كل وحده تسال وش اعطي المولود والى ماتعرف وش تعطيه و الى تخاف تعطيه شي
هذا الى اسويه ويسونه كل الى حولي
ابكتب كل رضعه وفوايدها وانت اذا اعجبك سوي
طبعا كلنا نعرف ان الرضاعه الطبيعيه اهم وافيد شي وما يختلف عليها احد لكن هذي رضعات خارجية اضافيه لها فوائد وهي :
1-
المريسه: وهي عباره عن عصير التمر يقوي الطفل و يساعد على تليين البطن ومنع الامساك وتكون الظهر وقت الغداء شان يطول بالنومه
2-
شاي الاعشاب :وهو عباره عن مجموعه من الاعشاب ويساعد على تهدئة الطفل وطرد الغازات وتكون بالرضاعه الصغيره
3-
الماء العذب :معروف يذهب الضماء ويسد حاجة الطفل كلما عطش اوحسيتي انه عطشان وبعد الرضعات عشان تغسل فمه
4-
الحليب الصناعي :مهم عشان يتعود على طعمه وتفيد هذى الخطوه عند الفطام وتكون باليل لانه ثقيل ويطول الطفل ما يجوع
نجي للطريقة
طريقة المريسه :نغلي كوب ماء ثم نفصص 6 تمرات ونخليه ينقع مدة ساعه بعدين نخلطه بالخلاط ونحطه بالثلاجه ملاحظه : نبداء بالتدريج تمرتين على كوب ماء ثم نثقله بعد اسبوعين بزياده تمرتين وبعد اسبوعين تمرتين
اول شهر تكفي 3 او 4 ايام بعد الشهر تكفي يومين أي رضعتين
واذا حسيتيه ثقيل خففيه
طريقة شاي الاعشاب :خلطة الاعشاب حسب الرغبه خلطتي هي :
حلب - محلب – كمون - يانسون - شمر
مقادير متساويه
كلها مهدئه وطارده للغازات
اما الحلب مقوي للعظام
نغلي كوب ماء ونضيف له ملعقه من الاعشاب + ملعقه سكر نبات صغيرة
ملاحظة : تقدرين تخففين المريسه فيه بس لاتحطين السكر
وتسوين الحليب منه
اتمنى يعجبكم الموضوع وتستفيدون منه
صورت وحاولت ادخلها بس فشلت