طبخة حلوة وغنية وتبيض الوجه .... بس علشان تنجح الطبخة لازم رز فاخر مثل الوزان او ابو كاس

المقادير :

المقادير تكفي 5 اشخاص

دجاج - راس زهرة - 2 بطاط كبير - 3 حبات جزر - بصلتين- حبة ماجي - عصفر - رز فاخر

الطريقه :
امشي معاي بنفس الخطوات علشان توفرين وقت .

1- نقعي الرز بالماي بس كل شوي كسري رزه اذا انكسرت بسرعه على طول غسلي الرز أكثر من مره علشان توخرين النشلا منه .. لانه النشا يخلي الرز معجن وصفي الماي منه.

2- قطعي الدجاجة الى قطع وحطيها بالقدر وافتحي النار , حطي استكانة شاي ماي وحطي عليه فلفل اسود مع ملح وكل شوي حركي حركي .. بعدها بشوي بعد مايصير الدجاج ذهبي حطي ماي مغلي يوصل فوق الدجاج وخلي يطبخ لا تنسين اتحطين حبة الماجي ..

3- جيي مقلاة مرتفعه وحطي فيها زيت عزير وافتحي عليها النار .
4- جيبي الزهرة وقطعيها حبات كبيرة .. واذا كانت كبيرة حيل قطعيها بالنص .. لا اتخلينها صغيرة لانه راح تذوب ..
5- غسليها واقليها على طول .
6- بهالوقت قطعي حلقات البطاط سميكة شوي وغسليه , شيلي الزهرة المتحمرة وحطيها بصحن وحطي البطاط بالمقلاة .
7- بهالوقت قطعي الجزر حلقات والبصل جوانح .
8- طلعي البطاط المتحمر شوي لا اتخلينه يصير برتقالي بس شوي حمريه وححطيه بصحن.
9- حطي الجزر بالمقلاة وحركيه بسرعه خليها بس دقيقه وشيلية بصحن .
10 - حطي البصل بالمقلاة وحركيه خليه لما يتحمر شوي . شيلي بصحن .
11- حطي الزهرة المقلية فوق الدجاج وبعدها البطاط وبعدها الجزر وفوقه البصل . وحطي فوقهم الرز
خلي الماي فوق الرز بحوالي 5 سانتي . حطي أقل من ربع معلقة شاي عصفر . وخليه يغلي الرز .
12- اول ماتنشف الماي او راح صوت البقبقة من اسفل الرو . قصري النار على اقصى حد وخليه يستوي عى الراحة .
الطبخة كلها تاخذ ساعة الا ربع يعني 45 دقيقىة فقط .

وأول ما اتخلص اقلبي القدر بصحن كبير ورشي عليها بقدونس مفروم

وبالهناء

ملاحظة كثري الملح لانه البطاط يسحب الملوحة
تحياتي
25-08-1428 هـ, 06:21 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مشكوره يعطيك العافيه مبين عليها لذيذه نجربها أن شاء الله
25-08-1428 هـ, 10:33 مساءً
 
تسلم يدك شكلها لذيذه
25-08-1428 هـ, 11:22 مساءً
 
رهيبة يعطيك العافية بس مافهمت وشلون يصير الدجاج ذهبي وهو مسلوق<<<<<<<<<<معليش تراي متنحه شوي
25-08-1428 هـ, 11:56 مساءً
 
يعطيكـ العافية
26-08-1428 هـ, 06:06 صباحاً
 


الساعة الآن 05:36 .