والله مثل ما تقولين hoyahoo
كل سنه أقول بس هذه السنه أبدأ افرزن لكن اللي عندي يقول طيب يجي شهر رجب وناخذ الأغراض اللي تبغي تفرزنيها
ولا جاء راتب شهر رجب يطلعلي مية دين ودين
لكن هذه السنه مخططة أنا وأختي أنه ابوي يجيب الأغراض وأنا أفرزن لهم
ليه ؟؟
لأني ساكنة فوق بيت أهلي والفطور أغلبه عندهم والسمبوسة كل يوم الف عجين بيتي مفرومة وجبنة وخضار وكل يوم 100 حبة وما فوق ومن قبل صلاة العصر وأنا ألف إلى قبل المغرب بنص ساعة ووقتي يروح على اللف ولا حد يساعدني لأنه كل من يسوي شي عند أهلي طبعا غير الكسولات ( أهل المدارس والجامعة )
وزوجي يقول ليه تفرزني وانتي عليك لف السمبوسة
طيب الوحدة ما تسوي حلا ما تسوي صينية غير عن طبخ بيت أهلها
والله بعض الأحيان أضطر أني أسوي الحلا البارد أو الباشميل أو الفكته وكذا من الليل قبل السحور علشان وقت لف السموسة
ويروح وقتي وأنا أفكر وأسوي واخطط لبكرة ومتى أقرا القران يا قبل أو بعد الفجر
رغم أني أنقهر لمن يقولون ختمنا وأنا بعدني ليه ما وراهم التعب اللي أنا أتعبه
وامي الله يخليها لي تحب السمبوسة المثلثة بالعجين البيتي وتكره سويتز ولا تاكل حقت السوق علشان كذا أبدا أسوي لأمي المثلثة وبعدين العادية اللي بالقصاصة حقت السمبوسة
والله يعين
أنا ناوية أفرزن سمبوسة لوقت الأزمات مثل إذا جاؤا ضيوف فجأة وهذه تصير دايما ببيت أهلي
وأفرزن أيه كمان والله ماني عارفه
ماكني طولت بهذرتي
لي عودة
في حفظ الرحمن


الساعة الآن 04:13 .