في هولندا والحين انا حامل رحت السلام لأني متعوده على مستشفى السلام ولا مافي ولا دكتوره هنديه وكله دكاتره رياييل صراحه مابي ريال يولدني
بس عندهم دكتوره اسمها نجمه سمعت فيها يمدحونها بس مواعيدها خواره يعني عادي يكون عندج موعد تروحين ما تلقينها ويحولونج على دكتور ثاني !!!

المهم دلتي وحده من صديقاتي على دكتوره اسمها امل عبدالعزيز كانت عندها عياده خاصه والحين مأجره في ريوال حياة يعني حتى اذا ما تبين تولدين في رويال حياة تقدرين تطلبينها تولدج في أي مستشفى تترتاحين فيه

وسبحان الله ماشاء الله عليها بالمراجات تحسين انها امج مو دكتوره وصبوره وبالها طويل ربي يحفظها وان شاء الله راح تكون ولادتي في فبراير وحاطه في بالي اولد في رويال حياة

على فكره عندهم عرض على الغرف والولاده اسمه عرض الصيف
اذا دفعتي فلوس الولاده من الحين يعطونج خصم روعه اكثر من 100 دينار وطبعا الخصم يختلف من غرفه لي غرفه وشامل الولاده وأجهزة الولاده والرعايه للأم والطفل لي مده يومين والثالث تطلعين

ولا تخافين اذا غيرتي رايج وما تبين تولدين عندهم يرجعون لج فلوسج كامله يعني انتي مو خسرانه شي


على فكره الأخت ام الشيه شيخه تكلمت عن مستشفى KOC نصيحتي لج انتبهي تولدين هناك
صدقيني مافي لا اهتمام ولا رعايه ولا عنايه اللي تولدج السستر وحتى خياطهم مو شي انا اشتغل في النفط وعمري مكا فكرت اولد هناك بس وحده معاي بالدوام جربت ولادتهم وقالت ما شفت الدكتوره الا وقت الخياطه وحتى الخياطه مو مضبوطه تحس انها مو مخيطه !!!

ومافي غرف خصوصي ينعدون على الأصابع يقطونج عمومي وثاني يوم يقولون لج مع السلامه
انا حابه انصحج اشتري راحت بالج واولدي بالخاص على الأقل تعرفين منو اللي راح يولدج مو بالحكومه اللي موجود يولدج مو الدكتوره او الدكتوره اللي تراجعين عندهم
مها الكويت
مها الكويت
اختي ام عزيز ,,

يعطيج العافيه اختي عالمشاركه , وسبحان الله الوحده اذا تعودت على دكتوره معينه وتروح لسبب معين , تحس انها ضايعه , الله يقومج بالسلامه اختي ويهون علينا وعليج يارب ..