اقتباس مشاركة  (*جلنـار*)
وين ساكنه هي .........

اذا انها بحي النفل فما اقول الا الله يسامحك علا الدعايه الكذابه لاني العام الماضي تعاملت معاها اللهم لك الحمد والله حبيبتي ما ابغى اقطع رزقها يمكن الان تتطور اكلها لكن اذا في مستوى اللي انا اخذنه حرام حرام البنات ينخدعون ...
ولا تقولين لي تشابه اسماء لان القائمه نفسها حقت السنه اللي راحت ..
فاتقي الله ولا تخدعين البنات
الله يسامحك
أولاً .. حبيبة قلبي .. والله الذي لا اله إلا هو ما هي ساكنة في حي النفل ولا عمرها سكنت فيه ..

ثانياً .. أنا والله ما كتبت هالموضوع إلا على علم أكيد بشغلها .. ولو عندي شك في نظافتها وحرصها ولذة أكلها ما نزلت موضوع لحسابها ..

ثالثاً .. هذي أول سنة تشتغل فيها بشكل كبير .. وكانت أول مقتصرة على معارفها وجارتها .. هذي معلومة والله أنها صحيحة من خلال معرفتي التامة فيها ..

رابعاً .. جتها مجموعة طلبات من البنات اللي أعطيتهم تلفونها في المنتدى .. وحسب كلامها أنهم يمدحون في شغلها .. وأتمنى عليهم الدخول للموضوع وإبداء آرائهم بكل أمانة ..

خامساً .. أنت افترضتي أن الحرمة هي اللي تقولين عليها في حي النفل .. وبناء على افتراض (يعني مو حقيقة) قمتي تتهميني بالدعاية الكذابة .. هذا وأنت مجرد مفترضة .. أجل لو متأكدة وش كنت بتتهميني فيه (الله يستر) ..

سادساً .. العيب اذا طلع من اهل العيب ماهو عيب يعني كيف تكذبيني وتقولين نفس القائمه وانا متأكده انو مستحيل في احد يبيع خلطات مثل خلطات ام خالد واتحداك تطلعين أي وحده في المنتدى من اللي تبيع اكل مفرزن تبيع خلطات واذا صادقه طلعيلي رابط في المنتدى قديم يبين لي انها نفس القائمه .
وعلى الرغم انه لو افترضنا ان فيه تشابه في بعض الاكلات فهذا امر طبيعي لان اللي بتفرزن وشتبينها تفرزن (مفطح مثلا ).


سابعا وهو المهم .. أبغى أوضح للجميع أنك سيئة نية وان لك أهداف من خلال مشاركتك .. والله يعطيك على قد نيتك (تكفيني هذي الدعوة)
اقتباس مشاركة  (أم طارق ومحمد)
الله يرزقها من واسع فضله ولايحوجها لاحد من خلقه

بس ياقلبي المحتاجة ماتتشرط سعر معين في الطلب !!!

المحتاج يدور الريال باللي هو به ...

محلات كبيرة وسمعتها معروفة لو تطلبين منهم ربع كيلو ماقالوا شي !!!

وجهة نظر ياقلبي ولاتزعلين بس لانك قلتي انها محتاجة مرة ..
انا نزلت الموضوع للي لها رغبه تاخذ منها طلبيه واللي تبي تروح للمحلات الكبيرة وسمعتها معروفة
الله يسهل عليها
رغم اني متأكده ان الجميع يتفقون معي ان اكل البيت ومن حرمه سعوديه ومجرب شغلها انظف والذ الف مره من ايدين العماله اللي في المحلات الكبيره اللي تتكلمين عنها
أما يخص التشرط .. مدري ليش فهميتها كذا ..
هي أكيد تبي تبيع بسعر اللي يناسبها واللي مايبي هو حر ..
وكل اللي تطلبه دعوة صادقة في ظهر الغيب لبنتها ..في مقابل الطلبيه اللي بسعر معقول في ما يبدولي وما قلت انها محتاجه مرررررره والله يغني الجميع
ان شاء الله وصلت المعلومة يا قلبي ..
معقوله كل هذي القرأت وما فيه الا ردود تسم البدن على العموم انا احترم اللي دخلت وما ردت مو اللي تدخل وتقعد تقط خيط وخيط بس تبي تكثر عدد مشاركاتها علشان يخلونها محرره اوشي ثاني
ماادري احس اسعارها غاليه انا اتعامل مع وحده اسعاارها اقل من كذا على العموم الله يرزقها من واسع فضله
الله يوسع رزقها ويشفي لها بنتها ارسلي لي الرقم

ويابنات الله يهديكم وش ها الكلام
الواحد يايقول خير يا يسكت
واللي متبي لا تقعد تنطل حكي

سبحان الله بس

الا يعني تقطعون ارزاق العالم لاحول ولاقو الا بالله
وبعدين يمكن انتي شي مايعجبك يعجب غيرك

استغفر الله بس



"الابتعاد عن الناس فتره يكشف اشخاصاً رائعين واشخاص خابت الآمال بهم"


الساعة الآن 09:43 .