الحقيقه كتير بس هاحاول افتكر اد ما اقدر
بالنسبه للمشروبات بالاضافه لما ذكرته الاخت زئرده في ايضا مشروب محبب وهو السوبيا
واكيد الخشاف رئيسي
بالنسبه للاطباق الرئيسيه البط الحمام والسمان المحشي ارز او فريك او بصل
كستليته وهي اضلاع بانيه
الطواجن المختلفه من باميه باللحم الضان الى الارز المعمر والتورلي وطواجن الخرشوف باللحم
صينية الحم بالبطاطس والرقاق باللحم المفروم وصواني الدجاج بالخضروات وبانيه الدجاج
ايضا الفته رغم انها خاصه شويه بعيد الاضحى بس موجوده على سفرة رمضان
الكوسه والارز بالبشاميل والارز بالخلطه الجلاش بالكبد والقوانص وايضا ممكن باللحم المفروم
كباب الحله من الاطباق المصريه المحببه
كفتة اللحم بالارز محمره وبالصلصه
الاسماك والجمبري صوانيو مشوي وحمره وكفته
بالنسبه للسلطات كتيييييييييير خضراء وسلطة بطاطس وطحينه وبابا غنوج والزبادي وكتير مش فاكراهم دلوقتي
الحلويات ايضا كتير جدا ما اكثرها زلابيه وكنافه وجلاش وبلح الشام ولقمة القاضي وعزيزيه وروانه ورواني وكتير كتير
ده الي انا فاكراهم دلوقتي
كل عام و انتم بخير
وربنا يبلغنا رمضان يارب
الاخت zeireda قالت كل حاجة جزاها الله خير ممكن اضيف الرقاق و الكشك و الحمام المحشى
والمشروبات فى كمان الدوم و الخروب
وعلى فكرة فى حاجات كتير مش مصرى 100%
يعنى الكشك يمكن يكون شويه تركى يعنى مش متاكدة
انتوا اطلبوا واحنا نوصف لكم على طول
السلام عليكم
كل عام وانتم بخير وان شاء الله اختى الغاليه على قلبى سمورة تساعدنا
حبيبتى موضوعك جنان عجبنى جدااااااااااااااااااااااااا

انا احب فى رمضان مشروب قمر الدين ***** وعصير المانجو***** وعصير الجوافه****

والخشاف ده شىء اساسى على السفره فى رمضان

اما لوجبة الافطار فنلاقى اللحمه و الفراخ المشويه والبط المحمر والحمام والكفته ده بالنسبه

للحوم وطبعا مش كله فى يوم واحد كل يوم صنف علشان يكون فى تغيير كل يوم وده غير

الاسماء بانواعها المشوى والمقلى والصوانى اللى بتاخد العقل

وطبعا ما ننساش المحشى بجميع انواعه و الرز والمكرونه وصينية البطاطس

والسلطات والبدنجان والمخلل والطحينه دى اهم حاجه

وبعد الفطار لازم الحلويات وهما كتيررررررررررررر منها الكنافه والقطايف والجلاش وبلح

الشام والبقلاوه والبسبوسه والهريسه وبالهنا والشفا
كل سنه وانتن بالف خير
الاكلات المصريه كتير ومنوعه المشروبات معرفهه وذكرتها الاخوات وايضا الاكلات
وهناك من الاكل روستو الديك الرومي وكفتة الارز بالدمعه والارز بالخلطه ومن الحلويات الكنافه بالقشطه والقطايف وعيش السرايا والبقلاوه
ولا ننسى مهلبية قمر الدين دي بس في رمضان
اللهم بلغنا رمضان واعنا على طاعتك وشكرك وحسن عبادتك


الساعة الآن 08:13 .