السلام عليكم ورحمة الله وبركاته
البف باستري ممكن تسوين فيه أشكال وألوان ممكن تقطعينها اربع قطع وتحشينها جبنه وتسكرينها على شكل مستطيل أو مثلث أو مثل الحلاوه تلفين أطرافها وتدخلينها الفرن حتى تنضج وبعدين تصبين عليها شيره أو نستله وتقدمينها مع القهوه أو تخلينها ثدون حلى وتقدمينها مع الشاهي وممكن تحشينها لحم مفروم او دجاج أي حشوه تحبينها وممكن تسوين منها سينابون ترشين على الشريحه قرفه وسكر وتلفينها مثل السينابون وتقطعينها بتجيك حلقات صغار ودخليها الفرن بعدين حليها بالنستله والهرشيز وممكن تسوين منها الحلى المبروم اللي تدهنين الشريحه بالنستله وترشين عليها قرفه وتحطين عليها شريحه ثانيه وبعدين تقطعينها زي الأصابع بالطول الشريحه تجيبلك تقريبا عشر أصابع أبرميها مثل سلك التلفون بيطلع شكلها وصفيها في الصينيه ودخليهاالفرن وبعدين صبي عليها نستله وممكن تقطعينها حسب الشكل اللي تبغين وتصفينها في صينيه وتدهنينها بالبيض وترشين عليها حبه سوداء أو زعتر او سماق أو سمسم وتدخلينها الفرن وتقدم مع الشاهي موالح وممكن تسوينها في صينية الأكواب الصغيره قطعي الشريحه اربع قطع وحطي كل قطعه في كوب من الصينيه وحطي فيها كم قطعه جبن كيري تقريبا حبة الكيري تكفي أربع أكواب وبعدين الفرن وبعدين حليها بالشيره وممكن تزينينها بالفستق وممكن نفس الطريقه بس الجبنه كوريها بعدين حطي عللى العجينه وهي في الأكواب شوي شعيرية باكستانيه وحطي على وجهها كور الجبنه تكون زي العش وبعد الفرن حليها بالشيره وممكن نفس صينية الأكواب تحطي فيها العجينه بس تحشينها حشوة دجاج وتغطينها بجبنه مبوره وتدخلينها الفرن وتقدم مع الشاهي وممكن تسوين منها بيتزا تجي حلوه وخفيفه وممكن تسوين منها أفخاذ الدجاج وممكن تستخدمينها في حلى ام علي وممكن تزينين فيها وجه الكيك وفيه أشكال كثير بس هذا اللي جاء في بالي الحين وان شاء الله تعجبك


الساعة الآن 02:55 .