السلام عليكم و رحمة الله و بركاته ..
اول شئ كل عام و انتو بخير .. الله يبلغنا و اياكم شهر رمضان .. و و يبلغنا و يعيننا على صيامه و قيامه ..


بنات بدخل على الموضوع بدون لف ولا دوران ..

انا و بكل اسف بنت ماتعرف المطبخ و هي في بيت اهلها الا لو كانت عندهم عزيمه نطت سوت لها طبق حلى .. و مرات اسوي اكله عالطاير بس لشغالات ربي يحفظهم هي الي يقطعون لي و ينظفون لي كل شئ .. يعني بإختصار .. اطبخ تحت اشرافهم طال عمرهم ..
الموهيييييييييم .. انه و عدت الايام و جاكي عريس الغفله يا شوشتنا المنكوشه .. وهات ياسوق و يا تجهيز و نسيت المطبخ .. او بالاصح تجاهلته .. و هالحين انا حدثتكم من وسط نكبه المطبخ و حوسته ..
ياني حايسه حوستن ماهيب طبيعيه بتاتا البته .. صح اني شطوره بسم الله علي و اطبخ و الحمد لله اكلي لزيز بس تواجهني مشكلتن عصيبه تعرفون وش هي؟؟؟؟؟؟؟؟؟

حزروا فزروا << فاهمه غلط تحسب رمضان بدأ ..

الموهيم .. نكبتي في المطبخ هي خربان
لا لا مو مطبخي خربان .. اقصد كلمه خربان ..
كل شئ عندي خربان
عندي وسواس .. بس فعلا يا جماعه المساله ماهيب بس مساله خربان او لا .. المساله اني ماعرف افرق بين الخربان و الصاحي .. و كمان مافهم كثير في امور التخزين ياني حايستن حوسه ..
كل يوم متصله على خالتي و على ماما ربي يحفظهم لنا يارب

يافشلتي قدامهم ..

الموهيم ياجماعه تكفون ساعدوني و ساعدوا كل وحده زيي متزوجه جديده و حايسه بمطبخها اللطيف العجيب ..


نبي هالصفحه تكون ملف لكل الجديدات في الم الطبخ و المطبخ .. ماراح اقول للبنات لانه انا عارفه و متاكده انه ما يلتفتون لهالقسم الا لما يطيح الفاس بالراس ..


المهم ياحريم ربي يسعدكم مع ازواجكم .. نبي خبرتكم

نبي كل وحده حلة و اموره تعطينا خبرتها و لو بمعلومه بسيطه راح تفيدنا باذن الله ..
يعني مثلا طريقه تخزين الخضار .. و اللحوم .. طيب و بعدين كيف نغسلهم .. طيب و كيف اعرف الخربان من الصاحي .. و ايش الي ممكن يخرب لو ماتعاملت معه بطريقه معينه .. و ايش لي عادي ؟

لانو و بصراحه اكتر .. الي خلاني اكتب هالموضوع موقف صارلي اليوم .. فتجرات و كتبت هنيا اطلب افكاركم و معلوماتكم ..
اليوم يا طويلات العمر طلعت لحم مفروم من الفريزر فرحانه بسوي داود باشا لبعلي العزيز لانه يحبه .. الموهي و جات سوبر زوجه و دخلت المطبخ و طلعت اللحم من الفريزر و حطته في الصاله على الاساس يذوب و خليته قرابت الساعتن و النص تقريبا وبعدين جيت اباشر الطبخ و طلعت مصفى كبير و قسمت اللحم الي عندي حطيت نصه في المصفى و رجعت الباقي الفريزر ..
المهم صبيت مويه على الي في المصفى و شويه الاقي في اجزاء بسيطه سواد .. من بعيد كانه احد راش عليه فلفل اسود .. المهم اني طنشت بس لمن يت مسكت قطعه مثلجه بيدي و جلست اغسلها علشان يفك منها الثلج و اكسرها بيدي لاحظت منطقه منه قيها سواد .. ياربيييييييييي وش السوات؟؟
بصراحه سالت خالتي ام زوجي و خالتي اخت الماما و مامتي ربي يحفظها لي و بنت عمي و اختي .. و كلهم ماعرفوا بالضبط وش هالسواد بس قالولي اغسليه و شيلي المناطق السوده و خاص .. وحده فيهم قالتلي ان اللحم مافيه ريحه معناتو سليم .. قمت تهورت و شميته .. ياويلييييييييييي ليتني ماتهورت لانه لانه ..... طووووط مشفر مابي الوع جبدكم .... المهم يوم استعنت بصديق اقصد بزوجي العزيز قالي هذي ريحت اللحم الطبيعيه .. بس انا نفسي لاعت و ماعرفت لني اساسا ماحب اللحم بتاتا البته ..

المهم مابي اطول بالسالفه << مو انتي طولتي و خلصتي ..
ابغى منكم رد وش هالسواد الي باللحمه مع العلم ان اللحمه ماخذتها ن كارفور .. لحم بقري اختاره قدامي و غسله وفرمه .......




و الله يسعد و يوفق الجميع .... و دعواتكم لي بلييييييييز






(( سبحان الله و بحمده سبحان الله العظيم ))
الله يعينك ياام شوشه
بس فتره وتعدي ****لله وتصيرين احسن طباخه

ياحبيبتي اللحم المفروم ماله داعي ينغسل اول مره اعرف ان فيه احد يغسله
والشي الثاني اي حاجه تذوبينها من الفريزر غلط ترجعين تجمدينها حتى لو زبده كيف عاد اللحم
اكيد بيفسد ويتعفن بعد......انتبهي ترى يمكن يتسمم من جد

الله يوفقك حبوبه
عادي يا حبيبتي ممكن تكون مثلجه ومع الغسيل يروح الون
ما نبي توقيع ؟؟؟؟
الله يعينك
وماعليك رجال دحييييين تغيروا
بالعكس يدلعك واحذفي كم يوم بالمطعم
واهم شي رتبي وقتك
اعملي الكشنه وثلجيها تريحك كثير
وثلجي السنبوسه
واهم شي لاتكثرين علشان ماتحاسين
من كل صنف طبق
ممكن يكون اللون عادي وممكن تكون خربانة لازم احد يشوفها
وانت مع الوقت رح تتعلمين,,, وعجبتيني يوم غسلتيها الله يوفقك

اما بخصوص ترجيعك لباقي اللحمة الفريزر رغم مرور ساعتين ونص على
ذوبانها فهذا خطأ فادح مرة ولا تعيدينه ابدا مايصلح اللحم الي يتذوب يرجع
الثلاجة سويه من وقته ولا لاتذوبي هالكمية ,, تعرفي احسن طريقة اول
ماتجيبي اللحم وهو لسى طازج قسميها باكياس صغيرة على الكمية الي تحتاجيها
عشان كل مرة تذوبي الكيس كامل وتستخدميه كله مو ترجعي نصه للفريزر
والمهمة صعبة الله يعينا جميعاً





الساعة الآن 07:41 .