السلام عليكم ورحمة الله وبركاته
صبحكم الله بالخير الي عندهم صباح..ومساكم الله بالخير للي عندهم ليل
معظم العوائل يااخواتي يعاني من مشكله المواصلات
بالذات الان في فترة الصيف الطلعات تكثر وكلن يرتبط في مكان والي ماعندهم سواق زي حالتي يبتلشون
فانا الحين ابي اسالكم واتمنى اني القى وحده عندها معرفه او لمحه او اي شي(ماعاد اجمع)
ابي سواق معاه سيارته في الصيف كامل لاني ابيه يوديني مشاوير معينه يعني زي اشتراك في نادي او معهد يبيله مشاوير
انا اشوف صديقاتي يجون للجامعه بسواق معه سيارته يحاسبونه في الشهر على ذا المشوار
فانا ابي زي كذا
ابيه يوديني المشاوير المعينه ولا ينام عندنا في البيت ولا يجي الا بس عشان المشوار
فياريت اذا وحده تعرف تقولي او ترسلي على الخاص
طبعا حبذا لو يكون شخص كبير ومعه محرم واذا مافيه انا اتدبر المحرم مو مشكله بس اهم شي سواق
كمان ياحبذا تكون سيارته مرتبه مو جديده بس ماتكو نقديمه تطفى علينا ولا مافيها مكيف
(اهم شي المكيف)
طولت عليكن وقعدت اتشرط بعد بس وش اسوي للضروره احكام
انتظر ردودكم خواتي
وبالنسبه للموضوع يامشرفاتنا العزيزات اذا كان غير مناسب فارجو حذفه واذا كان مو في مكانه فارجو تغييره ولكم مني جزيل الشكر

يارب
ارنا قوتك في امريكا واسرائيل
يارب
زلزل الارض من تحتهم واقلبها عليهم
يارب
انت الملجأ والمنجى لنا منهم
يارب
انتقم لنا منهم
يارب
ارنا عجائب قدرتك فيهم
لا الـــــــــــــ ـــــــــــــــ ـــــــــــــــ ـــــــــــه الا انت اني سبحانك اني كنت من الظالمين
اووووه معليش
نسيت اقول ابيه في الرياض
اسفه على الخربطه
فيه محل ... حق تاجير سيارات كان حاط اعلان زي كذا

ابشوفلك اسمه واردلك خبر
مشكووره اختي مدري وش صار
ياليت تحصلينه ****لله

بنات وينكم عني
:24: :24:
شوفى عزيزتى عندى ارقام محل ورح ارسلهم لك على الخاص انا محتفظه فيهم على شان ماكان عندى سواق
ورح ارسلهم لك على الخاص ***** الله تستفيدين منهم تحياتى


الساعة الآن 07:32 .