الوحيده والله انكي موتيني من الضحك ,حرام عليكي تقولي هالكلام لا تضحكي على احد ولا تسبي ماتدرين وش يصير بعدين
اسمعوا يابنات ,انا مريت بنفس اللي تقولون عليه وراح اقولكم على حكايه صارت لي بسبب هالكلام يعني من تجربه
ولكن اسمحولي الحين ,وانشاء الله راح اكمل واعطيكم الحلول :26:

السلام عليكم
رجعت لكم مره ثانيه عشان اقول اللي في خاطري
بالنسبه لهالجاره اولا تتوقعين يا حبيبتي mna44 انها فعلا مبسوطه على اللي يسويه ولدها ؟او انها تغلي وتنتظر لما تروح للبيت وتطلع حرتها ؟
في كلا الحالتين انتي هدي اعصابك لانه مهما كان هذا طفل والعيب ليس من الطفل العيب من الام وطبعا الواحد مهما كان لازم يكرم الضيف ويوجبه ,بالنسبه لي اذا كانت بتجيني وحده عندها اطفال مثل هالنوع اولا ارفع كل الاغراض المهمه في المكان اللي بنجلس فيه وبشكل مرتب عشان ارتاح واريح مادام الام من النوعيه هذي فالله المستعان
ثانيا اذا كان على الضرب ولعب الاطفال خلي طفلك قريب منك باستمرار واذا تمادى ابنها يعني اذا طفح الكيل والله من راي انكي تنبهي الام بينك وبينها ,واذا هالتخريب في اشياء بسيطه فالله يعينك اذا راحوا ترتبيهم اما تكسير وطلعه ونزله لا والله ماراح احرق اعصابي والام ساكته ارفع كل اللي اخاف عليه من تحف اكسسوارات حتى لو استلزم الامر اني ادخل طاولات الزينه في المخزن الين تروح وارجع اغراضي بسلام صح انه تعب بس احسن من عوار القلب ,وبيني وبينك في امهات الله يهدينا وياهم فيهم برود غير طبيعي مثل ماذكرتي يمكن لو ولدها هد الجدار براسي وراسها ماقالت شي ,هذا من ناحية اغراض البيت



اما من ناحية انه يضرب اطفالي خليني احكي لك حكايتي مع هالنوع من الامهات واصبح درس من بعد هالحادثه والكل صار حريص من اللي صار
انا كنت مضيفه ناس جايين من سفر سارلهم مده ماشفتهم وسويت هالمناسبه في استراحه وبنتي ذاك الوقت عمرها 9 شهور يعني لاتهش ولاتنش ومن ضمن اللي جوا ناس عازمين معاهم عايله جاينهم اجازه الصيف يعني لااعرفهم ولا يحزنون بس كنت مرحبه في الكل ما يهم
الخلاصه ان ولد الحرمه اللي جت وما اعرفها عمره 4 سنوات وكل اللي في المكان من اطفال طول الليل يبكون منه والكل ملاحظ وساكت للحشيمه وصار من ضمن الاحداث جروح ودم والذي منه وبنتي انطقت اكثر من مره وتخيلي عمرها 9 اشهر يعني ايش يجيبه عندها المهم على نهاية العزومه الولد هذا شد شعر بنتي وهي في العربيه وسكت وصارت طول الليل تبكي لانها الشده جامده ,عاد انا يوم صار اللي صار قمت مسكت يد الولد قدام امه والكل وضربتها ضربه بسيطه عشان يخاف ولا عاد يسويها
الولد راح اثاري الام شايله في قلبها ويوم بدينا نشطب والكل ماشي الام نادت ولدها ولمحتها تكلمه في اذنه ما دريت الا والولد ماسك يد بنتي وعاضها باقوى ماعنده الين سال الدم وطبعا بنتي فهت على مراى من ام الولد ولا حركت ساكن وهذا اللي فجر البركان اللي داخلي وخلاني اطلع الاول والتالي وصحت في الام لاشعوري وتعاتبتها على الاهمال وقلة الانتباه والعباطه وما خليت اي شي الا وقلته طبعا كله باسلوب وبدون كلام جارح والكل يطالعني باستغراب وما احد لامني على اللي سويته وفي نهاية الحفله اللي صارت جت جدة الولد وتاسفت وبنتها قامت تبكي من الفشله ,قمت وقلتلها انتي الي سويتي في نفسك هالشي لو انكي منتبه لابنك وين يروح ووين جي ما كان سببتي لنفسك الاحراج وللناس وبعدها اصبحت الحادثه هذي درس يتذاكربه الكل
شوفي انا بنتي ما اسمح لها تخرب ابدا لا في بيتي ولا في بيوت الناس وواقفه على سن ورمح مكان ما تلعب اوتروح فاذا انا ما ارضى ان بنتي تسوي هالاشياءعند الناس اذا ماراح ارضى ان اطفال الغير يخرب عندي والمفروض ان هذا اللي يصير
واسفه جدا للاطاله عاد انتوا وسعوا صدوركم واضحكوا علي وعلى مغامراتي وهذا شي من اشياء كثيره ودمتم سالمين :24: