السلام عليكم ورحمة الله وبركاته

كل عام وانتم بخير وصحه وسلامه

حبيت اعرف طريقه اتقان عمل الشوربه (شوفان) تخليها طعمه وحلوه ومو خفيفه ولا ثقيله
تكفون يا بنات
14-08-1428 هـ, 02:48 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
أفضل طريقة على الإطلاق جربتها وهي كالتالي

تقطعين بصلة وحدة وسط وتحطين اللحم بعظم أو دجاج منزوع عنه الجلد وتخلطين مقدارأربع ملاعق كبيرة من الشوفان بكاسين موية باردة وتكبينهم على اللحم وتولعين عليهم النار و لما يبدأوا بالغليان ثم تضيفي عليهم مقدار ثلاث كاسات تقريبا ماء مغلي ثم تقصري عليهم النار وتخليهم على نار هادئة مدة ساعة ونص إذا تطبخين لحم وساعة إذا دجاج وممكن تستخدمين قدر الضغط تطلع خطيييييييييييييرة وإذا بغيتها حمرا حطي عليها شوي صلصصة وإذا ثقيلة زيدي عليها شوي ماء مغلي أو حبيتي تثقلينها زيدي عليها شوي شوفان قبل ماتستوي ........

إن شاء الله فهمتيني وترى المقادير اللي عطيتك إياها أقيسهم بالنظر .
14-08-1428 هـ, 04:21 مساءً
 
طريقتي في الشوربة
احط مقدار الماء على الكمية اللي أبغاها وأحطه على النار ثم احط الدجاج المقطع قطع صغيرة والملح والفلفل الأسود والليمون الأسود الحب وهذا أهم شي في الشوربة وشوي بهارات وأجيب الصفاية الصغيرة اللي تكون تتسكر وأحط فيها حبة بصل صغيرة وبهارات حب مشكلة مثل الفلفل والكركم والكزبرة وأحطها في الشوربة وأحط صلصة طماطم واتركها حتى ينضج الدجاج ثم أحط تقريبا خمس ملاعق شوفان مع التحريك وأخليها خمس دقايق ثم أحط مغلف شوربة دجاج بالشعيرية من ماجي المغلف الصغير بس أهم شي لا تكثرين الملح لن شوربة ماجي مالحة مع التحريك وأخليها ربع ساعة ثم أرفعها من على النار وبصراحة الطريقة هذي لذيذة وخفيفة واذا حسيتي انها ثقلت زيديها ماء وحركيها
14-08-1428 هـ, 06:26 مساءً
 
حبيبتي الشوربه لها ستين ألف طريقه ..

بامكانج تضيفين على كيفج أشياء من عندج وتتفنينين على هواج ...

الشوفان عادي تضيفينه على ماي حار أو ماي بارد المهم تحركينه على طول من تضيفينه وخلاص ..

المهم بقولج طريقه شوربه سريعه ولذيذه ..

حمري بصل لو حبيتي ولو ما تبين مب لازم ..
وعقب صبي على البصل ماي بالمقدار اللي تبينه يعني كوبين أو ثلاث .. بكيفج ..
و حطي مكعب ماجي .. أو ظرف ( كيس) ماجي أي نوع و خليهم يطبخون على النار واضيفي شوفان ملعقتين كبار تقريبا .. واخلطيه عدل وخليه ينطبخ عدل تقريبا بتاخذ منج الشوربه ربع ساعه وبتكون جاااااهزه ..

وتراها صج لذيذه وسريعه ...

وعاد انتي بامكانج تضيفين بهارات مثل الكاري و الكمون المطحون أو أي شي تحبينه ..
وممكن تحطين اشوي صلصه لو تبين ..
وممكن تبشرين جزر و بطاطا وتضيفينهم للشوربه بتطلع رووووعه ..

وممكن تخلينها مثل ما قلت لج في البدايه وتضيفين ذره بس أو فطر مقطع أو خضروات مشكله أو معكرونه حباتها صغيره ...

يعني بامكانج تتفننين على كيفج بالشوربه ..

وان شاء الله تكوني استفدتي شي من كلامي ..

وعلى فكره الشوفان بامكانج تحطينه بأي شوربا تطبخينها .. يعطي لذه للشوربه .. وكل ما حسيتيها خفيفه ضيفي اشوي شوفان واخلطي واصبري اشوي لأنه يغلط عقب خمس دقايق تقريبا ...

وبالعافيـــــــــــه ..
14-08-1428 هـ, 07:31 مساءً
 
شوفي ياطويله العمر
انا اسويها بهالطريقه وتكون احلى باللحم
اولا تغسلين اللحم تمام وتحطينه فوق النار في ماء مغلي وتحطين معاه كميه الشوربه (الشوفان) اللي تبينها
وتخلينها على النار تستوي لازم تنتبهين لها لان اللحم ممكن انه يكون لسه مانضج ولازم تضيفين ماء كل ما نقص الماي
الي ان ينضج اللحم والشوفان
انا طبعا اخليه يستوي حيل لين ما احس ان اللحم قاعد يذوب ويتفتت لقطع صغيره
وديري بالج لا تحطيم ملح معا ابد ترى ماينضج لج اللحم بسرعه
على جنب قطعي بصل وطماطم حبوب وحده صغيرونه
وحطي البصل عاى النار ثم الطماطم ومكعب ماجي والبهارات اللي عندج وفلفل اسود حبوب ثوم لين ماينضج حطيه على الجدر اللي فيه اللحم والشوربه وطبها يكونو خلاص ناضجين وحركيهم وحطي ملحج واللون راح يطلع شوي محمر بس اذا تبينه احمر حطي شويه صلصه مو وايد وعليج بالف عافيه
وسلامتج
14-08-1428 هـ, 07:33 مساءً
 


الساعة الآن 05:39 .