معليش الى اهل الخبره عندي عزيمة رجال 3رمضان
تقريبا 20رجل
ابغىطريقه رائعه وتبيض وجه ابوالشباب
من بداية كيفية تقديم التمر يمكن فيه طرق مبتكره غير المعتاد
حتى اخر شي وطريقة السفره والاكلات
يعني لو انتو مكاني ايش تسوي
انا ابغى استعد مع اني حايسه من الان
وجزاكم الله خيرا
اقتراحاتكم لا تبخلو علينا
24-08-1428 هـ, 04:22 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم
يا اختي نصيحتي أبدي فرزني من الأن لفي سمبوسه بحشوات مختلفه وبف ولفي سبرنج رول وأصابع الجبنه ودخليها الفريزر وممكن تسوين سينابون ودونات وجبنيه وتدخلينها الفريزر وممكن تسوين كبه أو كفته وعلى الفريزر أي شي ينفع يتفرزن سويه الأيام هذي ودخليه الفريزر وقبل العزيمه بيوم جهزي الحلويات مثل ثلاث صياني حلى وسوي التمر اللي بالأعواد ويكون فوقه نستله وكيري وسوي كريمه وجلي وكسترد أو مهلبيه أو حلى الكاسات كلها قبل بيوم واذا بتسوين منتو كذاب ممكن تلفينه وتدخلينه الثلاجه ويوم العزيمه تصبين عليه الحليب والجبنه وتدخلينه الفرن وجهزي السفره من الليل اليوم الأول وحطي عليها الصحون والكاسات والملاعق والتمر العادي حطيه في صحون وغلفيها وعلى السفره ورتبي بيتك تمام بحيث انك يوم العزيمه تصحين بدري وعلى المطبخ وتبدين في المعجنات اذا كنتي ما سويتيها قبل وفرزنتيها وبعدين سوي صياني كبيره من المطبق وصينية التوست ومكرونه بشاميل والمنتو وحاولي تسوين أشياء سريعه مثل الفطاير اللي بالتوست والبيتزا اللي بالصامولي وأكواب الصامولي وبتزا الأله بالتوست واذا بتحطين سلطات جهزيها بدري بحيث انك وقت التقديم تحطين الخلطه عليها وبس واذا بتسوين صينية خضار قطعي الخضار قبل بيوم وحطيه بكيس في الثلاجه ويوم العزيمه بس أطبخيه وجهزي الشوربه وممكن تسوين نوعين وخلصي منها بدري علشان وقت العصر يبقى لك القلي والقهوه وصف السفره والعصير سويه قبل بيوم والعصر أقلي اللقيمات والدونات والجبنيه والقطايف الأنواع اللي تحبينها وممكن لقيمات محشيه وممكن سمبوسه صغار أو أصابع وممكن تسوين كنافه أو كنافه كذابه أو بسبوسه واذا نوعتي كثير لاتكثرين الكميات كل نوع حطي قليل علشان ما يجلس الأكل حرام وأي استفسار انا حاضره ولو تبين أساعدك جيت وان شاء الله أكون أفدتك
24-08-1428 هـ, 05:26 صباحاً
 
شوفي يالغاليه فيه طريقه مره حلوه لتقديم التمر بطريقه مبتكره جيبي أناناس وأقطعيها من الأسفل يعني خلي لها قاعده بحيث أنها تثبت إذا وقفتيها وجيبي أعواد أسنان واغرسيها في كل ناحيه في الأناناس وبعدين جيبي التمر الرطب وتكونين نظفتيه وتغرسينه في كل عود من الأعواد يطلع شكلها يجنن ويجمل السفره ممكن تحطين ثنتين بما أن عددهم كبير وراح يكون شكل السفره مغري . وممكن تنوعين سلطات مع العشاء وتجملينها والباقي ما قصرت أختي حجابي عفافي كفت ووفت الله يعطيها العافيه . ترانا نحب نفزع أعزمينا علشان نجي نساعدك هههههههههههههه
24-08-1428 هـ, 05:50 صباحاً
 
يووه الله يعيينك
24-08-1428 هـ, 05:53 صباحاً
 
فرزني الاشياء الي تقلى والفطائر والباقي قبل العزيمه بيوم الحلا صلحيه في الليل وكثري استغفار وبيسهلها ربي
تحياتي
24-08-1428 هـ, 06:15 صباحاً
 


الساعة الآن 03:47 .