أنا أنقع البطاطس في ماء و ملح قبل القلي ( طبعا تكون مقطعة و مجهزة ثم أغسلها وأشخل عنها الماء ....
بعدين ... جهزي الزيت و خليه ساخن ...
حطي البطاطس و نزلي الحرارة الى وسط و قلبي الى ان يصبح أصفر بااااااهت ...
ارفعي البطاطس من الزيت 5 دقايق و حطيها على ورق نشف ثم رجعيها واقليها الى ان تصبح ذهبية ...
جربي و اعطيني النتيجة ....


فكره ..... نقليها مرتين ؟!

بنجرب ونشوف
شلونك عيوني انا كنت زيك كثير احب البطاطا المقلية بس دايما تطلع لينة وتشرب زيت كثير بس من فترة سمعت من الشيف عبد الله على قناة الشارقة طريقة وعملتها طلعت رووعة والحين دايما اعملها حتى زوجي وايد عجبتة يقول كنها بطاطا الماكدونلز
وهي
تجيبي البطاطة الي تكون كبيرة الحجم وعليها رمل كثير ما ادري اذا عرفتيها المهم تقطعيها اصابع رفيعة ثم تسلقيها في ماء مضاف اليه الملح وملعقة صغيرة خل ابيض مدة دقيقتين الى ثلاث دقائق ثم تطلعيها من الماء وتوضعينها في صينية في الفريزر حتى تجمد
و وقت الحاجة تقليها في زيت غزير

واي سؤال انا حاضرة
فكره نادين شكلها بتطلع حلوها

تسلمون يابنات ومنكم نستفيد ..
اللهم لك الحمد حتي ترضي ولك الحمد إذا رضيت

ولك الحمد بعد الرضي ولك الحمد علي كل حال
البطاطس اللي عندك ماينفع للقلي الا اذا بتجربين

يمكن يضبط معك

والطريقه الفرنسيه هي تقنية القلي مرتين

مثل ماقالت um hissa لكن يفضل انها تكون

بارده من الثلاجه لما تجي تقليها للمره الثانيه

وبالنسبه لكلام نادين فهو صحيح

حتى انا مره شفت شيف امريكي على قناة ديسكفري

سوى ذي الحركه

لكن حتى بعد ماسلق البطاطس قلاه مرتين مو بس مره وحده

يقول لزيادة القرمشه

والهدف من سلق البطاطس قبل قليه

حتى تتكون عليه الماده النشويه الموجوده في البطاطس

فلما تجين تقلين تيبس هذه الطبقه وتكون مقرمشه

وتكون من داخل طريه

وان شاءالله لما تسوين بطاطس المره الجايه تكشخين عند زوجك
سوفليه الشوكولاته


الساعة الآن 01:15 .