اخواتي الخبيرات زوجي يرغب في فتح محل اكسسوارات نسائية واتمنى من

اي وحدة تملك معلومات كافية ومفيدة ان تزودنا بها وتجيب على استفساراتي

* كم التكلفة لمحل فتحة واحدة ؟

*ارغب بمعارض او محلات بيع جملة حلوة ورخيصة؟ بجدة او الرياض او الشرقية.

*محل جيد يساعدني بعمل ديكور مناسب للبضاعة؟

*اتمنى تقترحون علي موقع تجاري جيد وبسعر معقول في الرياض؟

السلام عليكم ورحمة الله وبركاته
ياهلا اختي ام ديم
وهذي رساله جتني على الايميل للرد على استفسارك وهو من ايميل مؤسسة اصناف ابو نواف
بالنسبة لفتح محل اكسسوارات فيه ثلاث انواع من الاكسسوارات النسائية
النوع الاول
الرخيص اللي يباع في محلات ابو ريالين وابعدي عنه اذا حبيتي تعملي صح
النوع الثاني
الوسط :
هذا يختلف في خواتم وحلقان واطقم واساور واحزمة وبروشات سواء للغطاوي او الشعر او الملابس
النوع الثالث غالي جدا وربحه قليل برضوة ابعدي عنه لان سعره مقارب للذهب لوجود الالوان
افضل نوع للمتاجره به هو النوع الثاني
ولابد ولابد ولابد المشي على الموضه في لوازم الشعر كل شهرين فيه موضة للاكسسوارات
مرة الفراشات ومرة الريش ومرة النمر
ابعدي عن الاطقم الكاملة وتجي جملتها حوالي 54 ريال والبيع حوالي 120 ريال واذا انكسر طقم خسرتي الدرزن كامل
الافضل لك انك تتاجرين في الحلقان والخواتم والاساور والبروشات
درزنة لايتجاوز 90 ريال واذا كان نوع فخم جدا واذا كان كوري والكوري افضل نوع لان الكسر فيه قليل جدا
والبيع لايقل عن 25 ريال للحبه الواحده وفيه محلات يبيعوا على 35 و 45 مثل اسواق الاندلس وغيره
مكاسبة حلوة حلوة جدا للذكي واذا عرف كيف يلعب اللعبه صح
البضاعه تاتي بها من من الرياض لان افضل محلات جمله في المملكة الان موجوده في الرياض وفيه جده وفيه الشرقيه تاخذينها من الاتي
طريق الملك عبدالعزيز حتى توصلي كبري بطحاء الثاني وليس الاول واذا وصلتي كبري البطحاء الثاني تاتي من تحت الكبري وتاخذي رجوع واول شارع 20 يمين تدخلي معاه بعدها راح تلقين محلات الجمله وعندك محلات كثيرة جدا وافضل المحلات السليمان موجود على نفس الشارع مو داخل المجمع
بالنسبة للديكور يبي لك الخشب من نوع الام دي اف نفس محلات ابو ريالين بس محلات ابو ريالين فيه البعض يضع الحديد والشي ذا لاينفع ويوضع للترتيت فقط اذا كثرت البضاعه قيمة المتر من الخشب 110 ريال ويكون متر وعشرين سم في 224 سم
وبعدها تحتاجين الحديد نفسة اللي تتعلق فيه الاكسسوارات وقيمتها 2ونص وخوذي ابو 20 سم الافضل لان الاكسسوارات بعض تجي عريضه شوي وبعدها الحديده ماتكفي الا لسبع او ثمان اكسسوارات
الخشب هذا تلقينة في مركز المعارض او اي محل ديكور وتلقينهم بجانب محلات الاكسسوارات ولكن في الشارع الاخر يعني عند الكبري الاول الخاص بالبطحاء والمعروف
التكلفة حسب المساحه وتراها تكلف خاصة النوع الثاني من الاكسسوارات اللي تكلمنا في سابقا
وتوصل حوالي قيمة البضاعه 50000 ريال اذا كانت مساحه المحل 8×4 م
الديكور مايكلفك ذيك التكلفة وحسب الاشياء اللي تبون تضيفوها يعني من عشرة الى عشرين الف
النوع الاول يكلفك تجهيز المحل من ديكور ومن بضاعه من 30000 الى 50000
النوع الثالث يوصل الى 150000ريال
افضل طريقة وخوذيها نصيحه من مؤسسة اصناف
ادمجي النوع الاول والثاني يعني تعملوا تعديل اسعار لان النوع الاول درزنة يوصل 18 ريال والنوع الثاني يوصل درزنة 100 ريال
وتحتاج المحلات هذي عامل يده خفيفة عشان مايكسر الاكسسوارات
الديكورات من معرض جده ايضا اللي امام اسواق الاندلس في الرياض واسعاره حلوة نفس اسعارة اللي في البطحاء وخوذي ستاندات خاصة بالحلق والاسوار وتجدينها في سوق الاكسسوارات ولكن في الدور الثاني وجميع الاستاندات مالذ وطاب من اكل وشراب
بس ابعدوا عن الاطقم ولاتكثرون منها لانها حساسة واذا انكسر الحلق حقه لازم تبيعوا كل شي لوحده
وايضا عندك مزايا مميزين جدا في بضاعتهم والعفيف وبدور والافضل نوعا ما بس بضاعته ماتدوم وسريعه الكسر لانها مو اصلية وتحسين انه يلعب في بضاعته ويجيب استوكات مصانع
المحل المفضل للافتتاح شمال الرياض بجانب محلات ابو ريالين بس لاتجيبي بضاعتهم وتخسروا بضاعتكم
لان بعض الزبائن يبي شي مميز ونظيف ويظطر يروح للاسواق وانتي قربتي المسافه له

هذا اذا انتي في الرياض اما جدا فسوق الجمله باب شريف وافضل محل ايضا السليمان وله فروع في باب شريف واسالي اي شخص ويدلك عليه

واذا الشرقيه ايضا له فروع في الشرقيه خاصة بالجمله

والله يوفقكم


مؤسسة اصناف التجارية


ام بدر
الله يعطيك العافية وما قصرتي .
الله يجزاك خير (عطيتك أغلى ماعندي) ويجعله ربي في موازين حسناتك .... أميــــــــن.
بس عندي سؤال : انا في بالي محل ابو ريالين (الخردوات ) مو رااضي يطلع من بالي
بس تقدرين تقولي لي كيف ابدء ومن وين اجيب البضايع لان كل ماسألت احد يقول ماأعرف؟؟؟
واسفـــــــــة لصاحبة الموضوع لاطرحي الاسئلة في موضوعها... علشان الكل يستفيد.
والله يوفق الجميع.
توكلت في رزقي على الله خالقي **و ايقنت ان الله لا شك رازقي

اللهم أرحم والدي رحمة واسعة واكرم نزلة يارحمن يارحيم
الاخت الكريمه عطيتك اغلى ما عندي ما قصرت
وكتبت الفوائد الكثيرة بالموضوع للجميع
وبالفعل انا ايضا انصحك بالبعد عن الاطقم الكامله
لانه هالايام الناس ما عاد تشتري اطقم كامله بالاضافة للخسارة فيها ان انكسر شيء وبحقها تجيبي عدد اكبر من الاشياء الاخرى المتوسطة السعر
ولازم تتابعي الموضه ويكون عندك المميز والحلو يعني السعر المعقول والجوده
وبالفعل الكوري افضل شيء حتى من ناحية اللون ما يروح بسرعه بس هذا ما يمنع وجود الانواع الصينيه لانه بعضها جيد
اما بعضها يكون رديء جدا بلاستيك خفيف وسلاسل مسوده ريحتها حديد قويه نوعية رديئه وتحسيها على طول تتفكك وتنكسر ابعدي عنها الا ان كنت بتجيبين اشياء لللاطفال

وانصحك تبحثين عن اكسسوار للاطفال حتى لو من الخارج لانه قليل جدااااااا لكنه مطلوب جدا فسوي ركن صغير لاكسسوار الاطفال لانه كثير حريم يبون لصغيراتهم اكسسوارات بس ما يلقون الا بمحلين ماركه وغالي



الساعة الآن 05:41 .