اخواتى امهات الكيف ومحبين القهوة

انا وحده تحب تتقهوى واذا كان هناك حلى تمام مافيه مانع

المهم

عجزت وانا ادور على النوع الممتاز من القهوة
اكثر ما اخذ جاهزة اغلبها تطلع اللهم لك الحمد


فكرت اخذ واحمصها فى البيت وشفت طريقة تحميص فى منتدى التجارب

واقتنعت

لكن ماهو افضل نوع

كيف الطريقه الصحيحه

المقادير المضبوطه اللى ماتطلع مويه ولا ثقيله
احب القهوة اللى تجى رايبه يعنى لاهى ثقيله ولا خفيفه .................. شحاته وتتشرط
واعرف القهوة من ريحتها
مرات الريحه توصل للجيران ومرات تطبخين فيها ولاشى

المهم

افزعولى لانى تعقدت وزوجى طايح فينى تهزي

وانا كمااااااااااااا ااااااااااااااا ااااااااااااااا ااااااان
اهليييييييين بنوتة الدار
انا قهوتي اسويها بالبيت والكل اذا ذاقها يتجنن عليها
اولا خلي ابو الشباب "زوجك"
يجيب لك بن نوعيه ممتازه انا اللي استخدمه بن يمني على حد علمي ونوعيته ممتازه
المهم اخذ صينية تيفال كبيره واجيب كميه من البن فيها مع حبوب الشيبه بس تكون حبوب الشيبه شوي وتحمصينها مع البن بالفرن لين تصير لونها بني وانتي على حسب ذوقك تبينها فاتحه اوغامقه واذا حبيتي تضيفين لها المستكه اذا طلعتيها من الفرن
وطريقة عملها للتوضيح لك تحطي القهوه على النار والبن وتخلينها تغلي لفتره طويله كل ماطولت كل ماطلعت احلى وبالاخير تضيفين لها الهيل والزعفران "بس اهم شي تكون نوعية الزعفران حلوه"والحليب السائل شوي

جربيها ياقلبي وحاتدعي لي


اهلين حبيبتي
شوفي موضوعي بتوقيعي
ان شاءالله يفيدك
بالتوفيق يالغلا
انا خبره في القهوه للاني اموت فيها وماكل قهوه تعجبني كني عجوز
احبها شقراء مثل لون الخيل (لايفوتك الوصف)
اولا القهوه الهرريه لها سمعه لكن البريه طلعت افضل واصح عالمعده
اشتري قهوه بريه والة الفيشار او القهوه
وحطيها بدون تعب وتقليب عالنار لين تكون شقراء كلها مافيها شي اخضر
بعدين حطيها في الفريز عشان ماتخرب وكل اسبوع طلعي مقدار بسيط واطحنيه
والهيل حطيه بعد في الفريز ولاتطحنين الا حق اسبوع علشان تطلع نكهه حلوه
والزعفران شي بسيط لاتكثرين
اما الطريقه اولا اطبخي المويه لين تغلي مره وحطي القهوه والمويه مغليه افضل
وخليها عشر الى ربع ساعه فقط وقفليها وحطي الهيل والزعفران بعد ماتقفلين النار
اما مقدار القهوه بالنسبه للمويه هذي تجي مع الخبره وحسب حمسة القهوه
وبتعرفين انتي مع الايام افضل مقدار لقهوتك
اتمنى اكون نفعتك واكسب دعوه لي بالشفاء والرزق الوسيع
سبحان الله وبحمده *** سبحان الله العظيم




يقول الله عز وجل

(( "إني لأجدني أستحي من عبدي يرفع إلي يديه يقول يارب يارب فأردهما فتقول الملائكة 00الهنا إنه ليس أهلا لتغفر له00 فأقول ولكني أهل التقوى وأهل المغفرة أشهدكم إني قد غفرت لعبدي"










الساعة الآن 03:08 .