Analysis Services
  • «
  • <
  • 1
  • 2
  • 3
  • 4
  • >
  • »
مشروعك قريب من مشروع بنات اعرفهم بس اهم غير اهم مجموعه من البنات خريجات اقتصاد منزلي المحل حاطينه فقط للبيع المعجنات والدونتسس وغيره واهم اللي يخبزونها بلبيت ويغلفونها

طبعا كل بالشراكه

والله يوفقك ان شاء الله
10-08-1428 هـ, 09:38 مساءً
 
الصرااحة حتى أنا من زماان في بالي مثل هذا المشروع ..

والأخت عطيتك أغلى ما عندي الصراحة كفت ووفت ..
بس أتوقع هذا عنكم في السعودية .. بس احنا عندنا غير !!

مثلاً في منطقتنا .. كم وااحد يفتح كفتيريا .. أو محل معجنات .. أول كم يوم يكون عليه شوية اقبال .. وعقب خلااص .. مو ذاك الزود ..

وبالنسبة للعمال .. اني أروح لمحل وهم بييبون عيال عمهم .. والله احنا مرة قلنا لواحد في محل جداً فطايرهم روعة .. اذا يعرف لنا حد .. شكله خااف .. كأنه خايف حد يفنشه .. ما أدري ليش .. فبطلنا نسأل حد عقبها !!

وأنا عن نفسي فكرتي أقرب إلى فكرة ربع الأخت عذبة ..
وخاصة ان معجنات معروفة .. وما عليها كلام .. ولله الحمد والمنة ..

يعني حاطة في بالي .. أسوي المعجنات في البيت .. أييب كم من عاملة ,اشرف عليهم بنفسي .. ويكون المحل فقط للعرض .. يعني العاملات بيكونن معي في غرفة الشغالة .. لتسهيل تعاملي معهم .. حتى اللي بتتولى البيع في المحل بسكنها معهم .. ( هذي فكرتي وما أدري اذا هي قابلة للتنفيذ قانونياً ولا لأ ؟؟)

بس اللي موقفني شوي .. الأدوات .. وخطوط الانتاج .. يعني أنا لو اعتمدت على فرن البيت وعجانة البيت .. سرعة الانتاج وكثافته بتكون جداً قليلة وبطيئة ..

لكن لو سويت لي غرفة صغيرة في البيت .. مثل معمل صغير بيكون واايد أحلى .. بس هاي المعدات من وين ممكن أجيبها تحديداً .. خاصة عندنا في الامارات ؟؟؟

وعقبها بأجر لي محل فقط للعرض .. وطبعاً باتفق ويا مطبعة لطباعة الفواتير وعلب البارسلات .. وغيره ..


وعذراً أختي jana2006 على تطفلي لموضوعك .. بس حسيته يناقش موضوع يهمني أيضاً .. ومو عارفة كيف أضبطها عدل ..
11-08-1428 هـ, 11:19 صباحاً
 
عذبة جزاك الله خير على مشاركتك لكن مشكلتي اني مااقدر ابدا من المنزل لعدم وجود عمالة كافية وكذا التكلفة اكبر لكن ياليت اسوي مثل صديقاتك يكون افضل
11-08-1428 هـ, 09:30 مساءً
 
عزيزتي MAthعادي خذي راحتك تصدقين عاد انامثلك مره سالت واحد تعرف معلم معجنات بدا يرتبك وجاوب بسرعة مااعرف مااعرف لكن هذا مايمنع انه في عمالة طيبين يجيبون واحد _وفكرتك بعد انا فكرت فيها اني اجيب عاملات واشرف عليهم لكن مافي عاملات كفاية وغير كذا الاستقدام بيزيد الميزانية كبداية عمل بالنسبة للافران اكيد في محلات متخصصة في هذا الشيء عندكم وجزاك الله خيرا على ردك وخذي راحتك
11-08-1428 هـ, 09:38 مساءً
 
اولا افتحي المحل ثانيا سوي فيز يعني استقدمي فيز من مكتب العمل يعطونك 3 او 2 وراح تدفعين على كل واحد ما يقارب 3000 الاف ريال منها زكاة ومنها قيمة التأشيرة اللي للدولة وكذا تخلصتي من العمالة ولكن يبغالك انك تختارين ناس فاهمه وبالنسبة للاشياء الثانية ماقصرت اغلى ما عندي وشكرا
11-08-1428 هـ, 10:37 مساءً
 


الساعة الآن 06:08 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏