السلام عليكم
لما اشوف برنامج طبخ الاحظ لما يحطون شي في الفرن مثلا كيك او فطاير اشوف يطلعونه من الجزء الاوسط من الفرن بينما انا لما اعمل فطاير او كيك احطه اول شي تحت ليين يستوي وبعدين اشغل الي فوق عشان يتحمر سؤالي شنو الطريقه الصحيحه لعمل الكيك او الفطاير ؟؟من الافضل وضعه في النص وبدرجه حراره مرتفعه ؟ او مثل الطريقه الي اسويها ؟؟والله يعطيكم العافيه
انا في الفطاير لازم احطها في نصف الفرن على نار متوسطه مو عاليه لأن لوحطيتها تحت راح تتحمر وهي مانضجت وممكن تحترق فأرفعيها عن النار شوي وبعد ماتتحمر من تحت أحطها على فوق تتحمر اما الأشياء اللي أحطها اسفل الفرن الصواني والدجاج لأنها تحتاج وقت لكن الفطاير ما تاخذ وقت والكيك نفس الفطاير ما ينفع في أسفل الفرن ابدا لازم يكون بعيد عن النار عشان لو كان قريب من النار راح تنضج اطراف الصينية ووسط الكيكه ما نضج وممكن تحترق الكيكه وهي ما نضجت من جوا وهذي طريقتي أتمنى اني أكون افدتك
الف شكر لك والله يعطيك العافيه
يعني اذا حطيتها في النص ممكن تستوي وتتحمر من تحت شوي ؟؟
أيوه تستوي وتتحمر من تحت تمام وانتي جربي وشوفي
***** الله رح اجرب والف شكر لك والله يعطيك العافيه


الساعة الآن 08:20 .