مساء الخير:
بنات انا متوهقه بالبروكلي المثلج بعد ما شريت كيسين لان اشكالهم اعجبتني .......كيف الطريقه سواءا شوربه او مقلي او اي طريقه سهله ؟ ولكم الاجر:26:
ام الورود4 @am_alorod4
محررة ذهبية
يلزم عليك تسجيل الدخول أولًا لكتابة تعليق.
بس على فكره عامليها زي الزهره..(اقصد انك لما تاكليها تكون مو ذايبه مره ) يعني لما تسلقينها بس سلق خفيف 5 دقايق ..وممكن تضيفيها للخضار وتسويها سوتيه بالزبده ..
او اذا بتسوين صينيه دجاج بالخضار في الفرن اضيفيها في اخر ربع ساعه بدون سلق ..اممممم
او اذا بتسوين صينيه دجاج بالخضار في الفرن اضيفيها في اخر ربع ساعه بدون سلق ..اممممم
الصفحة الأخيرة
المهم انا عندي له ثلاث طرق وكلها لذيذة وسهلة
اول شي اسلقيها نص سلقة وحطيها بمشخلة خلي الموية كلها تروح وجهزي بيضتين مخفوقة وعليها ملح وفلفل اسود ومجهزة بقسماط حاطه معه ملعقتين دقيق واذا غمستي البروكلي بالبيض غطيها بالبقسماط والدقيق واقليها بزيت غزير وحار
الطريقة الثانية تكونين سالقة البروكلي نص سلق وتطلعينها من الموية طبعا وتجيبين صاج تحطين فيه شوي زيت زيتون وتشوحينها على النار لين تبدا تحمر وتحطين ملح وفلفل اسود واريقانو ولتعصرين ليمون عليها ووقت التقديم رشي زيت زيتون على الوجه
الطريقة الثالثه تسلقينها سلق كامل لغاية ماتلين وتشخلينها طبعا من الموية وتهرسينها وتحطين عليها زبدة وتحركينها وتحطين ملح وفلفل اسود وتحطين كريمة خفق وتهرسينها زي البطاطس المهروسة وحطي ملعقتين جبنة تشيدر او بارميزان
وبالعفية على قلوبكم : )