السلام عليكم ..

أخواتي راح ادخل بالموضوع على طول أتمنى من الاخوات اللي عندهم خلفيه عن طريقة عمل البهارات المشكله المخلوطه اللي تنحط على الشوربه او على الكبسه يفيدوني فيها .. من ناحية ماهي وطريقة غسلها وتنشيفها ..؟؟ لاني نفسي أعمل بهارات خاصه بمطبخي ويكون طعمها مميز كثير سألت عالم واللي تقول ينشفون ويغسلون ويحمسون ويجمعون مدري وشوو وبعدين تنطحن مع بعض ,, ولا فهمت شــي ..؟؟

كـــل عام ,وانتم بخير


الدلوعه
,,وانا بعد ودي اعرف وشلون,,,
اولا السلام عليكم و رحمة الله و بركاته

تانيا احب اهني كل بنات حواء واخواتي المسلمات بحلول شهر الغفران اعاده الله علينا يا رب و رحمنا فيه برحمته و اعاننا على صيامه قيامه وقراءة قرانه وطاعته و خاصة اني كنت مسافرة و غايبة عن المنتدى الحبيب لفترة و دوبني جيت ف اقول سسسسسسسسسسلام للجميع.

وهلا حبيبتي انا بسراحة خايبة ف الطبيخ يعني مو كتير خايبة امكن عقدتي ف المعجنات والحلويات لانها تعتمد ع الطحين وانا اعاني من حساسية شديدة من الطحين الله لا يبتليكم
و جالسة اقلب فقسم المطبخ اجمع شي لرمضان<<< زهقت من نفسها طول عمرها مثقفة خخخخخخخخ و بالنظارة و قررت تحسن علاقتها بالمحمر و المشمر و تسير ربة مطبخ

ع العموم انا شاطرة ف الصالونات و الادامات والكبسات خخخخخخخخ يعني باعشق المتبلات والبهارات و خاصة اعز الفلفل و الشطة لدرجة اسوي خلطات خاصة فيا بالنسبة للفلفل ههههه

1-فيه انواع من البهارات اشتريها من المهباج جنان اسمها بهارات الكبسة تجيك مشكلة و مخلوطة من عدة انواع هيا معروفة بس قولي لو ابغا بهارات الكبسة المشكلة خديها سليمة مو مطحونة واطحنيها ف البيت .
2- شي تاني انا باضيفو ف طبخاتي عالبهارات السابقة و هو بهارات تجيك جاهزة في علبة مربعة مكتوب عليها اسمها البهارات السبعة تديكي نكهة رووووعة .
3-و كمان بهارات الكبسة من نفس الشكل ف علبة مربعة مكتوب عليها ابازير الكبسة.
وهدي الماركة تجيك منها انواع للبيتزا و للسمك و للروبيان الخ انا اخد منها للسمك و الروبيان والبيتزا و الكبسة بس مع الكبسات والايدامات باضيفها مع البهارت الاولى الي قلت لك عنها المخلوطة من المهباج .
4-اخيرا البهار الطايفي على اي طبق و خاصة الادامات والشوربات يديك نكهة جناااااااااااان كمان تلاقيه من المهباج.

و بسراحة انا ما اقولك اني طباخة درجة اولى بس عن تجربتي المتواضعة مقارنة بشيفات حواء اللهم بارك و حبيت اقلك كيف كنت خايبة ف الطبخ بس تحسنت ف مجال البهارات و انا اول كنت اسوي زي طريقة امي (ترا امي ست بيت درجة اولى و طبخها لا يعلى عليه ) اشتري انواع سليمة منفصلة زي: كمون, فلفل ابيض ,كزبرة ,فلفل اسود الخ الخ و اطحنها و اجمع بعضها و الخ الخ الخ بس وجع راس واحيانا تخلص لازم تروحي تجمعي نفس الانواع بس لاني ما كان عندي بديل و كنت كل ما جربت نوع من الجاهزة يكون مالها نكهة و طعمها موش تمام و احس ان نكهتها رايحة من التخزين <<< كانت موسوسة من الاشياء الجاهزة و المعلبة بس خربها عالم حواء ناوية تفرزن كل شي مع رمضان ههههههه. المهم .... لحد ما ذاق زوجي طبخ اختي و وجع لي راسي يبغى زي طبخها و سالتها عن بهاراتها فقالت لي عن هدي النوعيات و لما جربتها لقيتها عن جد مميزة و لذيذة و تضيف نكهة للاكل. طبعا اختي حسب الطبخة ما تنسي ورق الغار واعواد القرنفل والقرفة والهيل ... الخ الخ و احسن شي تصفيها من طبخاتك او تحطيها ف العلبة الخاصة بغلي البهارت اثناء الطبخ انا عن نفسي عادي ما يسبب لي شكلها مشكلة ف الاكل الا اذا كان في ضيوف بس عند اهلي لازم نصفيها من الاكل او نحطها ف العلبة عشان تبان نكهتها بدون ما تطلع ف الاكل.

اتمنى ما طولت عليك و اكون افدتك و دعواتكم كلكم بالقبول ف رمضان و العون والتيسير لي في اختبارالقبول لتحضير رسالة الدكتوراة ان شاء الله .

و موفقين جميعا ع الخير يا رب
الحمد لله ولدت بالسلامة بت زي الامر يخواتشي


من ذا يعاتب هـاشميـّة في الهوى؟ حب الرسـول تجلّة و مدام
مشكووورة شريفة عزوتي هاشمية... على طرح تجربتك ..
لا ماشاء الله عليك شكلك طباخة .. مو بس منتي خايبة ..
جزاك الله خير

نريــــد المزيـــ ـــ ـــ ـــ ـــ ـــ ـــ ـــ ـــ ـــد من تجاربكم مع البهاااااراااات
الله يعطيكم العافيه أخواتي على المرور والاهتمام ..
أختي شريفه طريقتك تفوح منها رائحة البهارات اللذيذه ..

لكن انا نفسي أعرف شلون يسووينها لاني سمعت في ناس تحمس حتى قشر البصل والثوم

مش متاكدة من صحة الكلام دا لكن نفسي أسوي خلطه خاصه في مطبخي وتكون ريحتها تمام

الدلوعه


الساعة الآن 01:01 .