صباح الليـــل .
كيفكم مع المشاوير , و الفرزله , و المقادير ؟
أسأل الله أن يسلمنا إلى رمضان و يسلمه لنا و يتسلمه منا متقبلا, و كل عام و الجميع بـخير.
هاه وش رايكم بالتشخيص بالعنوان
قبل أبتدي بالموضوع و أني جدعته أي رميته هنا ... أني درت بكافة الأقسام ولقيت التفاعل مع رمضان هنا ... فا يعني للمشرفات أنتن و ضميركن أن شاء الله يقعد موضوعي بالمحذوفات بس أهم شيء نستفيد <== ما تعرف تتميلح

نرجع لمحور حديثنا ... و العنوان .
اللي هو السماط أو المائدة الأولى أي تعني الأكلات الحالية مثل القيمات و أخواتها .
مع القهوة مع الإفطار الأول .
أنا اللي عندي كثير يهتمون لهن لأنهن خفايف بالرغم من أنهن حاليات .
بس ما أعرف إلا على عدد الأصابع ودي بالتونيع والحركات على شان ما يملون .
بقول لكم اللي عندي ... وكل وحده تجي تسدح طريقتها بالتقديم مثل هالأنواع


أنا الأولى : اللقيمات العادية ..

الثانية : التاوه اللي هي بنت عمها نفس المقادير العجينة بس أني أقطعها صغار كبر ظفر الإبهام <== يمديكم ع التوصيف بعدين أفردها على خفيف تصير رهيفه ومع القلي تتنفخ و أطلعها من الزيت و أتركها تبرد قليلاً <== دخلت جوا مع الشيف مهدي بعدين أحط عليها شيرة و جوز الهند وفستق وبس .

الثالثة : هذي حبوها كثير و صدق طعمها يجنن .

كأس جوز الهند .
نص الكأس طحين .
و ثلاث ملاعق حليب .
اعجنيها بعدين اتركيها شوي ... ثم سويها زي الفطاير نص حلقة بعد ما تحشينها جبن .
و أقليها بالزيت ... ومع التقديم حطي معها شيرة أو عسل .

الرابعة : اللي هي السبموسك الصغار بالجبن المالح والشيرة والسمسم .

الخامسة : اللي هي أعواد السويتز .
تقصين قرصان السويتز نصفين .. بعدين تدهنينه جبن و قرفه و تلفينه ..
بعدها يقلى و يحط عليه هيرشي و نستله .

_______

هذا اللي عندي , أتمنى أشوف تفاعل وتبادل خبرات




25-08-1428 هـ, 10:44 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هاه .
تسني سمعت أحد يحتسي <== تبي ترفع الموضوع وما تعرف ترقع
25-08-1428 هـ, 11:32 مساءً
 
جزاك الله خير
25-08-1428 هـ, 11:44 مساءً
 
1_ الجبنيه
2_تاوه بطحين البر مع الحبه السوداء
3_القيمات العاديه لاكن مع العجينه اقلل الطحين وأظيف جوز الهند

هذا اللي عندي ومشكوره على الموضوع
25-08-1428 هـ, 11:53 مساءً
 
والله ما عندي شئ بس حبيت اقولك انك رهييييبه ضحكتيني عالريق
فوووووووق
25-08-1428 هـ, 11:57 مساءً
 


الساعة الآن 12:44 .