السلام عليكم ورحمة الله وبركاته
ياحليلك والله ضحكتيني ووسعتي صدري ذكرتيني بمطبات وفلسفتهم وبصراحه رهيبه انك جدعتيه هنا وبسألك الحلى اللي كتبتي طريقته ما فيه شي سايل يعني تعجنينه بماء والا كيف
ويا كثر أصناف الحلويات عندك سمبوسه صغار بالجبنه أو بجوز الهند وممكن أصابع الجبنه وفطيرة التفاح و ممكن اللقيمات والجبنيه والدونات أو بقلاوه بس مابعد ضبطت معي والبسبوسه العاديه والبسبوسه المحشيه والكنافه الصدقيه هههههه والكنافه الكذابه وبقشة العروس اللي هي لقيمات محشيه جبنه وبلح الشام وخبز تاوه وبف باستري عاد تفنني فيه اشكال وألوان ممكن تحشينه جبنه وتحلينه بالشيره أو النستله وممكن تسوين منه حلى الأعشاش أو أصابع القرفه المبرومه وممكن بعجينة الفطاير العاديه تفردينها وتوزعين عليها جبنه وبعدين تغطينها بعجينه ثانيه بعدين تقصصينها مربعات كل مربع فيه قطعة جبنه وتسكرينها زين علشان ماتطلع الجبنه بعدين تقلينها وتحلينها بالنستله ان شاء الله الطريقه واضحه جربوها والله يافيها طعم ماينشبع منها وممكن عجينة الفطاير تحشى جبنه وتكور وتقلى وتحلى بالشيره وفيه العجينه اللي كاس دقيق وعلبة قشطه تعجنينها وتحشينها جبنه بعدين تشكلينها مثل فطاير السبانخ بس صغار مره أو تسوينها نصن دائره صغيره بالقطاعه حقت السمبوسك الصغيره مره وتحلى بالشيره وممكن تسوين قطايف أقماع السويتز والسينابون العادي أو سينابون البف باستري او سينابون الصامولي أو سينابون الكروسونات جنيور خبيره في أنواع السينابون والمعمول بأنواعه ينفع والتمر أخلطيه مع شوي زبده وقرفه وسمسم محمص وكوريه بعدين صفيه في صحن فيه بسكوت مطحون بعدين أخلطي نستله وكيري وصبيه عليه وزيني وجهه بالفستق أو الشوكولاته السايله وحطي في كل تمره عود أسنان هذا حلى رهيب وسريع وطعمه حلو ويواجه لو كان فيه ضيوف وعندك حلى الصياني ينفع وأشكاله كثيره ومنوعه وهذا اللي عندي وأي سؤال أنا حاضرهومشكوره على موضوعك
حلو موضوعك
وطبعا ماعندي سالفة بس حابة أرفعه
موضوعك رهيب وحلو .. شوفي سلمك الله عندك أصابع الجبن وعندك دونات وعندك سمبوسة سويتز صغيرة بس أكبر من ظفر الإبهام شوي<< صار مقاس خخخخخخخخخخ

محشية جوز الهند مع حليب نستلة وعندك عجينة تعجن بالسميد ثم تقلينها بس ناسية طريقتها من زمان عنها وعندك بلح الشام

شكلك ناوية على ستين صنف

ابطلع برى موضوعك <ـ ـ ـ ـ ـ ـ طايحة فيها هاليومين

وأبسال حجابي عفافي ياأختي كأنك تقربين لي سبحان الله لما أقرأ مواضيعك في الأطباق أحس إنها أنا اللي أطبخ خصوصا لما قريت موضوع صينية المطبق لأن هالموضوع بالذات كنت أبطلع عليه براءة اختراع ....
سبحان الله وبحمده سبحان الله العظيم



اللهم ياحي ياقيوم انصر إخواننا في فلسطين


صح بقولك بالنسبة للقيمات مانسوي إلا اللقيمات العادية أما جوزهند وهالأشياء لا ولامرة جربناها
يعني إذا بنخربها وبنغير عن اللقيمات سوينا جبنية


وعندي لك حلى حلو وسهل شفتي السمبوسة اللي تحشونها بجبنه مالحه وبعد القلي تحطون عليه شيرة نفسسسسسسسسسسسسس الطريقة بس نغير الحشوة
والحشوة مرررررررررررررة سهلة وهي:
كأس حليب بودر +كأس سميد+كأس سكر
نحطهم في قدر ونحمسهم ولماننتهي نحشوا بها شرائح السمبوسه
ونقليهم وبعدين نصب عليهم شيرة وووووبس


لكن من جد لذييييييييذة وسهههههلة
هلا والله اختي زاهية الألوان والله ممكن ليش لا وبصراحه اللي أنا استغربته اني ما أرد في موضوع الا القى ردك قبلي أو بعدي وعلى قولتهم وراك وراك وياويلنا من أم الحموله طلعنا من موضوعها وقمنا نسولف بتجي تورينا الشغل ألحين هههههه وشكلي سبقتك في الأختراع حق المطبق:وأعجبتني حشوة السمبوسه اللي للأختmiss-toofy شكلها حلوه وجديده مشكورين


الساعة الآن 01:19 .