السلام عليكم ورحمة الله وبركاته
كيف احوالكم ياااااخواتي
حبيت اشارك بهالموضوع اللي دايما افكر فيه كل ماعطي هندي او بنغالي او اي عامل محتاج بقية عشانا او غدانا

يااخوااااااااااااااتي اعرف ان فيكم الخير الكثير ويمكن الغافله تفرح في هالتذكره
وهي اننا نكرم النعم ونحاول مانرمي من الطعام اي شيء.......قد مانقدر
لان هذه النعمه فيه المحتاجه ويمكن قريب من بيتك بعد
بقولكم طريقتي في قلة رميي للرز او اي اكل عندي
فيه كم طريقه اتبعه والله يغفر لي في كب اللي غصب عني

-اذا كان عندي عشى كبير او غدانا او عشانا زايد علينا ويغذي رجال على طول حطيته في صحن بلاستيك وقصدرته واقرب طلعه لزوجي اخليه يعطيه اي عامل يمشي في الشارع
-واذا كانت الكميه بسيطه افتح كيس او قدر في الفريزر وكل يوم يبقى شيء ولو بسيط اجمعه في هالكيس
لحد مايتجمع عندي كميه لابأس فيها
بعد كذا يااما انك تسخنينها وتضبطينها وتعطينها العمال ....>>>>>لاتخافون ترى الفريزر تحافض عليه مايخرب او يعفن((والله في حرمه تدق على امي تطلب منها هالمسخن من كم شكل ولون....ياربي لك الحمد على نعمك))
او انك تكبينها في البر للطيور والحيوانات

والطريقه الثالثه
- وهي انا لما نتعشى عند المطعم وبقي من طلبنا وسط او كثير ((المهم يعشي رجال)) نقولهم جمعو اللي بقي من عشانا نبغاه سفري .....واول عامل بلديه او اي عامل مبين عليه الحاجه عطيناه
والله يابنات لما تشوفون فرحتهم في هالاكل تحمدون ربكم اكثر واكثر

ان شاء الله كلنا نتكاتف على تكريم النعم عشان ربي يبارك لنا ومايسخط علينا
اتمنى ان الفكره تحوز على رضاكم واستحسانكم
اختكم
الماسه
12-08-1428 هـ, 07:03 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
جزاكي الله خير..انا طريقتي عمتي الله يحفظها عندها الدجاج أعطيها كل زائد والحمدلله على كل حال
12-08-1428 هـ, 07:56 مساءً
 
الله يجزاك خير ويجعلها في موازين أعمالك هالفكره
الحلوه والله أنك صدقتي أنه فيه ناس بأمس الحاجه لهذا الأكل الله يعفوا عنا الحمدلله الحمدلله الحمدلله على هذه النعمه اللهم أدمها وأحفظها من الزوال
12-08-1428 هـ, 08:27 مساءً
 
ام انفال وعمران

جزاك الله خير على ردك ومشاركتك
وكثير من الناس يستخدمون طريقتك ....بس احيان فيه اشيااء ماتنفع للدجاج مثل اللحوم والعجائن واشياء كثيره
لكن الرز حلو للدجاج

يعطيك العافيه
12-08-1428 هـ, 08:28 مساءً
 
جزاكـ الله كل خير
12-08-1428 هـ, 08:30 مساءً
 


الساعة الآن 02:06 .