Analysis Services
  • «
  • 1
  • 2
  • >
  • »
أ خخخخخخخخخ

ليتكم شفتوا المشهد بسسسسسس

اول شي الاعتذار لصحبة الطبخه لانها ممتازه جداااا بس انا رفله والاخت حريفه ماشاء الله ورحم الله إمرأ عرف قدر نفسه



والله يابنات طيران لكارفور مع اني مسويه ريجيم بس قلت والله اقطعه,,
واصقع لكم عين الجمل الكيلو باربعين وفوق وطيران لقسم السكر اجيب سكر بني ماعمره دخل بيتي من قبل ولا اعرفه ومع اني مقاطعه البضائع الامريكيه بس قلت عديها ياشيخه

اما الزبده كنت مسويه لها طلاق بالثلاث بس قلت اراجعها ولجل عين تكرم الف عين

وادحدر للمطبخ ولا كل من دخل للمطبخ طباخ
واعجن وألت واقطع وادخلها الفرن بكل حرفنه
واروح وارجع شوي اشوف بفرني منظرعجيب

العجينه الجزء اللي ثقلته بشكل بسيط لايذكر انتفخ وطلع كنه كيك
والجزء اللي خففته بشكل بسيط لايذكر تشقق وانفقع وطلعت منه سيول غزيره غرقت على اثرها الصينيه

طبعا صارت لي صدمه
واولع عليها من فوق يعني بنقذ مايمكن انقاذه
بثواني اسودت وانا واقفه عند الفرن وملعه اللمبه كني ذا

واروح اطلعها من الفرن بسرعه هاه هاه وتطيح الصينيه من يدي بالمطبخ وتطشم المكسرات بكل ركن ومع الصلصه والعجينه المتفتته انحاست ابو الدنيا
والله يابنات ذقت لي قطعه منها يالطيييف التفاح يابس والسكر ذايب ومسوي لي سايل بني منظره غير مستحب ابداااااا والقرفه متكتله زي ماحطيتها وحااااله مدري ليش فشلت كذا ؟؟؟

زوجي قايم من النوم يقول اشم ريحة قرفه يحسبني مسويه سينابون وانا روح فيها قلت هاه وشو ايييييييه انا كثرت قرفه مع الرز شكلي

خفت لا يشوف الفضيحه اللي انا مسويتها
ورحت حطيتها بكيس غامق وبالزباله الحمد لله لامن شاف ولا من دري بس يحرام على النعمه
واتعلمت درسي مدي لحافك على قد رجليك واطبخي على قد امكانياتك
30-07-1428 هـ, 04:57 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يالله ماصار إلا العافية

تعيشيين وتاكلين غيرها


وياكثر ماتصير
بس الشاطر اللي مايمل ويحس بالإحباط

ويحاول أكثر من مرة لين ماتظبط

بس أنا بصراحة مرة وخلاص أبطل
30-07-1428 هـ, 05:17 مساءً
 
قولي اامين ان الله يرزقك نقل لعند بيتك

مثل ما ضحكتين موقفك وصياغتك له مبدعه

ان شاء الله الطبخات الجايه تضبط معك
30-07-1428 هـ, 05:21 مساءً
 
هههههههههههههههههههه
اسلوبك عجيب والله اني مثلك فاشله في عمل الحلويات فشل ساحق ماحق
علشان كذا ما اجازف نهائيا (المؤمن لا يلدغ من الجحر مرتين)
30-07-1428 هـ, 05:24 مساءً
 
هههه ضحكتيني عاد خلاص ماعادني متشرهه عليك يومك ما تبغين لقيماتي اثاريك ما تضبطين الحلويات
30-07-1428 هـ, 09:39 مساءً
 


الساعة الآن 03:28 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏