السلام عليكم ورحمه الله وبركاته....
شخباركم بنات انا ابي اقولكم قصتي لاني حاسه اني محتاجه اتكلم مع احد وافض فض
لاني تعبت نفسيا بسبب زوجي واهله حسبي الله عليهم الله يوريني فيهم يوم اناتزوجت من 9شهور تقريبا
ولكن زواجي كان فاشل بمعنى الكلمه بسبب مضايقه اهل زوجي بالدرجه الاولى وثانيا تصرفات زوجي الهمجيه
ولانه كل كلمه او مشكله بينا عند اهله على طووول
تخيلوا احنا تزوجنا وقعدنا فتره اسبوعين الى 3اسابيع انا وهو نتمشى طبعا شهر عسل ولكن منغير سفر انا ماهمني السفر مومهم
وبعدها رحنا لبيتنا وما امدانا نجلس فيه اسبوع الا واهله جايين امه واخته واخوانه ثنين البيت صغييييير مره
غرفه نوم وصاله فقط وطبعا مطبخ وحمام لا مجلس رجال ولا حريم ولاغيره قلت يالله مو مشكله واهل زوجي ساكنين
بشقه لحلهم هم بعيد يعني بمنطقه تبعد عن المنطقه الي احنا ساكنين فيها 80كيلوا
وكنت مع ذالك استقبلهم احسن استقبال مع انهم مضيقيني اخوانه وامه واخته ينامون بالصاله وانا مقدر اتحرك من
غرفتي الا اذا بغيت الحمام اعزكم الله
او اذا بدخل المطبخ اطبخ لهم ويجلسون عندي من السبت الى الاربعااء وانا على هالحاله بغرفه النوم لحالي وهو مع
اهله والتلفزيون عندهم ويتقهوون ولما يشوفني متضايقه يهزئني ويقولي انتي ماتبين اهلي\
ويمشون الاربعاء لشقتهم واحنا يعيي زوجي الا نلحقهم ولااااازم ننام عندهم الخميس والجمعه
\
وبعدين نرجع بيتنا ونفس الشي هم يجون ويالله على هالحاله
لا طلعه ولا تمشيه ولاحريه في بيتي ابداااااااا...
وساكته ماقلت شيوطبعا انا اكيد اضايق وودي اني انا زوجي نجلس لحالنا شوي يعني يعطونا فرصه نقعد مع بعض
اكثر بالذات انوا تونا متزوجين لكن ناس مايفهمون
وامه انسانه غيووووووووور تخيلوا انه مره انا وامه جالسين نتقهوا وهو معنا بعدين استاذن يبي يروح معزوم
فاشؤلي بياده وابتسامه وقالي مع السلامه قامت هي على طول هاوشته وقالت له ماباقي الا تسلم على راسها
وتلعنه وتسبه والله كلام وسخ مقدر اكتبه هنا
وهومشى مدنق راسه وطلع.نسيت رجع باس راس امه بعدها طلع
وسكت ولاقلت حرف
ومره دخلت انا وهو غرفتنا وهي كانت عندنا طبعا كالعاده وطلب مني اسكر الباب وكنا نتكلم فجاه الا هي خاشه علينا
بغت تكسر الباب لا احم ولا دستور ولعنته وسبته ولعنت ابوه وهوميت وقالت كلمه بااااااايخه
وطبعا بتقولون ليش ماقفلتي الباب بالمفتاح بقولكم لان ماعندي مفتاح الى يومكم هاذا
مفتاح غرفه نوم ماجابلي كل شوي يتعذر هاذي شركه ومفتاحهم صعب الاقي عمال لان احنا ساكنين بسكن
المهم كل يوم مشكله امه تزعل واخواته يزعلون بس كذا
وهو يجي يقولي لانتي ماتبين اهلي واذا جينا نركب السياره واخته معنا انا متنب اب الذوق والادب اقولها تفضلي قدام
عيب طبعا بس مو مره الا وهو ناط ويحلف الاتركب قدام
ويقولي خواتي كلهم من اولهم الاخرهم يركبون قداام ومستحيييل اركبهم ورى انتي الي تركبين ورى
وانا اقول طيب انا وهم نتصرف انت لااتتدخل موعشان اركب قدام لااا
ماهمني
بس انا بعد زوجتك ولي احترامي ومو خواتك كل شي
ومره نزلني من قدام عشان اخته بوسط الشارع مع اني تعذرتها وقالت لا
ونزلت وسكت ولا قلت شي
غير المشكل اليوميه التافه الي بيني وبينه لكن
السبب الرئيسي لدمار حياتنا امهه
شوفوا وش سوت حلفت ماتدخل بيتي
وولدها انجن علي وكل يوم يهاوشني وسحب من جوالي ويقول اهلي ياثرون علي وان امه زعلانه بسببي
واذا جيتهم ببيتهم تقعد بغرفه نومها وماتخل علي
ونفس الشي في بيتي تدخل مع عيالها وتجليس معهم ولا تقابلن يابدا
وبعدها جا يوم ووداني بيت اهلي وجاب اغراضي وانا حامل واللحين دخلت التاسع لي يومين
وبيطلقني
حسبي الله ونعم الوكيل على من اكان السبب
اتدري يابنات طولت عليكمبس والله من حره قلبي وقهري على نفسي كل يوم ابكيومابي اطلق
علشان الي ببطني مابي ابتعد عنه
الله لايوفق من تدخل بيني وبينه
بنات طلبتكم تكفون ادعولي انا في اشد الحاجه لدعواتكم نفسيتي تعبانه مره قاعده اكتب لكم وانا اصيح
ادعوالي انالله يسخره لي ويرده لي يااااااارب وان الله يهديه ويرجعني
تكفون الدعوه لاخيك المسلم بظهر الغيب مستجابه باذن الله
والملائكه بتدعوا لكم بالمثل
الله يفرج هم كل وحده بتدعلي ويييسر لها كل امورها
*وجــدان* @ogdan_18
عضوة نشيطة
يلزم عليك تسجيل الدخول أولًا لكتابة تعليق.
نفسي في تؤام
•
ربنا يهديه يارب ويرده لك ويبعد عنكم الشر يارب
الله يسخر لك زوجك ويحببه فيك
بس حاولي تدخلين أهلك يناقشونه بأسلوبه معك وأسلوب أهله وإذا
بس حاولي تدخلين أهلك يناقشونه بأسلوبه معك وأسلوب أهله وإذا
الله يسخر لك زوجك ويحببه فيك
بس حاولي تدخلين أهلك يناقشونه بأسلوبه معك وأسلوب أهله وإذا رجعت
بس حاولي تدخلين أهلك يناقشونه بأسلوبه معك وأسلوب أهله وإذا رجعت
الصفحة الأخيرة