السلام عليكم اخواتي الغاليات
بصراحة ابي مساعدة من القصيميات لان يعجبني اكلهم ابغى طريقة اكلة كانت وحدة من زميلاتي القديمات تصلح لنا تمر بالقشطة والبر والزبدة او اللبن ماني عارفة الطريقه لكم طعمها والله جنان والى الحين ماراحت من بالي ياليت الي تعرفها تقولنا وهي على ما اعتقد اسمها قشدية او قريب من هالاسم
ومشكوووووورين مقدما

الله يا اختي هذي اكلة ما تنفع إلا في الشتاء
انا اسويها بطريقة سهلة واسمها( قشد)
حطي اصبع زبدة في القدر لين يذوب وبعدين ضيفي عليه كاسة لبن أو علبة لبن زبادي اللي تفضلين وخليها تغلي شوي وبعدين ضيفي دقيق بر بالنسبة للكمية مو محددة حطي لين يصير لك مفتت زي البسكويت وخليه لين ينضج يعني ربع او نصف ساعة على نار هادية وبعدين حطي تمر خلاص وحركي لين يلصق الدقيق بالتمر

وبالعافية
أستغفر الله الذي لا إله إلا هو الحي القيوم وأتوب اليه
مشكوره اختي & كوكب زحل &
والله يعطيك العافيه على الطريقه
وهذي هديه لك
واااااو هذي الأكله مفضله عندي وزي ما قالت الأخت

كوكب زحل هذي الأكله ما تصلح إلا في فصل الشتاء

وأنا طريقتي فيها اجيب دقيق البر وأعجنه بالحليب بأي

كميه تبغين حتى تكون عندك عجينه لينه يعني الين من

عجينة الفطائر بعدين أجيب أصبع زبده وأحطه في القدر

وإذا كانت الكميه يعني العجينه كبيره أحط أصبعين زبده

وبعد ما تذوب الزبده نحط عليه العجينه ونحركها بملعقه

خشب الين يتغير لون العحينه ثم نضيف له التمر ويحرك

ويترك على نار هادئه ربع ساعه تقريباً مع التحريك بين

كل فتره وأخرى
صحيح أختي هذي توكل في الشتاء وانا طريقتي أسهل وهي اني أذوب زبدة بكمية كبيرة نوعا ما حسب كمية التمر واحمس الطحين فيها الى ماتشمين ريحة الطحين ويبدى يتغير لونه أحط التمر مباشرة واحركه شوي وتشوفين الطحين يتلزق على التمر وبس .
واحيا أحط مع الطحين ملعقتين أكل حليب بودرة للنكهه فقط أو احيان زبادي . وبالعافية


الساعة الآن 08:57 .