على البركه البنوته والحمدلله على سلامتك يارب :)
ننتظرك رضعي بسرعه لاتتأخرين.

عــــــــــــدنا

بنتي رضعت شوي ونامت

:
:
:

المهم
هذا ياطويلات العمر
قبل موعدي بأسبوع رحت الدكتوره لانو ضهري كان يعورني وقلت يمكن ولاده
رحت لها وقالت : وش جايبك؟
قلت لها ضهري يعورني
قالت اطلعي اكشف عليك كشف عادي مو على الجهاز
لان الكشف على الجهاز كثير يضر الجنين في المستقبل
شافت نبض البيبي وقالت طبيعي
وحطت يدها على بطني وقالت معك طلوق خفيفه
البيبي شكلها جالس يتعود على الطلق يعني معك اسبوع على ماتولدين
وكان الرحم مفتوح بس واحد سم او يمكن اقل بعد وغير طري
قالت لي :
الجنين كامل وماعاد باقي شئ اذا بتولدين انصحك بكره الصبح خذي زيت خروع
والضهر تكوني ولاده
قلت لها : حشا تبيني اولد نفسي غصب
متى ماجاء يجي بس مااحوس عمري
طبعا هذي الدكتوره مو دكتورتي بس انا رحت عندها لانها قريبه من بيتنا وانا ضهري كان يعورني وخفت تكون ولاده

المهم
بعد اسبوع بالضبط رجعت دكتورتي ورحت لها
وقلت لها وش صار بغيابها
وكشفت وقالت الرحم عندك مفتوح من ثلاث الى اربع سم والرحم مو طري
الراس ماخذ وضع الولاده خلاص
يبيلك ثلاث اربع ايام


بديت عاد انا استعد
بديت امشي من ساعه الى ساعه ونصيوميا بعد ماكانت نص ساعه
وبديت اشرب شاي قرفه قبل النوم واقرأ الزلزله ومريم والشرح
الاكل صار وجبه وحده استعدادا للولاده
والمغوص بدت معي بالضهر من اسفل
واحيانا امشي ساعتين
المشي ترى مفيد ينزل الراس للحوض

وبعد ثلاث ايام
يوم الخميس الساعه الحادية عشر ضهرا
جلست من النوم على وجع بطني
بس ماكان فيه لادم ولاماء ولاافرازات ابدااااا

قلت خلني اروح لدكتورتي واشوف بس اول شئ افطرت عسل وسويت حليب
دخلت عليها وقالت الرحم خمسه سم وفي توسع مستمر ياتلحقين او ماتلحقين
وطلوقك مره حاميه جدا
ساعه بالكثير بتكوني والده
قلت لها يمكن انتي غلطانه
انا مااحس لابطلوق ولا عندي دم ولا ماء
قالت مستحيل ماتحسين بطلوق ؟
وبعدين المويه هم يفتحونها لك

وفعلا ركبت السياره كانت الساعه 12 ضهرا
توجهت على طول لمستشفى رعاية الرياض
12 وربع كشفت الدكتوره وقالت ولاده بسرعه قريبه
وعلى طول غيرت ملابسي ورحت غرفة الولاده
حتى التخطيط ماامداهم يسوونه
وماامداهم يعطوني حقنة الشرج
حطوا لي مغذي وبديت عاد احس بوجع لكني اقدر اتحمله
كل ماجاني احاول مااصارخ ولا شئ
بس ثلاث طلقات والرابعه ولدت
كانت الساعه وحده الا ربع تقريبا
زوجي راح يوقع اوراق ويحط سيارته في المواقف جاء لقاني والده
وجابوا لي بنتي
كانت اثنين كيلو و900 غرام
وبعدين سوت لي الخياط الدكتوره ومره تأخرت شكل الجرح كان كبير شوي انا حسيت فيه



ولاده سهله لله الحمد
في مستشفى رعاية الرياض
الساعه الواحده ضهرا يوم الخميس 10/8/1428هـ
المولود: بنوته
الدكتوره : شهرزاد <<<<<فضيعه بالخياط تكرب كرب
خخخخخخخ

القرفه: لتطريت الرحم بس بشرط يكون مفتوح
العسل : لتحمية الطلق
المشي: لأنزال الرأس للحوض
الدعاء: لتخفيف الالم بأذن الله


الى اللقاء في الحلقه القادمه
<<<<<<وش ناويه عليه

على فكره انا مانزلت معي دم ابدا الين طلع الراس والله
حتى الدكتوره استغربت
يعني مو شرط الدم ينزل علشان تعرفين انك بتولدين
حتى المويه الدكتوره اللي فتحته ماهو من نفسه

انا ماتعبت بالولاده لكني تعبت بعدها
الخياط مره تعورني اول الايام
وكانت معي مغوص بس شئ عادي علشان الرحم يرجع لمكانه
اليوم خامس يوم لي
والحمدلله كل شئ احسن واخف
بس نفاسي خرابيط
لانها ثالث ولاده واحس اني تعودت عادي يالله لك الحمد

الحمدلله على السلامة....