جزاكم الله خير

اختي يابان

عجبتني فكرة اني اسوي بضاعه واقول انها مو لي

الله يسهل يارب


اقتباس مشاركة  (يابان)
اختي الله يوفقك انا عندي اقتراح انه تفكري بكم شي صغير لاتخليها كلها بشي واحد مثل المثل الصيني لاتضع كل البيض بسله واحده

مثلا سوي مشروع البالونات واحد يبيعها باماكن الترفيه طبعا جيبيها بالجمله وبيعيه مفرق خليكي بثلاث اماكن ماهو واح

كمان السيارات اللعبه بالاسواق اللي بشكل دبدوب وغيره وتمشي روحي بموقعين

تعلمي خلطات بخور وعود من النت وسويها بعدين بيعيه اخبرك كيف لو جا احد من اهلك او صديقاتك اعرضيها كانك مشتريتها وخذي رايهم وقولي اخذتها من وحده تبيعها بكذا-سعرها - بس ممكن ترخص لو اكثر من ثلاثه من تحب تشتري معي ونكون مجموعه عشان السعر طبعا انتي ماكذبتي الوحده هي انتي والسعر مظبوط وبترخصي لو مجموعه و**** الله ينتشر بين الناس بعد شوي قولي البنت تبي احد يساعدها وانا قررت اكون معاها من تبي معانا وخليلك مندوبه بس اختاريها مظبوط

لو بقي شي بعد مشروعاتك الصغيره سوي به جمعيه وخذي اول وحده ومن اللي اخذتيه شيلي مبلغ للجمعيه الجايه المهم حاولي تحافظي على الجمعيه لانه راح تسدي المبلغ باذن الله وتربحي من المشاريع الصغيره وتسير كبيره باذن الله والافكار اللي ذكرتها مو لازم تتقيدي بيها المهم هو توزيع المبلغ واي مشروع تبدي بيه لازم يكون عندك سيوله بيدك لاي طارئ وفقك الله



ما شاء الله عليك ,, افكارك كلها حلوه


ما تتخيلين قد ايش انا ممكن اوفر بضاعه ,, بس مشكلتي التوزيع ...؟؟؟


..


.
اجمل احساس وبنت ناس الف شكر لكما وبحب اخبركم افكار للتوزيع اولا لازم تعرفي انه الناس مظاهر على ماقالوا يعني حتى لو بضاعتك جيده لازم تغلفيها وتعتني بتقديمها يعني مثلا لو عملتي فاترينه او صندوق انيق ببيتكم فيه العطور كل واحد مغلف مثل الهديه وعليه فيونكه وبجانبه بظرف صغير ورقه بها صوره ملونه للعطر سويه بالطابعه وبعلبه صغيره ثانيه جيبي علب مره صغار تبع الخرز مثلا وبها قطن بكل الزجاجه وبها عطر عشان يكون عينه الناس تشم الريحه وتشوف الصوره الحلوه وتاخذ العلبه اللي مثل الهديه بنفس مفتوحه حتى لو زدتي السعر ريالين مثلا تبع هذي الزيادات لانه ماراح تكلفك فلوس لكن بشوي مجهود تسير حلوه او حتى بلاش تجليد ممكن ورق انيق مرتب وزينيه انتي بورود او ورق ورد صناعي او عارفه الغراء الملون ممكن تزيني بيه اي فكره تخيلي انتي ووحده ثانيه عندك البضاعه نفسه لكن انتي مزين وزايد ريالين اكيد حايفضلوكي وكمان ماحد راح يقول انها بضاعتك لو ماحبيتي ممكن يقتنعوا انها من برا

او طبعا لو بفاترينه صغيره بالبيت وجانب كل وحده معلومات عن الخلطه وفوائدها او كلام حلو لو كانت عطر مكتوب بالكمبيوتر ورسمة شعار اكيد ما احد راح يقول انها ليكي وممكن تقولي انك متعاونه مع ناس ومن غير كذب انتي بنيتك انه انتي وزوجك مثلا الناس اصحاب البضاعه

مثلا لو ملابس او شنط او اكسسوار اعتني بكل قطعه يعني لو رشيتي عطر قليل مع الفستان وخليتيه بعلبه مثل الصندوق ومغلف وزدتي من خمسه لعشره ريال صدقيني بياخذوا منك ولو اكسسوار اقترح تتعاملوا مع بنات الفنيه لانه انا شفت محلات ناجحه بالشغل اليدوي يعني طوق عادي مثلا بعدين تزيديله زينه بخامات رخيصه يتباع بسعر حلو لانه مافي مثله وكذلك الشنط والاحذيه مثلا تحيلي مرايه حولها فرو وعليها ورود صناعي لاصقه ببعض ترى مره حلوه انا شفت مثلها تتباع تقريبا بستين

كمان لو كانت بضاعه شبابيه عطر او تبع الجوال او الكمبيوتر ممكن تتعاوني مع شباب بالعائله بس مو كبار مثلا متوسط او ثانوي يبيعوزلك هي بنسبه لانه صدقيني بينجحوا بس نقيهم انتي الشباب عارفين لبعض ويبيعها اكثر منك خاصه لو له عموله ليش اقول لاتاخذي كبار لانه الكبير يبي عموله كبيره وممكن يكون له دخل اصلا اما الطالب بيفرح انه نجح وبيجاول جهده وفترة المراهقه دائما فترة اثبات ذات والله يوفقكم
تاجري فيهاااااا


الساعة الآن 08:09 .